ବାଇଡେନଙ୍କ ପରି ସ୍ମୃତି ଶକ୍ତି ହରାଇଛନ୍ତି ମୋଦୀ: ରାହୁଲଙ୍କ ସମାଲୋଚନା

ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନ ୨୦୨୪ ପାଇଁ ପ୍ରଚାର ସମୟରେ ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିବା ସହିତ ବିଜେପିକୁ କଡ଼ା ସମାଲୋଚନା କରିଛନ୍ତି।

ଅମରାବତୀରେ କଂଗ୍ରେସ ସାଂସଦ କହିଛନ୍ତି, "ମୋ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା ମୋତେ କହିଛନ୍ତି ଯେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭାଷଣ ଶୁଣିଛନ୍ତି। ପ୍ରିୟଙ୍କା କହୁଛନ୍ତି ଯେ ଆମେ ଯାହା କହୁଛୁ, ପ୍ରଧାନମନ୍ତ୍ରୀ ମଧ୍ୟ ସମାନ କଥା କହୁଛନ୍ତି।

ପ୍ରଧାନମନ୍ତ୍ରୀ ସ୍ମୃତି ଶକ୍ତି ହରାଇଛନ୍ତି।  ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଭଳି ମୋଦୀ କ’ଣ କହିବାକୁ ଚାହୁଁଛନ୍ତି ତାହା  ଭୁଲିଯାଉଛନ୍ତି।

ଅଧିକ ପଢ଼ନ୍ତୁ: ନାସାର ଚନ୍ଦ୍ର ମିସନ: ଚନ୍ଦ୍ରରେ ଗ୍ୟାସ ପାଇପଲାଇନ ବିଛାଯିବ!

ରାହୁଲ କହିଛନ୍ତି, ୟୁକ୍ରେନର ରାଷ୍ଟ୍ରପତି ସେଠାକୁ ଆସିଥିଲେ ଏବଂ ଆମେରିକାର ରାଷ୍ଟ୍ରପତି କହିଥିଲେ ରୁଷିଆର ରାଷ୍ଟ୍ରପତି ଆସିଛନ୍ତି ବୋଲି ବାଇଡେନ କହିଥିଲେ। ତା’ପରେ ଲୋକମାନେ ତାଙ୍କ ପଛକୁ ଆସି କହିଥିଲେ ଯେ ସେ ୟୁକ୍ରେନର ରାଷ୍ଟ୍ରପତି ଏବଂ ରୁଷିଆର ନୁହଁନ୍ତି। ବା‌ଇଡେନ ତାଙ୍କର ସ୍ମୃତି ହରାଇଥିଲେ। ସେହିଭଳି ଆମର ପ୍ରଧାନମନ୍ତ୍ରୀ ସ୍ମୃତି ଶକ୍ତି ହରାଇଛନ୍ତି।

ଅଧିକ ପଢ଼ନ୍ତୁ: ଶୀଘ୍ର ଅନୁପ୍ରବେଶ କର, ନ ହେଲେ ଟ୍ରମ୍ପ ଆସିଯିବେ: ଆମେରିକାର ପଡୋଶୀ ଦେଶରେ ଉତ୍ତେଜନା