ନୀତୀଶ ଗଲେ ସରକାରଙ୍କ ଉପରେ କିଛି ପ୍ରଭାବ ପଡ଼ିବ ନାହିଁ

ମୁମ୍ବାଇ: ମହାରାଷ୍ଟ୍ର ଏନସିପି ଶରଦ ପାୱାର ପାର୍ଟି ରାଜ୍ୟ ସଭାପତି ଜୟନ୍ତ ପାଟିଲ ଏକ ବଡ଼ ବିବୃତି ଦେଇଛନ୍ତି। ସେ କହିଛନ୍ତି, ନୀତୀଶ କୁମାର ଛାଡି ଚାଲିଗଲେ କେନ୍ଦ୍ର ସରକାରଙ୍କ ଉପରେ କୌଣସି ପ୍ରଭାବ ପଡ଼ିବ ନାହିଁ। ପାଟିଲ କହିଛନ୍ତି, ନୀତୀଶ କୁମାରଙ୍କର ୧୨ଜଣ ସାଂସଦ ଅଛନ୍ତି। ଏହି ୧୨ ସାଂସଦଙ୍କ ସମର୍ଥନ ହଟିଲେ ମଧ୍ୟ କେନ୍ଦ୍ର ସରକାର ସଂଖ୍ୟାଲଘୁ ହେବେ ନାହିଁ।

ସାମ୍ପ୍ରତିକ ପରିସ୍ଥିତିରେ ମୁଁ କୌଣସି ଆଶା ଦେଖୁନାହିଁ । ଯଦି ଅନ୍ୟ କେତେକ ସହଯୋଗୀ, ଯେଉଁମାନଙ୍କର ଅଧିକ ସଂଖ୍ୟକ ସାଂସଦ ଅଛନ୍ତି, ସେମାନେ ସରକାରରୁ ବାହାରି ଯାଆନ୍ତି, ତେବେ କେବଳ କିଛି ହୋଇପାରେ ଏବଂ ସରକାର ସଂଖ୍ୟାଲଘୁ ହୋଇପାରନ୍ତି।

ବାସ୍ତବରେ, ଗତ କିଛି ଦିନ ହେବ ନୀତୀଶ କୁମାର ଏନଡିଏ ଛାଡି ଅନ୍ୟ କେଉଁଠାକୁ ଯାଇପାରନ୍ତି ବୋଲି ରାଜନୈତିକ ସ୍ତରରେ ଆଲୋଚନା ଚାଲିଛି।

କିଛି ଦିନ ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବିହାରରେ ନେତୃତ୍ୱ ପରିବର୍ତ୍ତନ ବିଷୟରେ ସୂଚନା ଦେଇଥିଲେ। ଏହା ପରେ ବିହାର ରାଜନୀତିରେ ନାନା ଚର୍ଚ୍ଚା ଆରମ୍ଭ ହୋଇଥିଲା। ଶାହାଙ୍କ ଏହି ବିବୃତି ପରେ ଜେଡିୟୁ ଟୁଇଟ୍ କରି କହିଥିଲା ଯେ ନୀତୀଶ କୁମାର ଏନଡିଏରେ ଥିବାବେଳେ କାହିଁକି ଏଭଳି ଚିନ୍ତା କରାଯାଉଛି।  

ଏହି ପୋଷ୍ଟକୁ ନେଇ ନାନା ସ୍ଥିତି ଆକଳନ କରାଯାଉଥିଲା। ବଜେଟ୍ ଅଧିବେଶନ ପରେ ବିହାରରେ ଏକ ବଡ ପରିବର୍ତ୍ତନ ଦେଖିବାକୁ ମିଳିବ ​​ବୋଲି କୁହାଯାଉଥିଲା।

ଯେତେବେଳେ ଲାଲୁ ଯାଦବ ନୀତୀଶ କୁମାରଙ୍କୁ ଆସିବାକୁ ପ୍ରସ୍ତାବ ଦେଇଥିଲେ ସେତେବେଳେ ଲୋକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ଗଣମାଧ୍ୟମ ସହ କଥାବାର୍ତ୍ତା ବେଳେ ଆରଜେଡି ମୁଖ୍ୟ କହିଥିଲେ ଯେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ପାଇଁ ଆରଜେଡିର ଦ୍ୱାର ଖୋଲା ଅଛି। ନୀତୀଶ କୁମାର ଆମ ସହ ଆସି ଏକାଠି କାମ କରିବା ଉଚିତ୍।

ଅଧିକ ପଢ଼ନ୍ତୁ: ୪୫୦ ଦିନ ଧରି ହମାସ୍ କବ୍‌ଜାରେ ଥିବା ଯୁବତୀଙ୍କ ଦୟନୀୟ ଭିଡିଓ ଭାଇରାଲ

ଏହା ପରେ ବିହାର ରାଜନୀତିରେ ଉଷ୍ଣତା ବୃଦ୍ଧି ପାଇଥିଲା। ତେବେ ନିତୀଶ କୁମାର ଲାଲୁଙ୍କ ଅଫରକୁ ପ୍ରତ୍ୟାଖ୍ୟାନ କରିଥି‌ଲେ। ସେ କହିଥିଲେ, ଯେ ଭୁଲ୍‌ରେ  ଦୁଇଥର ମୁଁ ଏପଟ ସେପଟ ହୋଇଥିଲି। କିନ୍ତୁ ବର୍ତ୍ତମାନ ମୁଁ ଏନଡିଏରେ ରହିବି ଅନ୍ୟତ୍ର ଯିବି ନାହିଁ।

ଅଧିକ ପଢ଼ନ୍ତୁ: ତଟରକ୍ଷୀ ବାହିନୀ ହେଲିକପ୍ଟର ଦୁର୍ଘଟଣାଗ୍ରସ୍ତ