ଇରାନ-ହେଜବୁଲ୍ଲା ଉପରେ ଆକ୍ରମଣ କରି ମଧ୍ୟପ୍ରାଚ୍ୟରେ ପରିବର୍ତ୍ତନ ଆଣିବୁ: ଇସ୍ରାଏଲ

ଜେରୁଜେଲମ୍: ସିରିଆରେ ଇରାନ ସମର୍ଥିତ ବଶର ଅଲ-ଅସଦଙ୍କ ଶାସନ ପତନ ପରେ ଇସ୍ରାଏଲର ମନୋବଳ ବୃଦ୍ଧି ପାଇଛି । ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ  ଇରାନ ଏବଂ ହେଜବୁଲ୍ଲାକୁ ସିଧାସଳଖ ଚେତାବନୀ ଦେଇ କହିଛନ୍ତି ଯେ, ସମ୍ପୂର୍ଣ୍ଣ ବିଜୟ ହାସଲ କରିବା ପାଇଁ ତାଙ୍କ ଦେଶ ଉଭୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜାରି ରଖିବ।

ଅଧିକ ପଢ଼ନ୍ତୁ: ଇସ୍ରାଏଲର ବଡ଼ ଧରଣର ଆକ୍ରମଣ: ସିରିଆରେ ଆସିଲା ଭୂକମ୍ପ

ନେତାନ୍ୟାହୁ କହିଛନ୍ତି, ନିକଟ ଅତୀତରେ ଆମେ ଅନେକ ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରିଛୁ। ପ୍ରତିରକ୍ଷା ସଚିବ କାଟଜଙ୍କ ସହ ମିଶି ମୁଁ ସିରିଆରୁ ସମ୍ଭାବ୍ୟ ବିପଦକୁ ରୋକିବା ଏବଂ ଆତଙ୍କବାଦୀ ଉପାଦାନଗୁଡ଼ିକୁ ଆମ ସୀମା ନିକଟରେ ପାଦ ନ ଦେବାକୁ ଆଇଡିଏଫକୁ ନିର୍ଦ୍ଦେଶ ଦେଇଛି।

ଏହା ପୂର୍ବରୁ ହେଜବୁଲ୍ଲା  ନେତା ନାଏମ କାସିମଙ୍କ ଭାଷଣ ଆଧାରରେ ନେତାନ୍ୟାହୁ ଇସ୍ରାଏଲର କାର୍ଯ୍ୟକୁ ପ୍ରଭାବଶାଳୀ ବୋଲି ବର୍ଣ୍ଣନା କରିଛନ୍ତି। କାସିମ କହିଥିଲେ ଯେ ହେଜବୁଲ୍ଲା  ସିରିଆ ଦେଇ ନିଜର ସାମରିକ ଯୋଗାଣ ମାର୍ଗ ହରାଇଛି।

ଅଧିକ ପଢ଼ନ୍ତୁ: ନୀତୀଶଙ୍କୁ ସିନ୍ଦେଙ୍କ ପରି ଝଟକା ଦେବ କି ବିଜେପି ? ୨୦୨୫ ଯୋଜନାର ସୂଚନା ଦେଲେ ଶାହ