ୱାଶିଂଟନ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ପୁଣି ଥରେ ଆକ୍ରମଣ ହୋଇଛି। ତେବେ ସେ ସୁରକ୍ଷିତ ଅଛନ୍ତି। ଫ୍ଲୋରିଡାର ପଶ୍ଚିମ ପାଲମ ବିଚରେ ଥିବା ଗଲ୍ଫ କୋର୍ସରେ ଟ୍ରମ୍ପ ଗଲ୍ଫ ଖେଳୁଥିବା ବେଳେ ତାଙ୍କ ଉପରେ ଗୁଳିମାଡ଼ ହୋଇଥିଲା। ଏହାର ଜବାବରେ ସିକ୍ରେଟ ସର୍ଭିସ ସଦସ୍ୟ ପାଲଟା ଗୁଳିଚାଳନା କରିଥିଲେ। ରିପବ୍ଲିକାନ୍ ପାର୍ଟିର ପ୍ରାର୍ଥୀ ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କୁ ହତ୍ୟା କରିବା ପାଇଁ ଏହା ଏକ ପ୍ରୟାସ ଥିଲା କି ନାହିଁ ତାହା ଜାଣିବା ପାଇଁ ଏଫବିଆଇ ପକ୍ଷରୁ ତଦନ୍ତ ଆରମ୍ଭ ହୋଇଛି।

Advertisment

ରିପୋର୍ଟ ଅନୁଯାୟୀ, ଟ୍ରମ୍ପଙ୍କୁ ଟାର୍ଗେଟ କରିଥିବା ଅଜ୍ଞାତ ବନ୍ଧୁକଧାରୀ ଘଟଣାସ୍ଥଳରେ ବନ୍ଧୁକ ଛାଡି ଏକ ଏସୟୁଭିରେ ପଳାଇ ଯାଇଥିଲେ। ତେବେ ଫ୍ଲୋରିଡାର ପଡୋଶୀ କାଉଣ୍ଟିରୁ ପୁଲିସ ତାଙ୍କୁ ଗିରଫ କରିଥିଲା। ତେବେ ଅଧିକାରୀମାନେ ଗୁଳି ବିନିମୟ ସମ୍ପର୍କିତ ସୂଚନା ସେୟାର କରିନାହାନ୍ତି। ଆକ୍ରମଣକାରୀଙ୍କ ନିକଟରୁ ଏକେ-୪୭ ଭଳି ଦେଖାଯାଉଥିବା ବନ୍ଧୁକ ଜବତ କରାଯାଇଛି ବୋଲି ପୁଲିସ କହିଛି। 

ତେବେ ପୂର୍ବତନ ରାଷ୍ଟ୍ରପତିଙ୍କ ଉପରେ ଗୁଳି ବିନିମୟ ହୋଇଛି କି ନାହିଁ ତାହା ସ୍ପଷ୍ଟ ହୋଇନାହିଁ ବୋଲି ସିକ୍ରେଟ୍ ସର୍ଭିସ ଅଧିକାରୀ କହିଛନ୍ତି। ସିକ୍ରେଟ୍ ସର୍ଭିସ ଅଧିକାରୀଙ୍କ ଅନୁଯାୟୀ ଟ୍ରମ୍ପ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି। ଏଫବିଆଇ ଫ୍ଲୋରିଡାର ୱେଷ୍ଟ ପାଲମ ବିଚ ନେଇ ପ୍ରତିକ୍ରିୟା ଦେଇ କହିଛି ଏହି ଘଟଣାର ତଦନ୍ତ ଜାରି ରହିଛି। ଏଜେନ୍ସି କହିଛି ଯେ ଏହି ମାମଲା ଟ୍ରମ୍ପଙ୍କୁ ହତ୍ୟା କରିବାର ପ୍ରୟାସ ପରି ମନେହେଉଛି।

ଖବର ଅନୁଯାୟୀ, ସନ୍ଦିଗ୍ଧଙ୍କ ପାଖରେ ଏକ ସ୍କୋପଥିବା ଏକେ-୪୭ ବନ୍ଧୁକ ଏବଂ ଗୋ-ପ୍ରୋ କ୍ୟାମେରା ଥିଲା। ବନ୍ଧୁକଧାରୀ ଟ୍ରମ୍ପଙ୍କଠାରୁ ପ୍ରାୟ ୨୭୫ରୁ ୪୫୦ ମିଟର ଦୂରରେ ଥିଲେ। ସିକ୍ରେଟ୍ ସର୍ଭିସ ସଦସ୍ୟଙ୍କ ପକ୍ଷରୁ ସନ୍ଦିଗ୍ଧଙ୍କ ଉପରେ  ଚାରି ରାଉଣ୍ଡ ଗୁଳି ଚଳାଯାଇଥିଲା। ତେବେ ଆକ୍ରମଣକାରୀ ଗୁଳି ଚଳାଇଛନ୍ତି କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ଖବର ଅନୁଯାୟୀ, ଘଟଣା ସମୟରେ ଟ୍ରମ୍ପ ଗଲ୍ଫ ଖେଳୁଥିଲେ। ଗୁଳି ବିନିମୟ ପରେ ଟ୍ରମ୍ପ ତାଙ୍କ ସମର୍ଥକଙ୍କୁ ଏକ ଇମେଲ ଲେଖି କହିଛନ୍ତି ମୁଁ କଦାପି ଆତ୍ମସମର୍ପଣ କରିବି ନାହିଁ। ସେ କହିଛନ୍ତି ମୋ ଉପରେ ଗୁଳିମାଡ଼ ହୋଇଛି। ମୁଁ ନିରାପଦରେ ଅଛି। ମୋତେ କେହି ଅଟକାଇ ପାରିବେ ନାହିଁ। 

ଟ୍ରମ୍ପଙ୍କ ଉପରେ ହୋଇଥିବା ଆକ୍ରମଣ ପରେ ଆମେରିକାର ଉପରାଷ୍ଟ୍ରପତି କମଲା ହାରିସ୍ ଇନଷ୍ଟାଗ୍ରାମରେ ଲେଖିଛନ୍ତି ଯେ ମୁଁ ଖୁସି ଟ୍ରମ୍ପ୍ ସେ ସୁରକ୍ଷିତ ଅଛନ୍ତି। ଆମେରିକାରେ ଏଭଳି ହିଂସା ପାଇଁ ସ୍ଥାନ ନାହିଁ । ହାରିସ୍ କହିଛନ୍ତି ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କ ଉପରେ ଗୁଳିମାଡ଼ ଏବଂ ଫ୍ଲୋରିଡାସ୍ଥିତ ତାଙ୍କ ସମ୍ପତ୍ତି ବିଷୟରେ ମୋତେ ଅବଗତ କରାଯାଇଛି।

ଅଧିକ ପଢ଼ନ୍ତୁ:ଖୁବ୍‌ଶୀଘ୍ର ମୋଦୀ ଲଗାଇବେ ‘ଏକ ଦେଶ, ଏକ ନିର୍ବାଚନ’ ନୀତି

ସୂଚନାଯୋଗ୍ୟ, ଜୁଲାଇ ୧୩ରେ ପେନସିଲଭାନିଆରେ ଏକ ରାଲିରେ ଡୋନାଲ୍ଡ ଟ୍ରମ୍ପଙ୍କୁ ଆକ୍ରମଣ କରାଯାଇଥିଲା। ଟ୍ରମ୍ପ ଏହି ଆକ୍ରମଣରୁ ଅଳ୍ପକେ ବର୍ତ୍ତି ଯାଇଥିଲେ। ଗୁଳିଟି ଟ୍ରମ୍ପଙ୍କ କାନକୁ ଛୁଇଁଥିଲା ଏବଂ ସେ ଆହତ ହୋଇଛି। ଏହି ଆକ୍ରମଣକାରୀଙ୍କୁ ୨୦ ବର୍ଷ ବୟସ୍କା ଥୋମାସ୍ କୁକ୍ ବୋଲି ଜଣା ପଡିଥିଲା, ଯିଏ ସିକ୍ରେଟ୍ ସର୍ଭିସ୍ ସ୍ନାଇପର ଦ୍ୱାରା ଗୁଳି ଚଳାଇଥିଲା।

ଅଧିକ ପଢ଼ନ୍ତୁ:ସ୍ବାସ୍ଥ୍ୟସେବାରେ ସଙ୍କଟ: ‘ସର୍ତ୍ତ’ ବନାମ ‘ଅଦୃଶ୍ୟ ରଣନୀତି’