ହିଜବୁଲ୍ଲାର ଭୟଙ୍କର ଯୋଜନା: ପ୍ରଥମେ ବନ୍ଧକ, ତା’ପରେ ଚୁକ୍ତି...

ଜେରୁଜେଲମ୍: ହମାସ ଏବଂ ହିଜବୁଲ୍ଲାର ଶୀର୍ଷ ନେତୃତ୍ୱଙ୍କୁ ହତ୍ୟା କରିବା ପରେ ମଧ୍ୟ ଇସ୍ରାଏଲ୍ ଆକ୍ରମଣ ଜାରି ରହିଛି। ଗାଜା ଏବଂ ଲେବାନନରେ ଇସ୍ରାଏଲ ପକ୍ଷରୁ ଆକ୍ରମଣ କରାଯାଉଛି। ଏହି ସମୟରେ ହିଜବୁଲ୍ଲା ବେଞ୍ଜାମିନ୍ ନେତାନ୍ୟାହୁଙ୍କ ଘରକୁ ଟାର୍ଗେଟ କରିଛି। ଯେପର୍ଯ୍ୟନ୍ତ ଯୁଦ୍ଧ ଜାରି ରହିବ ସେ ପର୍ଯ୍ୟନ୍ତ କୌଣସି ଆଲୋଚନା ହେବ ନାହିଁ ବୋଲି କହିଛି।

ଗତ ଶନିବାର ଦିନ ଉତ୍ତର ଇସ୍ରାଏଲର ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ବ୍ୟକ୍ତିଗତ ବାସଭବନରେ ଡ୍ରୋନ୍ ଆକ୍ରମଣ କରାଯାଇଥିଲା। ତେବେ ଆକ୍ରମଣ ସମୟରେ ନେତାନ୍ୟାହୁ ଏବଂ ତାଙ୍କ ପରିବାର ଘରେ ଉପସ୍ଥିତ ନ ଥିଲେ। ଇସ୍ରାଏଲ୍ ସେନା ହେଲିକପ୍ଟର ବ୍ୟବହାର କରି ଦୁଇଟି ଡ୍ରୋନ୍‌ରୁ ଆକ୍ରମଣ କରିଥିଲା।

ଡ୍ରୋନ୍ ଆକ୍ରମଣ ପାଇଁ ହିଜବୁଲ୍ଲା ନିଜକୁ ଦାୟୀ କରିଥିଲା। ଏହି ଆକ୍ରମଣ ପାଇଁ ଇସ୍ରାଏଲ୍ ମିଡିଆ ଚ୍ୟାନେଲ ୧୨ରେ ଜଣେ ବରିଷ୍ଠ ଅଧିକାରୀ ଦାବି କରିଛନ୍ତି ଯେ ଇରାନ ନେତାନ୍ୟାହୁଙ୍କୁ ହତ୍ୟା କରିବାକୁ ଚାହୁଁଛି। ମଙ୍ଗଳବାର ଦିନ ଇସ୍ରାଏଲର କାନ ଚ୍ୟାନେଲ ସୂତ୍ରରୁ ପ୍ରକାଶ ଯେ ବେରୁଟରେ ଥିବା ଇରାନ ଦୂତାବାସର ଅଧିକାରୀମାନେ ନେତାନ୍ୟାହୁଙ୍କ ବାସଭବନକୁ ଟାର୍ଗେଟ କରି ଡ୍ରୋନ୍ ଆକ୍ରମଣରେ ସମ୍ପୃକ୍ତ ଥିଲେ।

ତେବେ ହିଜବୁଲ୍ଲା ଏହି ଦାବିକୁ ଅସ୍ୱୀକାର କରି କହିଛି ଯେ ଏହି ଆକ୍ରମଣ ପାଇଁ ଆମେ ସମ୍ପୂର୍ଣ୍ଣ ଦାୟୀ। ହିଜବୁଲ୍ଲାର ମିଡିଆ କାର୍ଯ୍ୟାଳୟର ମୁଖ୍ୟ ମହମ୍ମଦ ଆଫିଫ ମଙ୍ଗଳବାର ଏକ ବିବୃତିରେ କହିଛନ୍ତି ଯେ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ବାସଭବନକୁ ଟାର୍ଗେଟ କରିବା ପାଇଁ ହିଜବୁଲ୍ଲା ସମ୍ପୂର୍ଣ୍ଣ ଦାୟୀ। 

ଇସ୍ରାଏଲ ବିରୋଧରେ ହିଜବୁଲ୍ଲାର ଯୋଜନା ବିଷୟରେ ପ୍ରକାଶ କରୁଥିବାବେଳେ ଆଫିଫ କହିଛନ୍ତି ଯେପର୍ଯ୍ୟନ୍ତ ଯୁଦ୍ଧ ଜାରି ରହିବ ସେ ପର୍ଯ୍ୟନ୍ତ କୌଣସି ଆଲୋଚନା ହେବ ନାହିଁ। ସେ ଇସ୍ରାଏଲକୁ ଚେତାବନୀ ଦେଇଛନ୍ତି ଯେ ଖୁବ୍ ଶୀଘ୍ର ଆମେ ଇସ୍ରାଏଲ୍ ଲୋକଙ୍କୁ ବନ୍ଧକ ରଖିବୁ। ଏନେଇ ପଦକ୍ଷେପ ଗ୍ରହଣ କରାଯିବ।

ଆଫିଫ କହିଛନ୍ତି ବର୍ତ୍ତମାନ ଆମ ପାଖରେ ଇସ୍ରାଏଲ୍ ବନ୍ଧକ ନାହାନ୍ତି। କିନ୍ତୁ ଆମେ ଏହାର ନିକଟତର ହୋଇଛୁ। ପ୍ରଥମେ ଆମେ ବନ୍ଧକ କରିବୁ। ତା’ପରେ ଚୁକ୍ତି ହେବ।

ହିଜବୁଲ୍ଲା ତରଫରୁ ଏହା ମଧ୍ୟ କୁହାଯାଇଛି ଯେ ଆଇଡିଏଫ ଦ୍ୱାରା କଏଦ ହୋଇଥିବା ସଂଗଠନର ସଂଗ୍ରାମୀଙ୍କ ସୁରକ୍ଷା ପାଇଁ ଆମ‌େ ଇସ୍ରାଏଲକୁ ଦାୟୀ କରିବୁ।

ସେ ଏହା ମଧ୍ୟ କହିଛନ୍ତି ଯେ ଅସ୍ତ୍ରଶସ୍ତ୍ର କିଣିବା କିମ୍ବା ଯୁଦ୍ଧବିମାନ ଦେବା ପାଇଁ ଏହି ଗୋଷ୍ଠୀ ଅଲ-କାର୍ଡ ଅଲ-ହାସନ(ଏକ୍ୟୁଏଏଚ)ର ବ୍ୟବହାର କରୁନାହିଁ। ବାସ୍ତବରେ, ଇସ୍ରାଏଲ୍ ଏବଂ ଆମେରିକା କହିଛନ୍ତି ଯେ ଲେବାନନରେ ୩୦ରୁ ଅଧିକ ଆଉଟଲେଟ୍ ଥିବା ଅଲ-କାର୍ଡ ଅଲ-ହାସନ ହିଜବୁଲ ଦ୍ୱାରା ଅର୍ଥ ହେରଫେର ତଥା ଅର୍ଥ ପାଇଁ ବ୍ୟବହାର କରାଯାଇଥାଏ।

ଇସ୍ରାଏଲ୍ ସୈନିକ ନିଶ୍ଚିତ କରିଛନ୍ତି ଯେ ରବିବାର ଆଇଡିଏଫ୍ ଏହାକୁ ଟାର୍ଗେଟ କରି ହିଜବୁଲ୍ଲାର ଆର୍ଥିକ ସମ୍ବଳକୁ ରୋକିବା ଉଦ୍ଦେଶ୍ୟରେ ଏକ୍ୟୁଏଏଚର ୧୧ଟି ଆଉଟଲେଟ୍ ଉପରେ ଆକ୍ରମଣ କରାଯାଇଥିଲା।

ଅଧିକ ପଢ଼ନ୍ତୁ:

ଗାଜାରେ ଇସ୍ରାଏଲର ଆକ୍ରମଣ: ମୃତ୍ୟୁ ସଂଖ୍ୟା ୪୦ ହଜାର ଟପିଲା, ଜୀବନ୍ତ ଲୋକେ ଭଙ୍ଗାକୋଠା ତଳେ ପୋତି ହୋଇ ରହିଥିବା ଆଶଙ୍କା

ଇରାନକୁ ଧ୍ୱଂସ କରିବାକୁ ଇସ୍ରାଏଲ ପ୍ରସ୍ତୁତ! ଲିକ୍ ହୋଇଥିବା ତଥ୍ୟ ନେଇ ଆଲୋଡ଼ନ