ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିରେ ଅନେକ ତାରକା ଅଛନ୍ତି, ଯେଉଁମାନେ ଫିଲ୍ମରେ ଚୁମ୍ବନ ଦୃଶ୍ୟ ଦେବାରେ ବାରଣ କରିନାହାଁନ୍ତି । ପରଦାରେ ଏପରି ଚରିତ୍ରରେ ଅଭିନୟ କରିବା ପରେ ତାଙ୍କ ପରିବାର ଏବଂ ପିଲାମାନଙ୍କର ପ୍ରତିକ୍ରିୟା କିପରି ଥିଲା? ଏହା ଉପରେ ମଧ୍ୟ ଅଭିନେତାମାନେ ପ୍ରାୟତଃ ଆକର୍ଷଣୀୟ କାହାଣୀ ପ୍ରକାଶ କରିଥାନ୍ତି।

Advertisment

ନିକଟରେ ବଲିଉଡ ଅଭିନେତା ବିବେକ ଓବରୋଇ ତାଙ୍କ ଚୁମ୍ବନ ଦୃଶ୍ୟ ବିଷୟରେ କହିଥିଲେ। ଅଭିନେତା କହିଥିଲେ ଯେତେବେଳେ ସେ  ଫିଲ୍ମ 'ପ୍ରିନ୍ସ'ରେ ତାଙ୍କ ସହ-ଅଭିନେତ୍ରୀଙ୍କୁ ଚୁମ୍ବନ ଦେଇଥିଲେ, ସେତେବେଳେ ତାଙ୍କ ପିଲାମାନେ କିପରି ପ୍ରତିକ୍ରିୟା ପ୍ରକାଶ କରିଥିଲେ?

୪୮ ବର୍ଷୀୟ ବିବେକ ତାଙ୍କର ଏକ ସାକ୍ଷାତକାରରେ ପ୍ରକାଶ କରିଥିଲେ ଯେ ଯେତେବେଳେ ସେ ଫିଲ୍ମ 'ପ୍ରିନ୍ସ'ରେ କାମ କରୁଥିଲେ, ତାଙ୍କ ପୁଅ ଭିଭାନ୍ ବହୁତ ଉତ୍ସାହିତ ଥିଲେ। ଫିଲ୍ମରେ ଅନେକ ଆକ୍ସନ୍ ଦୃଶ୍ୟ ଅଛି। ଏଭଳି ପରିସ୍ଥିତିରେ ତାଙ୍କ ପୁଅ ଫିଲ୍ମ ଦେଖିବା ପାଇଁ ଉତ୍ସାହିତ ଥିବାବେଳେ ଝିଅ ଆମେୟା ଆକ୍ସନ୍ ଦୃଶ୍ୟ ଦେଖିବା ପରେ ମଧ୍ୟଭାଗରେ ଫିଲ୍ମ ଛାଡିଥିଲେ। ବିବେକ  କହିଛନ୍ତି ଯେ ଫିଲ୍ମରେ ତାଙ୍କର ଏକ ଚୁମ୍ବନ ଦୃଶ୍ୟ ଥିଲା। ଯେଉଁଥିରେ ତାଙ୍କ ପୁଅ ଏକ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦେଇଥିଲେ।

ବିବେକ ଇଟାଇମ୍ସ  ସହ ଏକ ବାର୍ତ୍ତାଳାପରେ କହିଥିଲେ ଯେ ଫିଲ୍ମ ସମୟରେ ସେ ତାଙ୍କ ସହ-ଅଭିନେତ୍ରୀଙ୍କ ସହିତ ଏକ ଚୁମ୍ବନ ଦୃଶ୍ୟ ଦେଇଥିଲେ। ଯେତେବେଳେ ମୋ ପୁଅ ସେହି ଦୃଶ୍ୟ ଦେଖିଲା ସେ ମା’ଙ୍କ ପକ୍ଷ ନେଇ ମତେ ପ୍ରଶ୍ନ କରିଥିଲା।

ବିବେକ  କହିଛନ୍ତି, 'ଯେତେବେଳେ ମୋ ପୁଅ ଭିଭାନ୍ ମୋର ଚୁମ୍ବନ ଦୃଶ୍ୟ ଦେଖିଥିଲା। ସେ ଏହାକୁ ପସନ୍ଦ କଲା ନାହିଁ। ସେ ସଙ୍ଗେ ସଙ୍ଗେ ନିଜ ମା’ଙ୍କ ପକ୍ଷ ନେଇ ମୋତେ କହିଥିଲା ତୁମେ ମୋ ମା’ ବଦଳରେ ଅନ୍ୟ କାହାକୁ ଚୁମ୍ବନ କିପରି ଦେଲ?

ବିବେକ କହିଛନ୍ତି, 'ମୋ ପୁଅ ଭିଭାନର କଥା ଶୁଣିବା ପରେ ମୁଁ ଟିକେ ଦ୍ୱନ୍ଦ୍ୱରେ ପଡିଥିଲି। ମୁଁ ଏହାକୁ ନେଇ କିପରି ପ୍ରତିକ୍ରିୟା କରିବି ଜାଣିପାରି ନ ଥିଲି। ସେହି ଘଟଣାକୁ ମନେ ପକାଇ ଅଭିନେତା ହସି ହସି କହିଲେ, 'ମୁଁ ମୋ ପୁଅକୁ ବୁଝାଇଥିଲି ଯେ ଏହା ଫିଲ୍ମର ଏକ ଅଂଶ। ମୋ ଚରିତ୍ରରେ ଏହା କରିବାର ଥିଲା।

ବାସ୍ତବ ଜୀବନ ସହିତ ଏହାର କୌଣସି ସମ୍ପର୍କ ନାହିଁ। ଏହା ପରେ ମଧ୍ୟ ମୋ ପୁଅ ମୁଁ କ’ଣ କହିଲି ବୁଝି ପାରିଲା ନାହିଁ। ଅଭିନେତା କହିଛନ୍ତି ଯେ ମୋ ପୁଅ ଏନେଇ ମା’ ପ୍ରିୟଙ୍କାଙ୍କୁ ପଚାରିଥିଲା ଯେ ଏଥିରେ ତାଙ୍କର କିଛି ଅସୁବିଧା ଅଛି କି?

ସୂଚନାଯୋଗ୍ୟ, ବିବେକଙ୍କ ଫିଲ୍ମ 'ପ୍ରିନ୍ସ' ୨୦୧୦ ମସିହାରେ ମୁକ୍ତିଲାଭ କରିଥିଲା। ଚଳଚ୍ଚିତ୍ରଟି ବକ୍ସ ଅଫିସରେ ବଡ଼ ଧରଣର ହିଟ୍ କରି ନ ଥିଲା। କିନ୍ତୁ ବିବେକଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା ।

ତାଙ୍କର ରୋମାଣ୍ଟିକ୍ ଦୃଶ୍ୟ ବିଷୟରେ ମଧ୍ୟ ବହୁତ ଚର୍ଚ୍ଚା ହୋଇଥିଲା । ଏହା ବ୍ୟତୀତ ବିବେକ  ସୁଟଆଉଟ୍ ଆଟ୍ ଲୋଖଣ୍ଡୱାଲା, ମସ୍ତି, କମ୍ପାନୀ, ଓମକାରା, ସାଥିୟାଁ ଭଳି ଅନେକ ବଲିଉଡ ଚଳଚ୍ଚିତ୍ରରେ ଅଭିନୟ କରିଛନ୍ତି।

ଅଧିକ ପଢ଼ନ୍ତୁ:ଢାବା ବିୟୁଟି ପାର୍ଲର କମ୍ପାନୀ ଟନେଲ ନିର୍ମାଣ କରୁଛନ୍ତି: ମନ୍ତ୍ରୀଙ୍କ କଟାକ୍ଷ

ନିକଟରେ ତାଙ୍କୁ ରୋହିତ ଶେଟ୍ଟୀଙ୍କ ୱେବ୍ ସିରିଜ୍ 'ଇଣ୍ଡିଆନ୍ ପୋଲିସ୍ ଫୋର୍ସ'ରେ ଦେଖିବାକୁ ମିଳିଥିଲା। ଏଥିରେ ତାଙ୍କୁ ସିଦ୍ଧାର୍ଥ ମଲହୋତ୍ରା ଏବଂ ଶିଳ୍ପା ଶେଟ୍ଟୀଙ୍କ ସହ ଦେଖିବାକୁ ମିଳିଥିଲା।

ଅଧିକ ପଢ଼ନ୍ତୁ:ପୁଟିନଙ୍କ ଘରେ ଚୀନ୍‌ର ଗୁପ୍ତଚର: ହାଇପରସୋନିକ୍ ଟେକ୍ନୋଲୋଜି ବିକ୍ରି