‘ଅପରେସନ ସିନ୍ଦୂର’ ବନାମ ‘ବନୟାନ୍ ଉଲ୍ ମରସୁସ୍’

ଇସଲାମାବାଦ/ନୂଆଦିଲ୍ଲୀ: ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନାର ବାତାବରଣ ରହିଛି। ମେ’ ୭ ତାରିଖରେ ହୋଇଥିବା ଏୟାର ଷ୍ଟ୍ରାଇକ୍ ପରଠାରୁ, ପାକିସ୍ତାନ ଭାରତ ଉପରେ ପ୍ରତି ଆକ୍ରମଣର ପ୍ରୟାସ କରିଆସୁଛି। ଅପରେସନ ସିନ୍ଦୂରରେ ଭାରତ ପାକିସ୍ତାନର ନଅଟି ସ୍ଥାନକୁ ଧ୍ୱଂସ କରିଛି। ଏହା ପରେ ମଧ୍ୟ ପାକିସ୍ତାନ ନିଜର ଷଡ଼ଯନ୍ତ୍ର କାର୍ଯ୍ୟକଳାପ ଜାରି ରଖିଛି।

ଏବେ, ଭାରତ ପରି, ପାକିସ୍ତାନ ମଧ୍ୟ ନିଜର ଛୋଟ ମିସନ ଆରମ୍ଭ କରିଛି। ଯାହାକୁ ଅପରେସନ୍ ବିନୟାନ୍ ଉଲ୍ ମରସୁସ୍ ନାମ ଦିଆଯାଇଛି। ଏହି ନାମଟି କୁରାନରୁ ନିଆଯାଇଥିବା କୁହାଯାଉଛି। 

ଯାହାର ଅର୍ଥ 'ଭାଙ୍ଗୁ ନଥିବା କାନ୍ଥ'। ସରଳ ଭାଷାରେ, ଏହାର ଅର୍ଥ ଏକ ଦୃଢ଼ ଏବଂ ସଂଯୁକ୍ତ ମୋର୍ଚ୍ଚା। ଏହା ପାକିସ୍ତାନର ଜାତୀୟ ସୁରକ୍ଷାରେ ସେନାର ଏକତା, ଶକ୍ତି ଏବଂ ଶୃଙ୍ଖଳାର ବାର୍ତ୍ତାକୁ ପ୍ରତିଫଳିତ କରୁଛି। ଅଭିଯାନ ଆରମ୍ଭ କରି ଡାହା ମିଛ କହୁଥିବା ପାକିସ୍ତାନ ବିଭିନ୍ନ ମିଥ୍ୟା କରୁଛି। ତେବେ ଭାରତ ପକ୍ଷରୁ ଏସବୁ ମିଥ୍ୟା ଦାବିକୁ ଖଣ୍ଡନ କରାଯାଉଛି। ମିଛୁ୍ଆ ପାକିସ୍ତାନ କହିଛି ଯେ, ଅପରେସନ ବନୟାନ୍ ଉଲ୍ ମରସୁସ୍ ଅନ୍ତର୍ଗତ ଭାରତର ପଠାନକୋଟ, ଉଧମପୁର ଏବଂ ଶ୍ରୀନଗର ଘାଟି ଉପରେ ଆକ୍ରମଣ କରିଛି। 

ଅଧିକ ପଢ଼ନ୍ତୁ: ହରିୟାଣାର ସିର୍ସାରେ ବାଲାଷ୍ଟିକ୍ ମିସାଇଲକୁ ଖସାଇଦେଲେ ଭାରତୀୟ ସେନା

ପାକିସ୍ତାନ ସାରା ରାତି ଭାରତର ୩୦ରୁ ଅଧିକ ଅଞ୍ଚଳରେ ଡ୍ରୋନ୍ ଆକ୍ରମଣ କରିଥିଲା, ଯାହାକୁ ଭାରତୀୟ ସେନା ବିଫଳ କରିଥିଲେ। ଏବେ ପାକିସ୍ତାନ ପଞ୍ଜାବ, ରାଜସ୍ଥାନ ଏବଂ ହରିୟାଣାର ଆବାସିକ ଅଞ୍ଚଳକୁ ଟାର୍ଗେଟ କରିବାର ଏକ ନିନ୍ଦନୀୟ ପ୍ରୟାସ କରୁଥିବା ଜଣାପଡ଼ିଛି। ପାକିସ୍ତାନ ନିଜର କାର୍ଯ୍ୟକଳାପରୁ ନିବୃତ୍ତ ହେଉନାହିଁ।  ନୂଆଦିଲ୍ଲୀ, ଜମ୍ମୁ, ଅମୃତସର, ପଠାନକୋଟ ଏବଂ ଜଳନ୍ଧର ସମେତ ୧୨ ରୁ ଅଧିକ ସହରରେ ପାକିସ୍ତାନ ପକ୍ଷରୁ ଆକ୍ରମଣ କରାଯାଇଛି ବୋଲି ପାକିସ୍ତାନ ଏ ସମ୍ପର୍କରେ ଦାବି କରୁଛି।

 ପାକିସ୍ତାନ ବିମାନବନ୍ଦର କର୍ତ୍ତୃପକ୍ଷ (ପିଏଏଏ) ଏକ ବିଜ୍ଞପ୍ତି ଜାରି କରି କହିଛନ୍ତି ଯେ, ପାକିସ୍ତାନର ଆକାଶପଥ ଭୋର୍ ୩ଟା ୧୫ ରୁ ମଧ୍ୟାହ୍ନ ୧୨ ଟା ପର୍ଯ୍ୟନ୍ତ ସମସ୍ତ ପ୍ରକାରର ବିମାନ ଚଳାଚଳ ପାଇଁ ବନ୍ଦ କରିଦିଆଯାଇଛି।

ଅଧିକ ପଢ଼ନ୍ତୁ: ପାକିସ୍ତାନର ୩ଟି ବିମାନଘାଟି ଉଡ଼ାଇଲା ଭାରତ, ଦିଲ୍ଲୀ ଅଭିମୁଖେ ଆସୁଥିବା ଫତହ-୨ ମିସାଇଲକୁ ଧ୍ବଂସ କଲା ଭାରତ

OperationSindoor | Banyan ul Marsus