ରାଷ୍ଟ୍ରୀୟ ଶୋକ ଘୋଷଣା ସମୟରେ ଛାତ୍ରୀମାନଙ୍କ ସହ ମିଶି ଝୁମିଲେ ଶିକ୍ଷୟିତ୍ରୀ

୭ ଦିନିଆ ରାଷ୍ଟ୍ରୀୟ ଶୋକ ଘୋଷଣା କରାଯାଇଥିବା ବେଳେ ଛାତ୍ରୀମାନଙ୍କ ସହ ମିଶି ନାଚୁଛନ୍ତି ଶିକ୍ଷୟିତ୍ରୀ। ଘଟଣାର ଭିଡିଓ ଭାଇରାଲ ହେବାପରେ କାରଣ ଦର୍ଶାଅ ନୋଟିସ ହୋଇଛି ଜାରି।

ଅଦ୍ୟତନ ହୋଇଛି
wr

ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂହଙ୍କ ପରଲୋକରେ ସାରା ଦେଶରେ ଶୋକର ଛାୟା ଖେଳିଯାଇଛି। ।

ଗତକାଲି ଦିଲ୍ଲୀର ନିଗମବୋଧ ଘାଟରେ ସମ୍ପୂର୍ଣ୍ଣ ରାଷ୍ଟ୍ରୀୟ ସମ୍ମାନ ସହ ଡ. ମନମୋହନ ସିଂହଙ୍କ ଅନ୍ତିମ ସଂସ୍କାର ସମ୍ପନ୍ନ ହୋଇଯାଇଛି। ମନମୋହନଙ୍କ ବିୟୋଗରେ ଜାନୁଆରି ପହିଲା ପର୍ଯ୍ୟନ୍ତ କେନ୍ଦ୍ର ସରକାର ୭ ଦିନିଆ ରାଷ୍ଟ୍ରୀୟ ଶୋକ ଘୋଷଣା କରାଯାଇଛି। ଏହି ସମୟରେ ସାରା ଦେଶରେ ଜାତୀୟ ପତାକା ଅର୍ଦ୍ଧନମିତ ରହିବ ବୋଲି ସୂଚିତ କରାଯାଇଛି।

ଅଧିକପଢ଼ନ୍ତୁ:ମଝି ଚିଲିକାରେ ପୁଣି ଫସିଲା ଦେଶୀ ଡଙ୍ଗା, ଉଦ୍ଧାର କାର୍ଯ୍ୟ ଜାରି

ଏଭଳି ସମୟରେ ମଧ୍ୟପ୍ରଦେଶର ଏକ ସ୍କୁଲରୁ ଶିକ୍ଷୟିତ୍ରୀ ଓ କିଛି ଛାତ୍ରୀମାନେ ମିଶି ନୃତ୍ୟ କରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ନେଇ ବିଭିନ୍ନ ମହଲରେ ତୀବ୍ର ସମାଲୋଚନା କରଯାଉଛି।

ଅଧିକପଢ଼ନ୍ତୁ:ଯମୁନା ନଦୀରେ ହେଲା ମନମୋହନ ସିଂହଙ୍କ ଅସ୍ଥି ବିସର୍ଜନ

ଭାଇରାଲ ହୋଇଥିବା ଭିଡିଓରେ କସ୍ତୁରବା ଗାନ୍ଧି କନ୍ୟା ବିଦ୍ୟାଳୟର ହଷ୍ଟେଲରେ ଶିକ୍ଷୟିତ୍ରୀମାନଙ୍କୁ ଛାତ୍ରୀମାନଙ୍କ ସହ ମିଶି ନାଚୁଥିବା ଦେଖିବାକୁ ମିଳୁଛି। ଏହି ଘଟଣା ସାମ୍ନାକୁ ଆସିବା ପରେ ପ୍ରଶାସନ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି କାରଣ ଦର୍ଶାଅ ନୋଟିସ ଜାରି କରିଛି। ଉତ୍ତର ଆସିବା ପରେ ଦୋଷୀଙ୍କ ବିରୋଧରେ କେଉଁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତାହା ସ୍ଥିର କରାଯିବ।    

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe