ଯୁଦ୍ଧ ଜାରି ରଖିବା ପାଇଁ ଇସ୍ରାଏଲର ଅଧିକାର ରହିଛି: ନେତାନ୍ୟାହୁ

ତେଲ ଅଭିବ : ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ କହିଛନ୍ତି ଯେ, ହମାସରୁ ମୁକ୍ତ ହେବାକୁ ଥିବା ବନ୍ଧକ ତାଲିକା ପାଇବା ପରେ ହିଁ ତାଙ୍କ ସରକାର ଯୁଦ୍ଧବିରାମ ଚୁକ୍ତିରେ ଆଗକୁ ବଢ଼ିବେ। ଯୁଦ୍ଧବିରାମ  ଆରମ୍ଭ ହେବାର ୧୨ ଘଣ୍ଟା ପୂର୍ବରୁ ଶନିବାର ସନ୍ଧ୍ୟାରେ ଦେଶବାସୀଙ୍କୁ ସମ୍ବୋଧିତ କରି ନେତାନ୍ୟାହୁ ଏହା କହିଛନ୍ତି।

ନେତାନ୍ୟାହୁ କହିଛନ୍ତି ଯେ, ତାଙ୍କ ଦେଶ ହମାସ ସହ ଯୁଦ୍ଧବିରାମକୁ ଅସ୍ଥାୟୀ ବୋଲି ମନେ କରୁଛି ଏବଂ ଆବଶ୍ୟକ ସ୍ଥଳେ ଯୁଦ୍ଧ ଜାରି ରଖିବାର ଅଧିକାରକୁ ମଧ୍ୟ ରଖିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଆମ ଦାବିକୁ ସମର୍ଥନ କରିଛନ୍ତି।

ଗଣମାଧ୍ୟମ ରିପୋର୍ଟ ଅନୁଯାୟୀ, ନେତାନ୍ୟାହୁ କହିଛନ୍ତି, ଚୁକ୍ତି ଅନୁଯାୟୀ ମୁକ୍ତ ହେବା ବନ୍ଧକମାନଙ୍କର ତାଲିକା ନ ପାଇବା ପର୍ଯ୍ୟନ୍ତ ଆମେ ଅସ୍ତ୍ରବିରତିକରିବୁ ନାହିଁ। ଚୁକ୍ତିନାମାଗୁଡିକର ଉଲ୍ଲଂଘନକୁ ଇସ୍ରାଏଲ ବରଦାସ୍ତ କରିବ ନାହିଁ। ଯଦି ଏହା ଘଟେ, ହମାସ ଏଥିପାଇଁ ସମ୍ପୂର୍ଣ୍ଣ ଦାୟୀ ରହିବ।

ବନ୍ଦୀଙ୍କ ବିନିମୟ ପୂର୍ବରୁ ରବିବାର ଦିନ ମୁକ୍ତ ହେବାକୁ ଥିବା ବନ୍ଧକଙ୍କ ନାମ ଦିଆଯିବାକୁ ଇସ୍ରାଏଲ୍ ପ୍ରଧାନମନ୍ତ୍ରୀ ଦାବି କରିଛନ୍ତି। ଇସ୍ରାଏଲ କ୍ୟାବିନେଟ ଅସ୍ତ୍ରବିରତି ଚୁକ୍ତିରେ ରାଜି ହେବା ପରେ ତାଙ୍କ ବିବୃତି ଆସିଛି।

ହମାସ ଏବଂ ଇସ୍ରାଏଲ ମଧ୍ୟରେ ଅସ୍ତ୍ରବିରତି ଅନୁଯାୟୀ ମୁକ୍ତ ହେବାକୁ ୩୩ ଜଣ ବନ୍ଧକଙ୍କ ପରିଚୟ ଏବଂ ବଞ୍ଚିଥିବା ବିଷୟରେ ଅନିଶ୍ଚିତତା ରହିଛି। ଗାଜାରେ ଏହି ଅସ୍ତ୍ରବିରତି ରବିବାର ଠାରୁ ଆରମ୍ଭ ହେଉଛି। ଦୀର୍ଘ ବିଳମ୍ବ ପରେ ଶନିବାର ଦିନ ଇସ୍ରାଏଲ୍ କ୍ୟାବିନେଟ୍ ଗାଜାରେ ଅସ୍ତ୍ରବିରତି ଚୁକ୍ତିନାମାକୁ ଅନୁମୋଦନ କରିଛି। ଏହା ମଧ୍ୟ ଗାଜାରେ ସହାୟତା ପାଇଁ ବାଟ ଖୋଲିବ ବୋଲି କୁହାଯାଉଛି।

ଅଧିକ ପଢ଼ନ୍ତୁ: ଟୁସୁ ମେଳା ଦେଖି ଫେରୁଥିଲେ, ବାଇକ୍ ଧକ୍କାରେ ଚାଲିଗଲା ବୃଦ୍ଧଙ୍କ ଜୀବନ

ସୂଚନାଯୋଗ୍ୟ, ଅକ୍ଟୋବର ୨୦୨୩ରୁ ଚାଲିଥିବା ଯୁଦ୍ଧରେ ଏହି ଅସ୍ତ୍ରବିରତି ଚୁକ୍ତି ଏକ ମୋଡ଼ ହୋଇପାରେ ବୋଲି ଚର୍ଚ୍ଚା ହେଉଛି। ଆଗାମୀ ଦିନରେ ଏହା ସ୍ପଷ୍ଟ ହେବ ଯେ, ଏହି ଅସ୍ତ୍ରବିରତି ଚିରସ୍ଥାୟୀ ଶାନ୍ତି ଆଣିବ କି ନାହିଁ। ବର୍ତ୍ତମାନ ଏହି ଅଞ୍ଚଳର ଅବସ୍ଥା ଗୁରୁତର ରହିଛି।

ଇସ୍ରାଏଲର ଆକ୍ରମଣରେ ୪୬,୦୦୦ରୁ ଅଧିକ ପାଲେଷ୍ଟାଇନବାସୀ ପ୍ରାଣ ହରାଇଛନ୍ତି। ଏଥି ସହିତ ଗାଜାର ଅଧିକାଂଶ ଅଂଶ ମଧ୍ୟ ନଷ୍ଟ ହୋଇଯାଇଛି। ଏହା ଏକ ମାନବିକ ସଙ୍କଟ ସୃଷ୍ଟି କରିଥିବାବେଳେ ଅସ୍ତ୍ରବିରତି ଏହି ଅଞ୍ଚଳରେ ଶାନ୍ତି ଫେରାଇ ଆଣିବାର ଆଶା ରହିଛି।

ଅଧିକ ପଢ଼ନ୍ତୁ: ପାଇଲଟ ଭୁଲ୍ ରନୱେରେ ବିମାନକୁ ଅବତରଣ କଲେ: ଅଟକ ରଖି ପଚରାଉଚରା ଆରମ୍ଭ