ବେଜିଂ: ଚୀନ୍ ସରକାର ଅନଲାଇନ୍ ଫୁଡ୍ ସୋ’ଗୁଡ଼ିକ ଉପରେ ଚିନ୍ତା ପ୍ରକାଶ କରିଛନ୍ତି ଯାହା ଖାଦ୍ୟ ଅପଚୟ ଏବଂ ଅସ୍ୱାସ୍ଥ୍ୟକର ଖାଦ୍ୟକୁ ପ୍ରୋତ୍ସାହିତ କରୁଛି। ଏହା ଜନସ୍ୱାସ୍ଥ୍ୟ ଏବଂ ଖାଦ୍ୟ ସଂସ୍କୃତିକୁ କ୍ଷତି ପହଞ୍ଚାଉଛି। ସରକାର କହିଛନ୍ତି ଏହି ସୋ’ଗୁଡ଼ିକ ଯୁବପିଢ଼ିଙ୍କ ଉପରେ ନକାରାତ୍ମକ ପ୍ରଭାବ ପକାଇବା ସହିତ ମିତବ୍ୟୟତାର ମୂଲ୍ୟବୋଧକୁ ହ୍ରାସ କରୁଛି।

Advertisment

ଚୀନ୍ ସରକାର ବର୍ତ୍ତମାନ ଏହି ଖାଦ୍ୟ ଧାରା ଉପରେ ବିରକ୍ତ ହେବାରେ ଲାଗିଛନ୍ତି। ଚୀନ୍ ମଙ୍ଗଳବାର ଦିନ କହିଛି ଯେ, ଲୋକମାନେ ଅନଲାଇନରେ ଅଧିକ ଲୋକପ୍ରିୟ ହେଉଥିବା ଅତ୍ୟଧିକ ଖାଦ୍ୟ ସୋ’କୁ ବିରୋଧ କରିବା ଉଚିତ, କାରଣ ଏପରି ସୋ’ ଖାଦ୍ୟ ନଷ୍ଟ କରେ ଏବଂ ସ୍ୱାସ୍ଥ୍ୟ ପାଇଁ ଭଲ ନୁହେଁ।

ଯେତେ ଶୀଘ୍ର ସମ୍ଭବ ଖାଇବା ସହିତ ଜଡିତ ଖେଳର ଧାରା ଆଜିକାଲି ଚୀନ୍‌ରେ ଅଧିକ ଲୋକପ୍ରିୟ ହେଉଛି। ଅନଲାଇନ୍ ରିଲ୍‌ଗୁଡ଼ିକରେ ଲୋକମାନେ ଇନଷ୍ଟାଣ୍ଟ ନୁଡୁଲ୍ସ, ଡମ୍ପଲିଂ ଏବଂ ହାମବର୍ଗର ଖାଉଥିବା ଦେଖାଯାଉଛି।

ଚୀନ୍ କଞ୍ଜ୍ୟୁମର୍ସ ଆସୋସିଏସନର ଏହି ବିବୃତି ଦେଇଛି ଅନଲାଇନ୍ ଫୁଡ୍ ସୋ’ପ୍ରତି ବଢ଼ୁଥିବା ଆଗ୍ରହକୁ ରୋକିବା ପାଇଁ ସର୍ବଶେଷ ପଦକ୍ଷେପ ଗ୍ରହଣ କରାଯିବ। ଯାହା ୨୦୨୦ ମସିହାରେ ଶିଳ୍ପକୁ ଅଧିକ କଡ଼ାକଡ଼ି ନିୟନ୍ତ୍ରଣ କରିବା ପାଇଁ ପ୍ରୟାସ ସତ୍ତ୍ୱେ ବିଶ୍ୱର ଦ୍ୱିତୀୟ ବୃହତ୍ତମ ଅର୍ଥନୀତିରେ ବ୍ୟାପକ ଭାବରେ ପ୍ରଦର୍ଶିତ ହେଉଛି।

ଚୀନ୍ ଲୋକମାନେ ଖାଦ୍ୟ ପ୍ରଦର୍ଶନୀକୁ ପସନ୍ଦ କରୁଛନ୍ତି। ଖାଇବା ଖେଳ ‌ସୋ’ଗୁଡ଼ିକ ପ୍ରଶଂସକଙ୍କୁ ଆକର୍ଷିତ କରୁଛି। ଦର୍ଶକମାନେ ଲୋକମାନଙ୍କୁ ପ୍ରଚୁର ପରିମାଣର ଖାଦ୍ୟ ଖାଇବା ଦେଖିବାକୁ ଆଗ୍ରହୀ। ଯେଉଁଥିରେ ଅତ୍ୟଧିକ ମସଲାଯୁକ୍ତ ଖାଦ୍ୟ ମଧ୍ୟ ସାମିଲ ଅଛି। ଏହି ଧାରା ବୃଦ୍ଧି କେବଳ ସ୍ୱାସ୍ଥ୍ୟ ପାଇଁ କ୍ଷତିକାରକ ନୁହେଁ, ବରଂ ଖାଦ୍ୟ ସୁରକ୍ଷା ପାଇଁ ମଧ୍ୟ ଚିନ୍ତାର ବିଷୟ ପାଲଟିଛି।

ବିବୃତିରେ କୁହାଯାଇଛି ଯେ, କିଛି ଅନଲାଇନ୍ ପ୍ଲାଟଫର୍ମ ବର୍ତ୍ତମାନ ଅତ୍ୟଧିକ ଖାଦ୍ୟ ସୋ'ରେ ପରିପୂର୍ଣ୍ଣ ଯାହା ମାନବର ଶାରୀରିକ ସୀମାକୁ ଚ୍ୟାଲେଞ୍ଜ କରୁଥିବା ଖାଦ୍ୟ ପ୍ରଦର୍ଶିତ କରୁଛି।

ଅଧିକ ପଢ଼ନ୍ତୁ: ମୋଦୀଙ୍କଠାରୁ ଶିଖନ୍ତୁ, ଭାରତର ଉଦାହରଣ ନିଅନ୍ତୁ: ପାକିସ୍ତାନୀ ସାଂସଦ କଲେ ପ୍ରଶଂସା

ଏହା ଖାଦ୍ୟ ସଂସ୍କୃତିକୁ କ୍ଷତି ପହଞ୍ଚାଇବା ସହିତଖାଦ୍ୟ ଅପଚୟ ମଧ୍ୟ କରୁଛି ବୋଲି ବିଭାଗ ଏକ ବିବୃତିରେ କହିଛି। ଏହି ସୋ’ଗୁଡ଼ିକ ଚୀନ୍‌ର ପାରମ୍ପରିକ ଗୁଣଗୁଡ଼ିକୁ ପଦଦଳିତ କରୁଛି।

ଆସୋସିଏସନ କହିଛି ଯେ, ଏହା ବ୍ୟାୟାମ ଏବଂ ମିତବ୍ୟୟ ଉପରେ ନକାରାତ୍ମକ ପ୍ରଭାବ ପକାଉଛି ଏବଂ ଖାଦ୍ୟ ବିଷୟରେ ଅସ୍ବାସ୍ଥ୍ୟକର ଏବଂ ଅଯୌକ୍ତିକ' ଧାରଣା ମଧ୍ୟ ପ୍ରସାରିତ କରୁଛି। ଯାହା ଯୁବପିଢ଼ିଙ୍କୁ କ୍ଷତି ପହଞ୍ଚାଉଛି। 

ସୂଚନାଯୋଗ୍ୟ, କରୋନା ପରଠାରୁ ଚୀନ୍‌ରେ ଅନଲାଇନରେ ଖାଦ୍ୟ ଅର୍ଡର କରିବା ଏବଂ ଏପରି ସୋ’କରିବାର ଧାରା ବୃଦ୍ଧି ପାଇଛି, ଯାହା ସମାଜକୁ ଭୁଲ୍ ଖାଦ୍ୟ ଅଭ୍ୟାସ ଆଡ଼କୁ ନେଇଯାଉଛି।

ଅଧିକ ପଢ଼ନ୍ତୁ: ଡରାଇବାକୁ ଚେଷ୍ଟା କରନାହିଁ: ଆମେ କ୍ଷମତା ଛାଡିବାକୁ ପ୍ରସ୍ତୁତ

China Food habits