ଏଚ୍‌ଏମ୍‌ପିଭି ଆତଙ୍କ: ଚୀନ୍‌ରେ ଫେରିଲା ମାସ୍କ୍, କରୋନାଠୁ ବେଶୀ ବିପଜ୍ଜନକ

ବେଜିଂ: ଚୀନ୍‌ରେ ଏଚ୍‌ଏମ୍‌ପିଭି ଭୂତାଣୁ ଦ୍ରୁତ ଗତିରେ ବ୍ୟାପୁଛି। ଏହାର ସଂକ୍ରମଣରେ ବୃଦ୍ଧି ଘଟୁଥିବା ଦୃଷ୍ଟିରୁ ଚୀନ୍‌ର ଅନେକ ରାଜ୍ୟରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ଏହି ଭୂତାଣୁ କରୋନା ଅପେକ୍ଷା ଅଧିକ ବିପଜ୍ଜନକ ବୋଲି କୁହାଯାଉଛି। ଚୀନ୍‌ର ଅନେକ କ୍ଷେତ୍ରରେ ପରିସ୍ଥିତି ବିଗିଡି ଯାଇଛି।

ପୁଣି ଥରେ ଦେଶରେ ମାସ୍କ୍‌ର ଯୁଗ ଫେରି ଆସିଛି। ହଜାର ହଜାର ଲୋକ ଏହି ଭୂତାଣୁ ନିକଟରେ ଅସୁରକ୍ଷିତ ମନେ କରୁଛନ୍ତି। ବୃଦ୍ଧ ଏବଂ ଶିଶୁମାନଙ୍କ ମଧ୍ୟରେ ଏହି ସଂକ୍ରମଣ ଶୀଘ୍ର ବ୍ୟାପିବାରେ ଲାଗିଛି।

ଡାକ୍ତରଖାନା ବାହାରେ ରୋଗୀଙ୍କ ଧାଡି ବଢ଼ିବାରେ ଲାଗିଛି। ଡାକ୍ତରଖାନାଗୁଡ଼ିକରେ ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଶିଶୁ ୱାର୍ଡରେ ସର୍ବାଧିକ ସଂଖ୍ୟକ ରୋଗୀ ଅଛନ୍ତି। ପୁଣି ଲକ୍‌ଡାଉନ୍ ଫେରିବା ନେଇ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହେବାରେ ଲାଗିଛି।

ଏହି ଭୂତାଣୁ ଉତ୍ତର ଚୀନରେ ଦ୍ରୁତ ଗତିରେ ବ୍ୟାପିଛି। ଦେଶର ଅନେକ ରାଜ୍ୟରେ ଲୋକମାନେ ସଂକ୍ରମିତ ହୋଇଛନ୍ତି। ଭାଇରୋଲୋଜି ବିଶେଷଜ୍ଞ ଡକ୍ଟର ଲିନ ଜିଆଜୁ କହିଛନ୍ତି ଯେ, ଏକଦା ସାମାନ୍ୟ ଶ୍ବାସକ୍ରିୟା ରୋଗର ଏକ ସାଧାରଣ କାରଣ ଥିବା ଏଚ୍‌ଏମ୍‌ପିଭି  ଭୂତାଣୁ ବର୍ତ୍ତମାନ ଚୀନ୍‌ରେ ଗୁରୁତର ମାମଲା ଓ ମୃତ୍ୟୁ ଘଟାଉଛି। ଏହି ବୃଦ୍ଧି ବୋଧହୁଏ ଲୋକଙ୍କ ରୋଗ ପ୍ରତିରୋଧକ କ୍ଷମତାର ଦ୍ରୁତ ହ୍ରାସ ଯୋଗୁ ଘଟୁଥିବା ଅନୁମାନ କରାଯାଉଛି। ଏହି ଭୂତାଣୁ ବର୍ତ୍ତମାନ ଚୀନ୍ ଠାରୁ ବିଶ୍ବର ଅନ୍ୟ ଦେଶକୁ ବ୍ୟାପିବା ଆରମ୍ଭ କରିଛି।

ସ୍ୱାଇନ୍ ଫ୍ଲୁ ଇଂଲଣ୍ଡରେ ଶୀଘ୍ର ବ୍ୟାପିଛି। ଡାକ୍ତରଖାନାରେ ଫ୍ଲୁ ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ସମସ୍ତ ରୋଗୀଙ୍କ ଶ୍ବାସକ୍ରିୟା ରୋଗ ହୋଇଥିବା ଜଣାପଡ଼ିଛି। ଗୋଟିଏ ମାସରେ ରୋଗୀଙ୍କ ସଂଖ୍ୟା ୪ ଗୁଣା ବୃଦ୍ଧି ପାଇଛି। ସ୍ୱାଇନ୍ ଫ୍ଲୁ ସମ୍ପର୍କରେ ଏନ୍‌ଏଚ୍‌ଏସ୍‌ ଚେତାବନୀ ଦେଇଛି। ଖ୍ରୀଷ୍ଟମାସ ଦିନ ୪୧୦୨ ଫ୍ଲୁ ରୋଗୀଙ୍କୁ ଭର୍ତ୍ତି କରାଯାଇଥିଲା। ଚାରି ଦିନ ପୂର୍ବରୁ ଡିସେମ୍ବର ୨୯ ରେ ଏଭଳି ରୋଗୀଙ୍କ ସଂଖ୍ୟା ୫୦୭୪ ଥିଲା। ଡାକ୍ତରଖାନାଗୁଡ଼ିକରେ ହାରାହାରି ରୋଗୀଙ୍କ ସଂଖ୍ୟା ୪୪୬୯ ରହିଛି। 

ଏଚ୍‌ଏମ୍‌ପିଭି ଭୂତାଣୁ ହଂକଂରେ ପହଞ୍ଚିଛି। ହଂକଂର ଡାକ୍ତରଖାନା ବାହାରେ ଲମ୍ବା ଧାଡି ଦେଖିବାକୁ ମିଳୁଛି। ଶ୍ବାସକ୍ରିୟା ରୋଗୀଙ୍କ ସଂଖ୍ୟାରେ ବୃଦ୍ଧି ଘଟିଥିବାର ଦେଖାଯାଇଛି। ଏହି ଭୂତାଣୁ ଦ୍ୱାରା ଶିଶୁ ଏବଂ ବୃଦ୍ଧମାନେ ଅଧିକ ପ୍ରଭାବିତ ହେଉଛନ୍ତି।

ଏଚ୍‌ଏମ୍‌ପିଭି ଭୂତାଣୁ କ’ଣ?

ନୂତନ ଭୂତାଣୁର ନାମ ହେଉଛି ହ୍ୟୁମାନ୍ ମେଟା ନିମୋ ଭାଇରସ୍ (ଏଚ୍‌ଏମ୍‌ପିଭି ) । ଏହା ହେଉଛି ଏକ ଆର୍‌ଏନ୍‌ଏ ଭୂତାଣୁ। ଏହା ସ୍ୱାଇନ୍ ଫ୍ଲୁ ପରି ବ୍ୟାପିଥାଏ। ଏଚ୍‌ଏମ୍‌ପିଭିର ଲକ୍ଷଣ ମଧ୍ୟ କରୋନା ମହାମାରୀ ପରି। ଏହାର ଲକ୍ଷଣ ହେଉଛି କାଶ, ଜ୍ୱର, ନାକ ସଂକ୍ରମଣ, ଗଳା ଯନ୍ତ୍ରଣା ଏବଂ ନିଶ୍ୱାସ ନେବାରେ ଅସୁବିଧା। ଦୁଇ ବର୍ଷରୁ କମ୍ ପିଲାମାନେ, ବୃଦ୍ଧ ଏବଂ ଦୁର୍ବଳ ରୋଗ ପ୍ରତିରୋଧକ ଶକ୍ତିଥିବା ଲୋକେ ଏହାଦ୍ବାରା ଅଧିକ ପ୍ରଭାବିତ ହୋଇଥାନ୍ତି। ଆଜ୍‌ମା ଏବଂ ଫୁସଫୁସ ରୋଗୀଙ୍କଠାରେ ଏହି ସଂକ୍ରମଣ ଶୀଘ୍ର ବ୍ୟାପିଥାଏ।

ଏଚ୍‌ଏମ୍‌ପିଭି ଭୂତାଣୁଠାରୁ କିପରି ଦୂରେଇ ରହିହେବ?

ସାବୁନରେ ବାରମ୍ବାର ହାତ ଧୁଅନ୍ତୁ 
ସାନିଟାଇଜର ବ୍ୟବହାର କରନ୍ତୁ 
ରୋଗୀମାନଙ୍କ ସହିତ ଯୋଗାଯୋଗରୁ ଦୂରେଇ ରୁହନ୍ତୁ 
ମାସ୍କ ବ୍ୟବହାର କରନ୍ତୁ 
ଯଦି ଲକ୍ଷଣ ଦେଖାଯାଏ ତେବେ ଆଇସୋଲେସନରେ ରୁହନ୍ତୁ 
ଆବଶ୍ୟକ ହେଲେ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ 

ଏଚ୍‌ଏମ୍‌ପିଭି ଭୂତାଣୁର ଲକ୍ଷଣ 

କରୋନା ପରି ଲକ୍ଷଣ 
ଉଚ୍ଚ ଜ୍ୱର ଏବଂ କାଶ
ଶ୍ୱାସକ୍ରିୟାରେ ଅସୁବିଧା 
ଫୁସଫୁସ ସଂକ୍ରମଣ
ନାକ ସଂକ୍ରମଣ
ଗଳାରେ ସମସ୍ୟା
ଯୋଗାଯୋଗ ମାଧ୍ୟମରେ ବିସ୍ତାର ହୋଇଥାଏ

କାହା ପାଇଁ ବିପଜ୍ଜନକ 

ଛୋଟ ପିଲାମାନଙ୍କ ଉପରେ ଅଧିକ ପ୍ରଭାବ ପକାଏ
୨ ବର୍ଷରୁ କମ୍ ବୟସ୍କ ପିଲାମାନେ ଅଧିକ ପ୍ରଭାବିତ ହୁଅନ୍ତି 
ଆଜ୍‌ମା ଏବଂ ଶ୍ୱାସ ରୋଗରେ ଆକ୍ରାନ୍ତ ବ୍ୟକ୍ତିଙ୍କର ଅଧିକ ବିପଦ ରହିଛି

ଚୀନ୍ ଏହି ଭୂତାଣୁ ତଥ୍ୟ ଲୁଚାଉଛି କି?

ଶ୍ବାସକ୍ରିୟା ରୋଗକୁ ଏକ ସାଧାରଣ ରୋଗ ବୋଲି କହୁଛି
ଶୀତ ଯୋଗୁ ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି
ଚାଇନାକୁ ବିଦେଶୀମାନଙ୍କ ଯାତ୍ରା ନିରାପଦ ଘୋଷିତ ହୋଇଛି
କେବଳ ବିଶ୍ରାମ ନେବାକୁ ଏବଂ ତରଳ ପଦାର୍ଥ ନେବାକୁ ପରାମର୍ଶ 
ଦୁର୍ବଳ ପ୍ରତିରୋଧକ ଶକ୍ତି ଥିବା ଲୋକମାନେ ଶିକାର ହେଉଛନ୍ତି 
ଭୂତାଣୁ ସଂକ୍ରମଣକୁ ରୋକିବା ପାଇଁ କୌଣସି ଟିକା ନାହିଁ

ଏଚ୍‌ଏମ୍‌ପିଭି  ଭୂତାଣୁ ଉପରେ ବିଶ୍ବସ୍ବାସ୍ଥ୍ୟ ସଂଗଠନ କେତେ ସକ୍ରିୟ?

ନୂତନ ଭୂତାଣୁ ଉପରେ ନଜର ରଖିବାକୁ ଦାବି 
ନୂତନ ଭୂତାଣୁର ପରିବର୍ତ୍ତନକୁ ମନିଟରିଂ କରିବା ଦାବି 
ଲୋକଙ୍କୁ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି
ବର୍ତ୍ତମାନ ବିଶ୍ୱ ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି ଘୋଷଣା ହୋଇନାହିଁ 
ଚୀନ୍‌ର ପଡୋଶୀ ଦେଶରେ ଭୂତାଣୁ ସଂକ୍ରମଣ ବ୍ୟାପିବାବାର ଭୟ

ଅଧିକ ପଢ଼ନ୍ତୁ: ୪୫୦ ଦିନ ଧରି ହମାସ୍ କବ୍‌ଜାରେ ଥିବା ଯୁବତୀଙ୍କ ଦୟନୀୟ ଭିଡିଓ ଭାଇରାଲ

କେଉଁ ଦେଶରେ ଏପର୍ଯ୍ୟନ୍ତ ଏଚ୍‌ଏମ୍‌ପିଭି  ଜୀବାଣୁ ମିଳିଛି?

ନେଦରଲ୍ୟାଣ୍ଡ
ବ୍ରିଟେନ୍
ଫିନଲ୍ୟାଣ୍ଡ
ଅଷ୍ଟ୍ରେଲିଆ
କାନାଡା 
ଆମେରିକା
ଚୀନ୍

ଏଚ୍‌ଏମ୍‌ପିଭି ସଂକ୍ରମଣ ପୂର୍ବରୁ ହୋଇଛି କି?

କୁହାଯାଉଛି ଯେ ଗତ ୬ଦଶନ୍ଧି ଧରି ଏଚ୍‌ଏମ୍‌ପିଭି ଭୂତାଣୁ ଥିଲା। ଏହି ଭୂତାଣୁ ପ୍ରଥମେ ନେଦରଲ୍ୟାଣ୍ଡରେ ୨୦୦୧ରେ ଚିହ୍ନଟ ହୋଇଥିଲା। ଶ୍ବାସକ୍ରିୟା ରୋଗରେ ଆକ୍ରାନ୍ତ ପିଲାମାନଙ୍କ ନମୁନାରେ ଏହି ଭୂତାଣୁ ନିଶ୍ଚିତ କରାଯାଇଥିଲା। ଏଚ୍‌ଏମ୍‌ପିଭି  ହେଉଛି ପାରାମିକ୍ସୋଭିରିଡା ପରିବାରର ଏକ ଭୂତାଣୁ। ଏହି ଭୂତାଣୁ ସବୁ ଋତୁରେ ବାୟୁରେ ଭାସି ବୁଲୁଥାଏ। ସଂକ୍ରମିତ ଲୋକମାନଙ୍କର କାଶ ଏବଂ ଛିଙ୍କିବା ଦ୍ୱାରା ଏହା ବ୍ୟାପିଥାଏ। ଶୀତଦିନେ ଏହା ଅଧିକ ବ୍ୟାପିବାର ବିପଦ ରହିଥାଏ।

ଅଧିକ ପଢ଼ନ୍ତୁ: ମହିଳାଙ୍କ ସହିତ ଡିଏସପିଙ୍କ ଆପତ୍ତିଜନକ ଭିଡିଓ ଭାଇରାଲ