ବିଜେପି ଗଣତନ୍ତ୍ର-କୂଟନୀତି ବୁଝି ନ ପାରି ହୀନ ରାଜନୀତି କରୁଛି: ଶଶି ଥରୁର

ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ଶଶି ଥରୁର ରବିବାର ଭାରତୀୟ ଜନତା ପାର୍ଟି(ବିଜେପି) ପକ୍ଷରୁ ଆମେରିକା ସ୍ୱରାଷ୍ଟ୍ର ବିଭାଗ ବିରୋଧରେ ଅଣାଯାଇଥିବା ଅଭିଯୋଗକୁ ସମାଲୋଚନା କରିଛନ୍ତି। ଏଭଳି ମାନସିକତା ଏବଂ ଆକ୍ରମଣାତ୍ମକ ଆଚରଣ ଭାରତ ପାଇଁ ଲଜ୍ଜାଜନକ ବିଷୟ ବୋଲି ଶଶି ଥରୁର କହିଛନ୍ତି।

ଭାରତକୁ ଅସ୍ଥିର କରିବା ପାଇଁ ଆମେରିକାର ଡିପ୍ ଷ୍ଟେଟ୍ ଉପାଦାନଗୁଡିକ କାର୍ଯ୍ୟ କରୁଥିବା ବିଜେପିର ଅଭିଯୋଗକୁ ଆମେରିକା ପ୍ରତ୍ୟାଖ୍ୟାନ କରିଛି।

ଓସିସିଆରପିର ମୁଖ୍ୟାଳୟ ଆମଷ୍ଟରଡାମ୍‌ରେ  ରହିଛି। ଏହା ଏକ ମିଡିଆ ପ୍ଲାଟଫର୍ମ ଯାହା ମୁଖ୍ୟତଃ ଅପରାଧ ଏବଂ ଦୁର୍ନୀତି ସହ ଜଡିତ କାହାଣୀ ଉପରେ ଧ୍ୟାନ ଦେଇଥାଏ।

ଅଧିକ ପଢ଼ନ୍ତୁ: ରାୟ ନ୍ୟାୟର ଉପହାସ: ରାମମନ୍ଦିର ଉପରେ ପ୍ରଶ୍ନ ଉଠାଇଲେ ପୂର୍ବତନ ବିଚାରପତି

ବିଜେପି  ମିଡିଆପାର୍ଟ ଦ୍ବାରା ପ୍ରକାଶିତ ଏକ ଫରାସୀ ଗଣମାଧ୍ୟମର ରିପୋର୍ଟ ଆଧାରରେ  କହିଥିଲା ଯେ  ଆମେରିକାର ବୈଦେଶିକ ବିଭାଗର ୟୁଏସଏଆଇଡି ଦ୍ବାରା ଜର୍ଜ ସୋରୋସ୍ ଏବଂ ରକଫେଲର୍ ଫାଉଣ୍ଡେସନ୍ ଦ୍ବାରା ଓସିସିଆରପି ଆର୍ଥିକ ଅନୁଦାନ ପ୍ରାପ୍ତ। 

ଓସିସିଆରପିର ୫୦% ଅର୍ଥ ସିଧାସଳଖ ଆମେରିକାର ବୈଦେଶିକ ବିଭାଗରୁ ଆସିଥାଏ। ତେଣୁ, ଓସିସିଆରପି ଡିପ୍ ଷ୍ଟେଟ୍ ଏଜେଣ୍ଡାକୁ ଆଗକୁ ନେବା ପାଇଁ ଏକ ମିଡିଆ ଉପକରଣ ଭାବରେ କାର୍ଯ୍ୟ କରିଥାଏ ବୋଲି ବିଜେପି ସୋସିଆଲ ମିଡିଆ‌ ଏକ୍ସରେ ଏକ ପୋଷ୍ଟ କରି ଏହା କହିଥିଲା। ବିଜେପିର ଏଭଳି ମନ୍ତବ୍ୟ ନେଇ ଶଶି ଥରୁର କଡ଼ା ସମାଲୋଚନା କରିଛନ୍ତି।

ଅଧିକ ପଢ଼ନ୍ତୁ: ୟୁକ୍ରେନକୁ ଆମେରିକା ପକ୍ଷରୁ ୧ ବିଲିୟନ ଡଲାର ସହାୟତା ମିଳିବ