ମହାକୁମ୍ଭରେ ଶତ୍ରୁ ହେବେ ଏକାଠି: ରୁଷିଆ-ୟୁକ୍ରେନର ରାଷ୍ଟ୍ରଦୂତ ବୁଡ଼ ପକାଇବେ

ପ୍ରୟାଗରାଜ: ପ୍ରୟାଗରାଜରେ ଅନୁଷ୍ଠିତ ହେଉଥିବା ମହାକୁମ୍ଭରେ ୭୩ଟି ଦେଶର କୂଟନୀତିଜ୍ଞମାନେ ସଙ୍ଗମରେ ବୁଡ଼ ପକାଇବେ। ପରସ୍ପରର ଶତ୍ରୁଥିବା ରୁଷିଆ ଏବଂ ୟୁକ୍ରେନର ରାଷ୍ଟ୍ରଦୂତମାନେ ମଧ୍ୟ ଏହି ଐତିହାସିକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ସେମାନେ ଏକାଠି କୁମ୍ଭମେଳାରେ ବୁଡ଼ ପକାଇବେ। କୂଟନୀତିଜ୍ଞମାନେ ଫେବୃଆରୀ ୧ରେ ଆସୁଛନ୍ତି ବୋଲି ମେଳା ଅଧିକାରୀ ବିଜୟ କିରଣ ଆନନ୍ଦ ନିଶ୍ଚିତ କରିଛନ୍ତି। 

ଆନନ୍ଦ କହିଛନ୍ତି ଯେ, ବୈଦେଶିକ ବ୍ୟାପାର ମନ୍ତ୍ରଣାଳୟ ଏନେଇ ଉତ୍ତରପ୍ରଦେଶର ମୁଖ୍ୟ ସଚିବଙ୍କୁ ଏକ ଚିଠି ଲେଖିଛି ଯେଉଁଥିରେ କୁହାଯାଇଛି ଯେ, ଜାପାନ, ଆମେରିକା, ରୁଷିଆ, ୟୁକ୍ରେନ, ଜର୍ମାନୀ, ନେଦରଲ୍ୟାଣ୍ଡ, କାମେରୁନ, କାନାଡା, ସ୍ୱିଜରଲ୍ୟାଣ୍ଡ, ସ୍ୱିଡେନ, ପୋଲାଣ୍ଡ ଏବଂ ବଲିଭିଆ ଆଦି ବହୁ ଦେଶରୁ କୂଟନୀତିଜ୍ଞମାନେ ମହାକୁମ୍ଭରେ ଅଂଶଗ୍ରହଣ କରିବେ।

ବିଶେଷ କଥା ହେଉଛି ଏହି ଅବସରରେ ପରସ୍ପରର ଶତ୍ରୁଥିବା ରୁଷିଆ ଏବଂ ୟୁକ୍ରେନର ରାଷ୍ଟ୍ରଦୂତମାନେ ମଧ୍ୟ ଏକାଠି ବୁଡ଼ ପକାଇବେ। ଏହି ଦୁଇ ଦେଶ ମଧ୍ୟରେ ଯୁଦ୍ଧ ଦୀର୍ଘ ଦିନ ଧରି ଚାଲିଆସୁଛି। 

ଅଧିକ ପଢ଼ନ୍ତୁ: ଭାରତ-ବାଂଲାଦେଶ ସୀମା ଉତ୍ତେଜନା: ବିଏସଏଫ-ବିଜିବି ମୁଖ୍ୟଙ୍କ ମଧ୍ୟରେ ଶାନ୍ତି ପ୍ରୟାସ

ସୂଚନା ଅନୁଯାୟୀ, ଏହି ସମସ୍ତ କୂଟନୀତିଜ୍ଞମାନେ ଡଙ୍ଗାରେ ସଙ୍ଗମରେ ପହଞ୍ଚି ପବିତ୍ର ସଙ୍ଗମରେ ବୁଡ଼ ପକାଇବେ। ଏହା ପରେ ସେମାନେ ଅକ୍ଷୟବଟ ଏବଂ ବଡେ ହନୁମାନ ମନ୍ଦିର ପରିଦର୍ଶନ କରିବେ।

ଏହା ପରେ ସେମାନେ ଡିଜିଟାଲ୍ ମହାକୁମ୍ଭ ଅନୁଭବ କେନ୍ଦ୍ରରେ ମହାକୁମ୍ଭ ବିଷୟରେ ଜ୍ଞାନଲାଭ କରିବେ। କୂଟନୀତିଜ୍ଞଙ୍କ ଗସ୍ତ ପାଇଁ ବୈଦେଶିକ ମନ୍ତ୍ରଣାଳୟ ଏବଂ ଗୃହ ମନ୍ତ୍ରଣାଳୟର ଅଧିକାରୀମାନେ ପ୍ରସ୍ତୁତି ଆରମ୍ଭ କରିଛନ୍ତି। 

ଅଧିକ ପଢ଼ନ୍ତୁ: ସାଧାରଣତନ୍ତ୍ର ଦିବସ ପୂର୍ବରୁ ୨ଟି ବୋମାକୁ ନିଷ୍କ୍ରିୟ କଲା ଯବାନ