ବର-କନ୍ୟା ବିନା ବିବାହରୁ ଲକ୍ଷ ଲକ୍ଷ ରୋଜଗାର: ଦେଶରେ ଚାଲିଛି ଏଭଳି ବ୍ୟବସାୟ

ନୂଆଦିଲ୍ଲୀ:  ଭାରତର ବଡ଼ ବଡ଼ ସହରଗୁଡ଼ିକରେ ନକଲି ବିବାହର ନୂତନ ଧାରା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଏହି ବିବାହଗୁଡ଼ିକରେ ପ୍ରକୃତ ବର, କନ୍ୟା, ସମ୍ପର୍କୀୟ ଏବଂ ପ୍ରକୃତ ବିବାହ ରୀତିନୀତି ନାହିଁ, କିନ୍ତୁ ମଜା ସମ୍ପୂର୍ଣ୍ଣ ବିବାହ ପରି। ଏହାକୁ ନକଲି ବିବାହ କୁହାଯାଉଛି।  ଯେଉଁଠାରେ  ନାଚ, ଗୀତ, ସ୍ୱାଦିଷ୍ଟ ଖାଦ୍ୟ ଏବଂ ଇନଷ୍ଟାଗ୍ରାମ ରିଲ୍ ତିଆରିର ସମ୍ପୂର୍ଣ୍ଣ ସେଟଅପ୍ ଅଛି।  ସେଥିରେ ନକଲି ବର-କନ୍ୟା, ରୀତିନୀତି  ଏବଂ ଶୋଭାଯାତ୍ରା ହେଉଛି।  ଟିକେଟ୍ ବିକ୍ରି ହେଉଛି। ଜେନେରେସନ୍  ଜେଡ୍ଏହାକୁ ଭଲ ପାଉଛନ୍ତି ଏବଂ ଏହା ମଜା ସହିତ ଲକ୍ଷ ଲକ୍ଷ ଟଙ୍କାର ଏକ ବ୍ୟବସାୟ ମଡେଲ୍ ପାଲଟିଛି।

ଏହି ଧାରା ଦିଲ୍ଲୀ, ବେଙ୍ଗାଲୁରୁ, ପୁଣେ ଭଳି ସହରରେ ବେଶ୍ ଲୋକପ୍ରିୟ ହେବାରେ ଲାଗିଛି। ଲୋକମାନେ ଏହି ନୂତନ ପ୍ରକାରର ବିବାହର ମଜା ନେବା ପାଇଁ ହଜାର ହଜାର ଟଙ୍କା ଖର୍ଚ୍ଚ କରୁଛନ୍ତି।   ଏହି ନକଲି ବିବାହରେ କେବଳ ମଜାର ଉତ୍ସ ନୁହେଁ ବରଂ ଲକ୍ଷ ଲକ୍ଷ ଟଙ୍କାର ବ୍ୟବସାୟ ମଧ୍ୟ ହେଉଛି।

ଅଧିକ ପଢ଼ନ୍ତୁ: ନିର୍ଦ୍ଦେଶକ ମୋତେ ବିକ୍ରି କରି ଦେଇଥିଲେ: କାଷ୍ଟିଂ କାଉଚ୍ ନେଇ ଖୁସି ମୁଖାର୍ଜୀଙ୍କ ବଡ଼ ଖୁଲାସା

ଆଜିର ଜେନ ଜେଡ ପିଢ଼ି ମଧ୍ୟରେ ନକଲି ବିବାହ  ବେଶ୍ ଆଦୃତ  ହେବାରେ ଲାଗିଛି। ଏହି କାର୍ଯ୍ୟକ୍ରମଗୁଡ଼ିକରେ,  ପ୍ରକୃତ ବିବାହରେ ଥିବା ସମସ୍ତ ଜିନିଷ ମିଳୁଛି।  ଫୁଲରେ ସଜାଯାଇଥିବା ମଣ୍ଡପ, ରଙ୍ଗୀନ ଲେହେଙ୍ଗା, ଢୋଲର ଶବ୍ଦ, ବରଯାତ୍ରୀ  ଏବଂ ନକଲି ସାତଫେରା। କିନ୍ତୁ ବିଶେଷ କଥା ହେଉଛି ଯେ, ଏଠାରେ ପ୍ରକୃତ ବର ଏବଂ କନ୍ୟା ନଥାନ୍ତି, କିମ୍ବା ସମ୍ପର୍କୀୟ ନଥାନ୍ତି। ଲୋକମାନେ କେବଳ ମଜା, ନୃତ୍ୟ, ଖାଦ୍ୟ ଏବଂ ଇନଷ୍ଟାଗ୍ରାମ ପାଇଁ ଏବଂ  ରିଲ୍ ଲାଗି ଏପରି ବିବାହକୁ ଯାଉଛନ୍ତି।

ଏହି ଧାରା ସୋସିଆଲ ମିଡିଆରେ ଚହଳ ସୃଷ୍ଟି କରିଛି। ଜଣେ କଣ୍ଟେଣ୍ଟ କ୍ରିଏଟର ଇନଷ୍ଟାଗ୍ରାମରେ ଏପରି ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ଦେଖାଯାଇଛି ଯେ, କିପରି  ବରଯାତ୍ରୀ ଏକ ନକଲି ବିବାହରେ ପ୍ରବେଶ କରନ୍ତି। ଲୋକମାନେ ପାରମ୍ପରିକ ପୋଷାକ ପିନ୍ଧି ନାଚନ୍ତି, ଫୁଲ ବର୍ଷା କରନ୍ତି ଏବଂ ଜଣେ ଅଭିନେତା ପଣ୍ଡିତ ଭୂମିକାରେ ଅଭିନୟ କରନ୍ତି । ମନ୍ତ୍ର ପାଠ କରନ୍ତି। କ୍ୟାପସନରେ ଲେଖାଥିଲା, "ଆପଣ ଏହି ବିବାହକୁ ଆସିବେ କି? ଏହା କେବଳ ଏକ ଧାରା ନା ଏହା ଏକ ନୂତନ ବ୍ୟବସାୟ ମଡେଲ?

ଅନେକ ସ୍ଥାନରେ, ଏହି ନକଲି ବିବାହଗୁଡ଼ିକୁ ଟିକେଟ୍ ହୋଇଥିବା କାର୍ଯ୍ୟକ୍ରମ ଭାବରେ ଆୟୋଜନ କରାଯାଉଛି। ଟିକେଟ୍ ମୂଲ୍ୟ ୧୪୯୯ ଟଙ୍କାରୁ ଆରମ୍ଭ ହୋଇ କେତେବେଳେ ହଜାର ହଜାର ଟଙ୍କା ପର୍ଯ୍ୟନ୍ତ ଯାଇଥାଏ। ଦିଲ୍ଲୀ, ବେଙ୍ଗାଲୁରୁ, ପୁଣେ ଭଳି ସହରରେ, ଏହି ପାର୍ଟିଗୁଡ଼ିକ ଘରର ଛାତ ଉପରେ ଥିବା ବାର୍, କଲେଜ କ୍ୟାମ୍ପସ୍ କିମ୍ବା ପପ୍-ଅପ୍ ସ୍ଥାନଗୁଡ଼ିକରେ ମହା ଆଡମ୍ବରରେ ଅନୁଷ୍ଠିତ ହେଉଛି। କିଛି ସ୍ଥାନରେ,ଟିକେଟ୍ ବିନା ମଧ୍ୟ ପ୍ରବେଶ କରିପାରିବେ, କିନ୍ତୁ  ଖାଦ୍ୟ ଏବଂ ପାନୀୟ ପାଇଁ ଦେୟ ଦେବାକୁ ପଡିବ। ଏହି କାର୍ଯ୍ୟକ୍ରମଗୁଡ଼ିକର ଉଦ୍ଦେଶ୍ୟ ହେଉଛି ଲୋକମାନେ ଅଧିକ ଖର୍ଚ୍ଚ ବିନା, ଅସୁବିଧା ବିନା ଏବଂ ସମ୍ପର୍କୀୟଙ୍କ  ବିନା ଏକ ବିବାହର ପୂର୍ଣ୍ଣ ଉପଭୋଗ କରନ୍ତୁ।

ଅଧିକ ପଢ଼ନ୍ତୁ: ସର୍କସ ଚଳଉଛନ୍ତି ଜୟଶଙ୍କର : ରାହୁଲ ଗାନ୍ଧି

 fake-weddings | India