ଭାରତର ପଡ଼ୋଶୀ ଦେଶରେ ଚୀନ୍‌ର ଘରୋଇ ସେନା: ଗୃହଯୁଦ୍ଧ ଆଶଙ୍କା ବଢ଼ିଲା

ବେଜିଂ: ଭାରତର ପଡ଼ୋଶୀ ଦେଶରେ ଚୀନ୍ ଅନେକ ଘରୋଇ ସେନା ୟୁନିଟ୍ ନିୟୋଜିତ କରିଛି। ଏହି ସୈନ୍ୟବାହିନୀରେ ସଶସ୍ତ୍ର ଚୀନ୍ ନାଗରିକ ଅଛନ୍ତି, ଯେଉଁମାନେ ନିଜ ଦେଶର ଅର୍ଥନୈତିକ ଏବଂ ରଣନୀତିକ ସ୍ୱାର୍ଥ ରକ୍ଷା କରୁଛନ୍ତି। ଏହି ଘରୋଇ ସୈନ୍ୟବାହିନୀ ଭାରତର ପଡୋଶୀ ଦେଶ ମିଆଁମାରରେ ନିୟୋଜିତ ହୋଇଛନ୍ତି।

ଏଥିରେ ଚାଇନା ସେନାର ଅବସରପ୍ରାପ୍ତ ସୈନିକମାନଙ୍କ ବ୍ୟତୀତ ଅନ୍ୟ ଅନେକ ଲୋକ ମଧ୍ୟ ଏହି ସୈନ୍ୟବାହିନୀରେ ସାମିଲ ହୋଇଛନ୍ତି। ବିଶ୍ଳେଷକମାନେ ଚେତାବନୀ ଦେଇଛନ୍ତି ଯେ, ମିଆଁମାରରେ ଚୀନ୍ ସୁରକ୍ଷା କମ୍ପାନିଗୁଡିକର ନିୟୋଜନ ଯୋଗୁ ଦେଶରେ ଗୃହଯୁଦ୍ଧ ସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ଯାହାଦ୍ବାରା ଏକ କୂଟନୈତିକ ସଙ୍କଟ ସୃଷ୍ଟି ହୋଇପାରେ।

ବିଶେଷଜ୍ଞମାନେ କହିଛନ୍ତି ଯେ, ମିଆଁମାରରେ ସଶସ୍ତ୍ର ଗୋଷ୍ଠୀକୁ ଚୀନ୍‌ର ପ୍ରକଳ୍ପଗୁଡ଼ିକୁ ପୁଣି ଆରମ୍ଭ କରିବାକୁ ଅନୁମତି ଦେବାରେ ଚୀନ୍ ସୁରକ୍ଷାକର୍ମୀମାନେ ବଡ଼ ଆହ୍ବାନର ସମ୍ମୁଖୀନ ହେବେ, ବିଶେଷ କରି ସେମାନଙ୍କ ମଧ୍ୟରୁ ଅଧିକାଂଶ ବର୍ତ୍ତମାନ ଏହି ଅଞ୍ଚଳରେ ଅବସ୍ଥିତ। ମିଆଁମାରର ସାମ୍ପ୍ରତିକ ଗଣମାଧ୍ୟମ ରିପୋର୍ଟରୁ ଜଣାପଡିଛି, ଚୀନ୍ ଏହାର ପ୍ରକଳ୍ପ ଏବଂ କର୍ମଚାରୀଙ୍କ ସୁରକ୍ଷା ପାଇଁ ମିଆଁମାରର ସାମରିକ ଶାସକଙ୍କ ସହିତ ମିଳିତ ସୁରକ୍ଷା କମ୍ପାନି ଗଠନ କରିବାକୁ ଯୋଜନା କରୁଛି।

୨୨ଅକ୍ଟୋବରରେ, ଜୁଣ୍ଟା ଏହି ପଦକ୍ଷେପ ପାଇଁ ଏକ ବୁଝାମଣାପତ୍ର ପ୍ରସ୍ତୁତ କରିବାକୁ  କମିଟି ଗଠନ କରିଥିଲା ​। ବିବିସି-ବର୍ମା ସେବା ରିପୋର୍ଟ କରିଛି ଯେ, ମିଆଁମାରରେ ପୂର୍ବରୁ ୪ ଚୀନ୍ ଘରୋଇ ସୁରକ୍ଷା କମ୍ପାନି କାର୍ଯ୍ୟ କରୁଛନ୍ତି। ଅଗଷ୍ଟରେ ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟିଙ୍କ ମିଆଁମାର ଗସ୍ତ ଏବଂ ମିଆଁମାର ସାମରିକ ନେତା ମିନ ଅଙ୍ଗ ହଲିଙ୍ଗଙ୍କ ଚଳିତ ମାସ ଆରମ୍ଭରେ ଚୀନ୍ ଗସ୍ତ ପରେ ଏହି ପ୍ରସ୍ତାବ ଦିଆଯାଇଛି।

ଦକ୍ଷିଣ ଅଷ୍ଟ୍ରେଲିଆ ବିଶ୍ୱବିଦ୍ୟାଳୟର ବରିଷ୍ଠ ଅଧ୍ୟାପକ ଆଡାମ ସିମ୍ପସନ୍ କହିଛନ୍ତି, ଚୀନ୍‌ର ବେସରକାରୀ ସାମରିକ ନିଗମ ଦ୍ବାରା କରାଯାଇଥିବା ସୁରକ୍ଷା କାର୍ଯ୍ୟ ଯୋଗୁ ଗୃହଯୁଦ୍ଧ ହେବାର ଆଶଙ୍କା ରହିଛି। ସେ କହିଛନ୍ତି,ଏହା ନିଶ୍ଚିତ ଭାବରେ ଏକ କୂଟନୈତିକ ଘଟଣା ସୃଷ୍ଟି କରିବ। 

ଚଳିତ ସପ୍ତାହରେ, ଏକ ଶକ୍ତିଶାଳୀ ବିଦ୍ରୋହୀ ଗୋଷ୍ଠୀ କାଚିନ୍ ସ୍ବାଧୀନତା ସେନା ଚୀନ୍‌ର ସୀମା ନିକଟ ଉତ୍ତର-ପୂର୍ବ ମିଆଁମାରର ଏକ ପ୍ରମୁଖ ବାଣିଜ୍ୟ ସହର ତଥା ବିରଳ ରତ୍ନ ପଥର ଖଣି କେନ୍ଦ୍ର କାନପାଇଟିକୁ ଦଖଲ କରିଥିଲା। ସିମ୍ପସନ୍ କହିଛନ୍ତି, କ୍ଷମତା ଦଖଲର ପ୍ରାୟ ଚାରି ବର୍ଷ ପରେ ସୁରକ୍ଷା କମ୍ପାନିଗୁଡିକର ଉପସ୍ଥିତି ମିଆଁମାରରେ ଗୃହଯୁଦ୍ଧ ସୃଷ୍ଟି କରିପାରେ।

ଅଧିକ ପଢ଼ନ୍ତୁ: ସିରିଆର ସଡ଼କରେ ଏକେ-୪୭ ଧରି ବୁଲୁଛନ୍ତି ଲୋକେ

ଯଦି ବିଦ୍ରୋହୀମାନେ ଶେଷରେ କ୍ଷମତାକୁ ଆସନ୍ତି, ତେବେ ସେମାନେ ଅଗଣତାନ୍ତ୍ରିକ ତଥା ବେଆଇନ ଜୁଣ୍ଟାକୁ ସମର୍ଥନ କରିଥିବାରୁ ଚୀନ୍‌ ପ୍ରତି ଦୟା ପ୍ରଦର୍ଶନ କରିବେ ନାହିଁ।

                        ଆଡାମ ସିମ୍ପସନ୍, ରାଜନୈତିକ ବିଶ୍ଳେଷକ 

ଚୀନ୍‌ର ତୈଳ ଓ ଗ୍ୟାସ ପାଇପଲାଇନର ସ୍ୱାର୍ଥ ରକ୍ଷା ପାଇଁ ରାଖାଇନ୍‌ର କାୟୁକପିୟୁରେ “ପ୍ରକ୍ସି” ପିପୁଲ୍ସ ଲିବରେସନ୍ ଆର୍ମି ସୈନ୍ୟ ନିୟୋଜିତ ହୋଇଥିବାରୁ ଭାରତର ଚିନ୍ତା ବଢ଼ିବାରେ ଲାଗିଛି। ସିମ୍ପସନ୍ କହିଛନ୍ତି ଯେ ଏହି ପାଇପଲାଇନ ଭାରତର ଦୀର୍ଘ ବିଳମ୍ବିତ କାଲାଦାନ ମଲ୍ଟି ମୋଡାଲ ଟ୍ରାଞ୍ଜିଟ୍ ପରିବହନ ପ୍ରକଳ୍ପ ପାଖରେ ଯାଉଛି। ନିଜର ସୀମା ନିକଟରେ ଚୀନ୍ ସୈନିକ ଏବଂ ବେସରକାରୀ ସୈନ୍ୟବାହିନୀ ନିୟୋଜିତ ହେବା ନେଇ ବାଂଲାଦେଶ ମଧ୍ୟ ଚିନ୍ତିତ। ଏହି ଘଟଣାରେ ଥାଇଲ୍ୟାଣ୍ଡ ମଧ୍ୟ ଅସନ୍ତୋଷ ପ୍ରକାଶ କରିଛି।

ଅଧିକ ପଢ଼ନ୍ତୁ: ଭାରତର ଏକ ତୃତୀୟାଂଶ ଅପରାଧୀଙ୍କୁ ଆଶ୍ରୟ ଦେଇଛି ଆମେରିକା