ଭାଗୱତଙ୍କୁ ଚିଠି ଲେଖି ୪ ପ୍ରଶ୍ନ ପଚାରିଲେ କେଜ୍ରିୱାଲ

ନୂଆଦିଲ୍ଲୀ: ଆମ୍ ଆଦମୀ ପାର୍ଟି(ଆପ୍)ର ସଂଯୋଜକ ଅରବିନ୍ଦ କେଜ୍ରିୱାଲ ରାଷ୍ଟ୍ରୀୟ ସ୍ବୟଂ ସେବକ ସଙ୍ଘ(ଆରଏସ୍ଏସ୍)ର ମୁଖ୍ୟ ମୋହନ ଭାଗୱତଙ୍କୁ ଏକ ଚିଠି ଲେଖିଛନ୍ତି। କେଜ୍ରିୱାଲ ଏକ ଚିଠି ମାଧ୍ୟମରେ ସଙ୍ଗ ମୁଖ୍ୟଙ୍କୁ ୪ ପ୍ରଶ୍ନ ପଚାରିଛନ୍ତି। ସେ ବିଜେପି ସମ୍ପର୍କରେ ପ୍ରଶ୍ନ ପଚାରିଛନ୍ତି।

ଦିଲ୍ଲୀ ବିଧାନସଭା ନିର୍ବାଚନ ପାଖେଇ ଆସୁଛି ଏବଂ ଆପ୍‌ରୁ କଂଗ୍ରେସ ଏବଂ ବିଜେପି ପର୍ଯ୍ୟନ୍ତ ସମସ୍ତ ଦଳ ନିର୍ବାଚନ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ରାଜଧାନୀରେ ବିଜୟ ପଞ୍ଜିକରଣ କରିବାକୁ ସମସ୍ତେ ଚେଷ୍ଟା କରୁଛନ୍ତି। ଏହି ସମୟରେ, ଆମ୍ ଆଦମୀ ପାର୍ଟି ଏବଂ ବିଜେପି ମଧ୍ୟରେ ଆରୋପ ପ୍ରତ୍ୟାରୋପ ଧାରା ଜାରି ରହିଛି।  ଭୋଟର ତାଲିକାକୁ ନେଇ ଉଭୟଙ୍କ ମଧ୍ୟରେ     ବିବାଦ ଚାଲିଛି। କେଜ୍ରିୱାଲ ବର୍ତ୍ତମାନ ମୋହନ ଭଗୱତଙ୍କୁ ଏକ ଚିଠି ଲେଖି ନିର୍ବାଚନ ସମ୍ପର୍କରେ ପ୍ରଶ୍ନ ପଚାରିଛନ୍ତି।

କେଜ୍ରିୱାଲଙ୍କ ୪ ପ୍ରଶ୍ନ:
୧- ଅରବିନ୍ଦ କେଜ୍ରିୱାଲ ପ୍ରଥମେ ମୋହନ ଭଗବତଙ୍କୁ ପ୍ରଶ୍ନ ପଚାରିଛନ୍ତି ଯେ, ଅତୀତରେ ବିଜେପି ଯାହା କରିଛି ତାହାକୁ ଆରଏସ୍‌ଏସ୍ ସମର୍ଥନ କରୁଛି କି?
୨- ବିଜେପି ନେତାମାନେ ଖୋଲାଖୋଲି ଭାବେ ଟଙ୍କା ବଣ୍ଟନ କରୁଛନ୍ତି, ଆରଏସ୍ଏସ୍ ଭୋଟ୍ କିଣିବାକୁ ସମର୍ଥନ କରୁଛି କି?
୩- ଦଳିତ, ପୂର୍ବାଞ୍ଚଳ ଭୋଟ୍ ବହୁ ପରିମାଣରେ କଟାଯାଉଛି। ଆରଏସ୍‌ଏସ୍‌ ଏହା ଗଣତନ୍ତ୍ର ପାଇଁ ଭଲ ବୋଲି ଭାବୁଛି କି?
୪- ବିଜେପି ଗଣତନ୍ତ୍ରକୁ ଦୁର୍ବଳ କରୁଛି ବୋଲି ଆରଏସ୍ଏସ୍ ଅନୁଭବ କରୁନାହିଁ କି?

ଏହାପୂର୍ବରୁ କେଜ୍ରିୱାଲ ମୋହନ ଭାଗୱତଙ୍କୁ ବିଜେପି ସମ୍ପର୍କରେ ପ୍ରଶ୍ନ ପଚାରିଥିଲେ। ତିନିମାସ ପୂର୍ବେ ସେ ସଙ୍ଘ ମୁଖ୍ୟଙ୍କୁ ଏକ ଚିଠି ଲେଖିଥିଲେ। ସେତେବେଳେ ପୂର୍ବତନ ସିଏମ୍ ତାଙ୍କୁ ପାଞ୍ଚଟି ପ୍ରସଙ୍ଗରେ ପ୍ରଶ୍ନ ପଚାରିଥିଲେ। ଦଳର ନେତାଙ୍କୁ ନିଜ ପକ୍ଷକୁ ନେଇ ଦଳକୁ ଭାଙ୍ଗିବା ଏବଂ ଦଳର ଦୁର୍ନୀତିଗ୍ରସ୍ତ ନେତାଙ୍କ ସମେତ ଅନ୍ୟ କିଛି ପ୍ରସଙ୍ଗରେ କେଜ୍ରିୱାଲ ବିଜେପିକୁ ପ୍ରଶ୍ନ କରିଥିଲେ।

ଭୋଟର ତାଲିକାକୁ ନେଇ ଅରବିନ୍ଦ କେଜ୍ରିୱାଲ ଏବଂ ବିଜେପି ପରସ୍ପରକୁ ବିରୋଧରେ ଅଭିଯୋଗ ଆଣିଛନ୍ତି। କେଜ୍ରିୱାଲ ଏହା ପୂର୍ବରୁ କହିଥିଲେ ଯେ, ବିଜେପି ଦିଲ୍ଲୀରେ ଭୋଟ୍ କାଟୁଛି। ଯେଉଁମାନେ ପ୍ରକୃତ ଭୋଟର ଅଟନ୍ତି ସେମାନଙ୍କ ଭୋଟ୍ କାଟିବା ପାଇଁ ଏକ ଷଡଯନ୍ତ୍ର ରଚିଛି। ଏଥିସହ ପୂର୍ବତନ ସିଏମ୍ ଅଭିଯୋଗ କରିଛନ୍ତି ଯେ, ବିଜେପି ଅପରେସନ୍ ଲୋଟସ୍  ନୂଆଦିଲ୍ଲୀ ବିଧାନସଭା ନିର୍ବାଚନମଣ୍ଡଳୀରେ ଡିସେମ୍ବର ୧୫ରୁ ଚାଲିଛି। ଏହି ୧୫ଦିନରେ ବିଜେପି ପ୍ରାୟ ୫୦୦୦ ଭୋଟରଙ୍କୁ କାଟିବା ସହିତ ୭୫୦୦ ଭୋଟରଙ୍କୁ ଯୋଡ଼ିବାକୁ ଆବେଦନ କରିଛି।

ଅଧିକ ପଢ଼ନ୍ତୁ: ନିର୍ବାଚନରେ ​​ବିଦେଶୀ ହସ୍ତକ୍ଷେପ: ଇରାନ-ରୁଷିଆ ଉପରେ ଆମେରିକାର ପ୍ରତିବନ୍ଧକ

ବିଜେପି ମଧ୍ୟ ଏହାର ଜବାବ ଦେଇଛି। ବିଜେପି ସଭାପତି ବିରେନ୍ଦ୍ର ସଚ୍ଚଦେବା କହିଛନ୍ତି ଯେ, ୨୦୧୪ରେ ଯେତେବେଳେ ନିର୍ବାଚନ ଅନୁଷ୍ଠିତ ହୋଇଥିଲା, ସେତେବେଳେ ଦିଲ୍ଲୀରେ ଭୋଟରଙ୍କ ସଂଖ୍ୟା ୧ କୋଟି ୧୯ ଲକ୍ଷ ଥିଲା। ଏହା ପରେ, ୨୦୧୫ରେ ଏହି ସଂଖ୍ୟା ୧ କୋଟି ୩୩ଲକ୍ଷକୁ ବୃଦ୍ଧି ପାଇଥିଲା। ୧୪ ଲକ୍ଷ ଲୋକଙ୍କ ବର୍ଦ୍ଧିତ ସଂଖ୍ୟା କିଏ ଆଣିଛି ଏବଂ ସେମାନେ କେଉଁଠାରୁ ଆସିଛନ୍ତି ସେ ସମ୍ପର୍କରେ କୌଣସି ଉତ୍ତର ନାହିଁ।

ସୂଚନାଯୋଗ୍ୟ, ଦିଲ୍ଲୀ ନିର୍ବାଚନରେ ୭୦ଟି ଆସନ ପାଇଁ ପ୍ରାର୍ଥୀଙ୍କ ନାମ ଆମ୍ ଆଦମୀ ପାର୍ଟି ଘୋଷଣା କରିଛି। କାଲକାଜୀରୁ ସିଏମ୍ ଆତିଶୀ ମାଲେର୍ନା ଏବଂ ପୂର୍ବତନ ସିଏମ୍ ଅରବିନ୍ଦ କେଜ୍ରିୱାଲ ନୂଆଦିଲ୍ଲୀରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଅନ୍ୟପକ୍ଷରେ ବିଜେପି ଏପର୍ଯ୍ୟନ୍ତ ନିଜର ତାଲିକା ପ୍ରକାଶ କରିନାହିଁ ଏବଂ ପ୍ରାର୍ଥୀଙ୍କ ନାମ ଘୋଷଣା କରିନାହିଁ।

ଅଧିକ ପଢ଼ନ୍ତୁ: ନୂଆବର୍ଷରେ ଇସ୍ରାଏଲ ଉପରେ ରକେଟ୍ ମାଡ଼ କଲା ହମାସ୍