ଦେଖୁ ଦେଖୁ ସମୁଦ୍ର ଆଁ ପଶିଗଲା ୫ କୋଟିର ରାସ୍ତା

ଢାକା: ବାଂଲାଦେଶରେ ଆଇନ ଶୃଙ୍ଖଳା ପରିସ୍ଥିତି କେବଳ ଖରାପ ହେବା ସହିତ ଦୁର୍ନୀତି ଦେଶକୁ ମଧ୍ୟ  କ୍ଷତି ପହଞ୍ଚାଉଛି। ମହମ୍ମଦ ୟୁନୁସ୍ ସରକାର କ୍ଷମତାକୁ ଆସିବା ମାତ୍ରେ ନାଗରିକମାନଙ୍କୁ ଅନେକ ପ୍ରତିଶ୍ରୁତି ଦେଇଥିଲେ ଏବଂ ଦେଶକୁ ଦୁର୍ନୀତି ଏବଂ ଏକଛତ୍ରବାଦ ମୁକ୍ତ କରିବାର ସ୍ୱପ୍ନ ଦେଖାଇଥିଲେ। କିନ୍ତୁ ନା ଦେଶରେ ଦୁର୍ନୀତି ଶେଷ ହୋଇଛି ନା ଦେଶର ଲୋକମାନେ ସୁରକ୍ଷିତ ଅଛନ୍ତି। ପ୍ରତିଦିନ ଛିନତାଇ,ଅପହରଣ ଏବଂ ଦୁଷ୍କର୍ମରଖବର ଆସୁଛି। ଏବେ ଦୁର୍ନୀତିର ଏକ ମାମଲା ସାମ୍ନାକୁ ଆସିଛି ଯାହା ସମସ୍ତଙ୍କୁ ଚକିତ କରିଦେଇଛି।

କୁଆକାଟା ବେଳାଭୂମିରେ ପ୍ରାୟ ୫ କୋଟି ଟଙ୍କା ବ୍ୟୟରେ ନିର୍ମିତ ମେରାଇନ୍ ଡ୍ରାଇଭ୍ ରାସ୍ତା ଉଦଘାଟନ ପୂର୍ବରୁ ସମୁଦ୍ର ଆଁ’ରେ ପଶିଯାଇଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ ଯୋଜନାର ଅଭାବ, ନିମ୍ନମାନର ନିର୍ମାଣ ସାମଗ୍ରୀ ଏବଂ ପରିବାରବାଦ ଆଧା‌ରରେ ଠିକା‌ ଦିଆଯାଇଥିବାରୁ ଏହା ଘଟିଛି। ଘୂର୍ଣ୍ଣିଝଡ଼ ଏବଂ ସାମ୍ପ୍ରତିକ ଜୁଆର ତରଙ୍ଗ ଯୋଗୁ ରାସ୍ତାର ଅଧିକାଂଶ ଅଂଶ ଭୁଶୁଡ଼ି ପଡ଼ିଛି। ଏହି ଘଟଣା ଦେଶରେ ଚାଲିଥିବା ଦୁର୍ନୀତିର ଆଉ ଏକ ଉଦାହରଣକୁ ପ୍ରକାଶ କରିଛି।

ରାସ୍ତାର ଉଦଘାଟନ ପାଇଁ ସ୍ଥାନୀୟ ଲୋକଙ୍କର ବହୁତ ଆଶା ଥିଲା, କିନ୍ତୁ କାମ ଶେଷ ହେବା ପୂର୍ବରୁ ରାସ୍ତାଟି ସମୁଦ୍ରରେ ବୁଡ଼ିଯିବା ପରେ ବାସିନ୍ଦାମାନେ କ୍ଷୁବ୍ଧ ହୋଇଛନ୍ତି।

ଅଧିକ ପଢ଼ନ୍ତୁ: ବିଜେଡି ମିଛ କହୁଛି:ମେଟ୍ରୋ ପ୍ରକଳ୍ପକୁ ନେଇ ବିଭାଗୀୟ ମନ୍ତ୍ରୀଙ୍କ ପ୍ରତିକ୍ରିୟା

ବାଂଲାଦେଶ ଟ୍ରିବ୍ୟୁନ୍ ରିପୋର୍ଟ ଅନୁଯାୟୀ, ସ୍ଥାନୀୟ ବାସିନ୍ଦା ନିଜର କ୍ଷୋଭ ପ୍ରକାଶ କରି କହିଛନ୍ତି।ଏଭଳି ବିପଦପୂର୍ଣ୍ଣ ଅଞ୍ଚଳରେ ଗାଇଡ୍ ୱାଲ୍ ବିନା ରାସ୍ତା ନିର୍ମାଣ କରିବା କୌଣସି ପ୍ରକାରେ ଗ୍ରହଣୀୟ ନୁହେଁ। ସରକାରୀ ଟଙ୍କାରେ ଆରମ୍ଭ ହୋଇଥିବା ଏକ ପ୍ରକଳ୍ପକୁ ଏହିପରି ନଷ୍ଟ କରାଯାଉଛି ଏହା ଅତ୍ୟନ୍ତ ଚିନ୍ତାଜନକ।

କୁଆକାଟାକୁ ଆକର୍ଷଣୀୟ କରିବା ପାଇଁ ଏକ ରାସ୍ତା ନିର୍ମାଣ କରାଯାଉଥିଲା। 'ସମୁଦ୍ରର ଝିଅ' କୁହାଯାଉଥିବା କୁଆକାଟାକୁ ଆହୁରି ଆକର୍ଷଣୀୟ କରିବା ପାଇଁ ଏହି ପ୍ରକଳ୍ପ  ୨୦୨୩-୨୪ ଆର୍ଥିକ ବର୍ଷରେ ଆରମ୍ଭ ହୋଇଥିଲା। ଆଇୟୁଆଇ ଆଇପିଫେଜ୍-୨ ପ୍ରକଳ୍ପ ଅଧୀନରେ, କୁଆକାଟା ପୌରପାଳିକା ହୋଟେଲ ସିଭ୍ୟୁରୁ ଝାବନ ପର୍ଯ୍ୟନ୍ତ  ୧,୩୦୦ ମିଟର ଲମ୍ବା ସମୁଦ୍ରକୂଳ ରାସ୍ତା ନିର୍ମାଣ ଆରମ୍ଭ କରିଥିଲା ଏବଂ ତିନୋଟି କମ୍ପାନିମୋଲ୍ଲା ଟ୍ରେଡର୍ସ, ଅବରାର ଟ୍ରେଡର୍ସ ଏବଂ  ଏସଏମ ଟ୍ରେଡର୍ସ ରାସ୍ତା ନିର୍ମାଣ ପାଇଁ ଟେଣ୍ଡର ପାଇଥିଲା।

ରିଜା ମେୟରଙ୍କ ଘନିଷ୍ଠ ସହଯୋଗୀ ସଦ୍ଦାମ ମଲ୍, ବେଲାଲ୍ ହୁସେନ୍ ଏବଂ ଛଗିର ମୋଲ୍ଲା ମଧ୍ୟ ଏହି ପ୍ରକଳ୍ପରେ ସାମିଲ ଥିଲେ। ଯାହା ଦର୍ଶାଉଛି ଯେ ପରିବାରବାଦ ପ୍ରାଧାନ୍ୟ ବିସ୍ତାର କରେ ଏବଂ ସରକାରୀ କାର୍ଯ୍ୟରେ ମଧ୍ୟ ଦୁର୍ନୀତି ଚରମ ସୀମାରେ ପହଞ୍ଚିଛି।

ଅଧିକ ପଢ଼ନ୍ତୁ: ସରକାର ବିଧାନସଭାକୁ ଡରୁଛନ୍ତି: ପ୍ରତାପ ଦେବ

Bangladesh