୭ ମାସରେ ୨୫ ବିବାହ: ଗିରଫ ହେଲେ ଲୁଟେରୀ ଦୁଲ୍‌ହନ୍

ଜୟପୁର: ରାଜସ୍ଥାନର ସୱାଇ ମାଧୋପୁର ଜିଲ୍ଲାର ପୁଲିସ ମଧ୍ୟପ୍ରଦେଶର ରାଜଧାନୀ ଭୋପାଳରୁ ଜଣେ ଲୁଟେରୀ ଦୁଲ୍‌ହନ୍‌ଙ୍କୁ ଗିରଫ କରିଛି। ବଡ଼ କଥା ହେଉଛି ଅଭିଯୁକ୍ତ ଲୁଟେରୀ ଦୁଲ୍‌ହନ୍ ଏପର୍ଯ୍ୟନ୍ତ ୨୫ଟି ବିବାହ କରିସାରିଛନ୍ତି।

ସେ ବହୁତ ଚତୁରତାର ସହିତ ବିବାହ କରିବା ପରେ ଶାଶୁଘରୁ ଟଙ୍କା ଏବଂ ଅଳଙ୍କାର ଲୁଟ୍ କରି ପଳାଇ ଯାଉଥିଲେ। ପୁଲିସ ନିଜକୁ ନକଲି ଗ୍ରାହକ ବୋଲି ପରିଚୟ ଦେଇ ଲୁଟେରୀ ଦୁଲ୍‌ହନ୍‌ଙ୍କୁ ଧରିବାରେ ସଫଳ ହୋଇଛି। ପୁଲିସ ଲୁଟେରୀ ଦୁଲ୍‌ହନଙ୍କୁ ପଚରାଉଚରା ଆରମ୍ଭ କରିଛି।

ସୱାଇ ମାଧୋପୁରର ମାଣ୍ଟାଉନ୍ ଥାନା ଅଞ୍ଚଳର ଆଇଏଚଏସ କଲୋନିର ବାସିନ୍ଦା ବିଷ୍ଣୁ, ଲୁଟେରୀ ଦୁଲ୍‌ହନ୍ ଏବଂ ଅନ୍ୟ ଦୁଇ ଜଣଙ୍କ ବିରୁଦ୍ଧରେ ପୁଲିସ ଥାନାରେ ରିପୋର୍ଟ ଦାଏର କରିଥିଲେ। ବିଷ୍ଣୁ କହିଥିଲେ ଯେ, ସୁନିତା ଏବଂ ପପୁ ମୀନା ମୋ ପସନ୍ଦ ଅନୁସାରେ ବିବାହ କରାଇ ଦେବାକୁ ପ୍ରତିଶ୍ରୁତି ଦେଇଥିଲେ। ତା’ପରେ ସେମାନେ ମୋତେ ଅନୁରାଧା (୨୩)ଙ୍କ ସହ ଯୋଗାଯୋଗ କରାଇଥିଲେ। ଅଭିଯୁକ୍ତମାନେ ସୱାଇ ମାଧୋପୁରର କୋର୍ଟ ପରିସରରେ ଚୁକ୍ତିପତ୍ର ପ୍ରସ୍ତୁତ କରିଥିଲେ ଏବଂ ୨୦ ଏପ୍ରିଲରେ ଅନୁରାଧା ଏବଂ ବିଷ୍ଣୁଙ୍କ ବିବାହ କରାଇଥିଲେ।

ଏଥିପାଇଁ ସେମାନେ ଯୁବକଙ୍କ ପରିବାରଠାରୁ ୨ ଲକ୍ଷ ଟଙ୍କା ନେଇଥିଲେ। ଏହା ପରେ, ମେ’୨ ତାରିଖ ରାତିରେ, ଲୁଟେରୀ ଦୁଲ୍‌ହନ୍  ଅନୁରାଧା ତାଙ୍କ ଶ୍ୱଶୁର ଘରୁ ଅଳଙ୍କାର, ନଗଦ ଟଙ୍କା ଏବଂ ମୋବାଇଲ୍ ଫୋନ୍ ଲୁଟ୍‌ କରି  ପଳାଇ ଯାଇଥିଲେ।

ଘଟଣା ପରେ, ମାଣ୍ଟାଉନ୍ ପୁଲିସ ଷ୍ଟେସନରେ ଏକ ରିପୋର୍ଟ ଦାଖଲ କରାଯାଇଥିଲା ଏବଂ ଲୁଟେରୀ ଦୁଲ୍‌ହନ୍‌ଙ୍କୁ ଗିରଫ କରିବା ପାଇଁ ପୁଲିସ ଅଧିକାରୀଙ୍କ ନେତୃତ୍ୱରେ ଏକ ଦଳ ଗଠନ କରାଯାଇଥିଲା। ତଦନ୍ତ ଦଳର ଅଂଶ ଥିବା ଏସଆଇ ମିଠାଲାଲ ଯାଦବ ଅନୁରାଧା ଭୋପାଳରେ ଥିବା ସୂଚନା ପାଇଥିଲେ।

ଏହା ପରେ, ଏଏସଆଇ ପୂଲିସ ଦଳ ସହିତ ଭୋପାଳରେ ପହଞ୍ଚିଥିଲେ।  ସେଠାରେ ପହଞ୍ଚିବା ପରେ ସେ ଅନୁରାଧାଙ୍କୁ ଖୋଜିବା ଆରମ୍ଭ କରିଛନ୍ତି। ଅଭିଯୁକ୍ତ ମହିଳାଙ୍କୁ ଧରିବା ପାଇଁ ଏଏସଆଇ ଏକ ଜାଲ ବିଛାଇଥିଲେ। ଜଣେ କନଷ୍ଟେବଳଙ୍କ ବିବାହ ବ୍ୟବସ୍ଥା କରିବା ପାଇଁ ଜଣେ ଦଲାଲଙ୍କୁ ଯୋଗାଯୋଗ କରାଯାଇଥିଲା। ଦଲାଲ ଅନେକ ଝିଅଙ୍କ ଫଟୋ ଦେଖାଇଥିଲେ। ସେଥିରେ ଅନୁରାଧାଙ୍କ ଫଟୋ ମଧ୍ୟ ଥିଲା। ଏହା ପରେ, ପୁଲିସ ଅନୁରାଧାଙ୍କୁ ତାଙ୍କ ନକଲି ବିବାହ ଗ୍ୟାଙ୍ଗ ସହିତ ଗିରଫ କରିଥିଲା।

ଏହି ଲୋକମାନେ ନକଲି ସ୍ଥାନୀୟ ଏଜେଣ୍ଟଙ୍କ ମାଧ୍ୟମରେ ବିବାହରେ ଆଗ୍ରହୀ ଲୋକଙ୍କ ସହିତ ଯୋଗାଯୋଗ କରୁଥିଲେ ଏବଂ ତା’ପରେ ସେମାନଙ୍କୁ ମୋବାଇଲ୍ ମାଧ୍ୟମରେ ଫଟୋ ଦେଖାଉଥିଲେ। ଯଦି ସେ କନ୍ୟାକୁ ପସନ୍ଦ କରୁଥିଲେ ତେବେ ସେମାନେ ଟଙ୍କା ଦାବି କରୂଥିଲେ। ଏହି ଗ୍ୟାଙ୍ଗ ବିବାହ ପାଇଁ ଆଗ୍ରହୀ ଲୋକଙ୍କଠାରୁ ୨ ରୁ ୫ ଲକ୍ଷ ଟଙ୍କା ଦାବି କରୁଥିଲେ।

ଅଧିକ ପଢ଼ନ୍ତୁ: ୧୯୬ ଔଷଧ ନମୁନା ଗୁଣବତ୍ତା ପରୀକ୍ଷାରେ ବିଫଳ

ଏହା ପରେ, ଲୁଟେରୀ ଦୁଲ୍‌ହନ୍  ଯେତେବେଳେ ସୁଯୋଗ ପାଉଥିଲା କିଛି ଦିନ ମଧ୍ୟରେ ଟଙ୍କା ଏବଂ ଅଳଙ୍କାର ଲୁଟ୍ କରି ପଳାଇଯାଉଥିଲେ।

ବିଷ୍ଣୁ ଶର୍ମାଙ୍କ ଘରୁ ପଳାଇବା ପରେ, ଅନୁରାଧା ଭୋପାଳର ନିବାସୀ ଗବ୍ବର ନାମକ ଜଣେ ବ୍ୟକ୍ତିଙ୍କୁ ବିବାହ କରିଥିଲେ।  ୨ ଲକ୍ଷ ଟଙ୍କା ନେଇ ସେ ତାଙ୍କ ସହିତ ରହୁଥିଲେ। ତଦନ୍ତରୁ ଜଣାପଡିଛି ଯେ ଅନୁରାଧା ଗତ ୭ ମାସ ମଧ୍ୟରେ ୨୫ ଜଣଙ୍କୁ ବିବାହ କରିଥିଲେ।

ଅଧିକ ପଢ଼ନ୍ତୁ: ଘରେ ଦିଲ୍ଲୀ ଯାଉଛି କହି ପାକିସ୍ତାନ ପଳାଉଥିଲେ ପାକ୍ ଗୁପ୍ତଚର ଜ୍ୟୋତି ମାଲହୋତ୍ରା, ବାପା କଲେ ବଡ଼ ଖୁଲାସା...

Bihar | Crime | looteri-bride