ସରକାରୀ କର୍ମଚାରୀ ଏବଂ ବିଚାରପତିଙ୍କ ବିରୋଧରେ ପିଏମ୍ଏଲ୍‌ଏ ମାମଲା ପୂର୍ବରୁ ଅନୁମତି ଜରୁରୀ: ସୁପ୍ରିମକୋର୍ଟ

ନୂଆଦିଲ୍ଲୀ:  ପିଏମ୍ଏଲ୍‌ଏ  ସହ ଜଡିତ ଏକ ମାମଲାରେ ସୁପ୍ରିମକୋର୍ଟ ଗୁରୁତ୍ୱପୂର୍ଣ୍ଣ ରାୟ ପ୍ରଦାନ କରିଛନ୍ତି। ଅଦାଲତ କହିଛନ୍ତି ଯେ ସରକାରୀ କର୍ମଚାରୀ ତଥା ବିଚାରପତିଙ୍କ ବିରୁଦ୍ଧରେ ହୋଇଥିବା ଅପରାଧ ମାମଲାରେ ପିଏମ୍ଏଲ୍‌ଏ  (ମନି ଲଣ୍ଡରିଂ ଆକ୍ଟ) ଅନୁଯାୟୀ ସେମାନଙ୍କୁ କୋର୍ଟ ଚାଲାଣ କରିବାକୁ ସରକାରଙ୍କ ତରଫରୁ ମଞ୍ଜୁର କରିବାକୁ ପଡିବ।

ସିଆରପିସିର ଧାରା ୧୯୭ (୧) ଅନୁଯାୟୀ ଏକ ବ୍ୟବସ୍ଥା ଅଛି ଯେ ଜଣେ ସରକାରୀ କର୍ମଚାରୀଙ୍କ ବିରୋଧରେ ମାମଲା ରୁଜୁ କରିବାକୁ ସରକାରଙ୍କର ସମ୍ପୃକ୍ତ କର୍ତ୍ତୃପକ୍ଷଙ୍କ ଅନୁମୋଦନ ନେବାକୁ ପଡିବ। ସୁପ୍ରିମକୋର୍ଟ କହିଛନ୍ତି ପିଏମ୍ଏଲ୍‌ଏ  ମାମଲାରେ ସିଆରପିସିର ଏହି ବ୍ୟବସ୍ଥା ମଧ୍ୟ ପ୍ରଯୁଜ୍ୟ ହେବ।

ସୁପ୍ରିମକୋର୍ଟରେ ତେଲେଙ୍ଗାନା ହାଇକୋର୍ଟଙ୍କ ରାୟକୁ ଇଡି ଚ୍ୟାଲେଞ୍ଜ କରିଥିଲା। ଯେଉଁଥିରେ ହାଇକୋର୍ଟ ବିନା ସ୍ବୀକୃତିରେ ଆଇଏଏସ୍ ଅଧିକାରୀଙ୍କ ବିରୋଧରେ ମାମଲା ଚଲାଇବାକୁ ଖାରଜ କରିଥିଲେ। ସୁପ୍ରିମକୋର୍ଟରେ ଇଡି ଦ୍ୱାରା ହାଇକୋର୍ଟଙ୍କ ରାୟକୁ ଚ୍ୟାଲେଞ୍ଜ କରାଯାଇଥିଲା। ଜଷ୍ଟିସ୍ ଏସ୍ ଓକାଙ୍କ ନେତୃତ୍ୱରେ ସୁପ୍ରିମକୋର୍ଟର ଏକ ବେଞ୍ଚ ଇଡିର ଆବେଦନକୁ ଖାରଜ କରିଛନ୍ତି।

ଏହି ପରିପ୍ରେକ୍ଷୀରେ, ଇଡି ସରକାରୀ ଅଧିକାରୀଙ୍କ ବିରୋଧରେ ଜମି ଆବଣ୍ଟନ ତଥା ସମ୍ପତ୍ତିର ମୂଲ୍ୟ ନିର୍ଦ୍ଧା‌ରଣରେ ନିଜ ପଦବୀର ଦୁରୂପଯୋଗ କରିଥିବା ଅଭିଯୋଗ କରିଥିଲା। ରିହାତି ପ୍ରଦାନ କରିବା ପାଇଁ ସେ ତାଙ୍କ ଅଧିକାରର ଅପବ୍ୟବହାର କରି  ପୂର୍ବତନ ସିଏମ୍‌ଙ୍କ ସମ୍ପତ୍ତିରୁ ଲାଭ ହାସଲ କରିଥିବା ଅଭିଯୋଗ ହୋଇଥିଲା। ଏଥିପାଇଁ ସେ ଏକ ଷଡଯନ୍ତ୍ର ରଚିଥିଲେ ଯାହା ସରକାରଙ୍କୁ ଆର୍ଥିକ କ୍ଷତି ଘଟାଇଥିଲା ବୋଲି ଇଡ଼ି ଅଭିଯୋଗ କରିଥିଲା।

ଯେତେବେଳେ ଏହି ମାମଲା ହାଇକୋର୍ଟକୁ ଆସିଲା, ସେତେବେଳେ ଆଇଏଏସ୍ ଅଧିକାରୀଙ୍କ ତରଫରୁ ଯୁକ୍ତି କରାଯାଇଥିଲା ଯେ ସେ ଯାହା କରିଥିଲେ ତାହା ତାଙ୍କ ସରକାରୀ କ୍ଷମତା ମଧ୍ୟରେ ଥିଲା ଏବଂ ଏଭଳି ପରିସ୍ଥିତିରେ ସିଆରପିସି ଧାରା ଅନ୍ତର୍ଗତ ୧୯୭  ତାଙ୍କ ବିରୋଧରେ ଏକ ମାମଲା ଦାଏର ହେବା ପୂର୍ବରୁ  ସରକାରୀ ଅଧିକାରୀଙ୍କ ଅନୁମୋଦନ ଆବଶ୍ୟକ । ତେବେ ଇଡି କହିଥିଲା ଯେ ପିଏମ୍ଏଲ୍‌ଏ  ଏକ ସ୍ୱତନ୍ତ୍ର ଆକ୍ଟ । ତେଣୁ ଏହି ପ୍ରସଙ୍ଗରେ କୌ ଣସି ଅନୁମୋଦନର ଆବଶ୍ୟକତା ନାହିଁ।

ବ୍ୟକ୍ତିଗତ ଲାଭ ପାଇଁ ସରକାରୀ କ୍ଷମତାର ଅପବ୍ୟବହାର ଏହି ଅଭିଯୋଗରେ ଦର୍ଶାଯାଇଛି।  ଏଭଳି ପରିସ୍ଥିତିରେ ସିଆରପିସିର ଧାରା ୧୯୭ରେ ଦିଆଯାଇଥିବା ସୁରକ୍ଷା ଏଠାରେ ପ୍ରଯୁଜ୍ୟ ନୁହେଁ।

ଅଧିକ ପଢ଼ନ୍ତୁ: 'ବିଜୟ ପାଇଁ ହାର୍ଦ୍ଦିକ ଅଭିନନ୍ଦନ, ମୋର ବନ୍ଧୁ ଡୋନାଲ୍ଡ ଟ୍ରମ୍ପ': ଏକ ନିଆରା ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ମୋଦୀ

ତେଲେଙ୍ଗାନା ହାଇକୋର୍ଟ ଏହି ମାମଲାରେ ନିଆଯାଇଥିବା ସଜ୍ଞାନ ଏବଂ ନିର୍ଦ୍ଦେଶକୁ ଖାରଜ  କରି ଏହି ମାମଲାରେ ଆଇଏଏସ୍ ବିପି ଆଚାର୍ଯ୍ୟଙ୍କ ଆବେଦନକୁ ଗ୍ରହଣ କରିଥିଲେ। ହାଇକୋର୍ଟ ଇଡିଙ୍କ ଯୁକ୍ତିକୁ ଖାରଜ କରିଥିଲେ। ଏହା ପରେ ଇଡି ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ। ଏବେ ସୁପ୍ରିମକୋର୍ଟ ମଧ୍ୟ ଇଡିର ଆବେଦନକୁ ଖାରଜ କରିଛନ୍ତି।

ଅଧିକ ପଢ଼ନ୍ତୁ: ରାଜ ଠାକରେ-ବିଜେପି ଗୁପ୍ତ ଚୁକ୍ତି!: ସିନ୍ଦେଙ୍କ ଚିନ୍ତା ବଢ଼ିଲା