ରସିଦ ଖାନ-ମହମ୍ମଦ ନବୀ ତାଲିବାନ ସରକାରଙ୍କ ଆଦେଶକୁ ବିରୋଧ କଲେ

କାବୁଲ: ଆଫଗାନିସ୍ତାନର କିମ୍ବଦନ୍ତୀ କ୍ରିକେଟର ରସିଦ ଖାନ ଏବଂ ମହମ୍ମଦ ନବୀ ସେମାନଙ୍କର ଉଜ୍ଜ୍ୱଳ ଖେଳ ପାଇଁ ଅନେକ ସମୟରେ ହେଡଲାଇନରେ ରହିଥାନ୍ତି । କିନ୍ତୁ ଏଥର ଉଭୟ ଖେଳାଳି ଏକ ଭିନ୍ନ କାରଣ ପାଇଁ ଆଲୋଚନା କରିଛନ୍ତି। ଉଭୟ ଖେଳାଳି ତାଲିବାନ ସରକାରଙ୍କ ଆଇନକୁ ବିରୋଧ କରିଛନ୍ତି। 

ତାଲିବାନର ତ୍ରୁଟିଯୁକ୍ତ ଆଇନ ବ୍ୟବସ୍ଥା ବିରୋଧରେ ରସିଦ ଖାନ ଏବଂ ମହମ୍ମଦ ନବୀ ସ୍ୱର ଉତ୍ତୋଳନ କରିଛନ୍ତି। ଆଫଗାନିସ୍ତାନର ଉଭୟ ଷ୍ଟାର କ୍ରିକେଟର ତାଲିବାନ ସରକାରଙ୍କ ପକ୍ଷରୁ ଦେଶରେ ମହିଳାଙ୍କ ଡାକ୍ତରୀ ତାଲିମ ଉପରେ ପ୍ରତିବନ୍ଧକ ଲଗାଇବା ଆଇନକୁ ବିରୋଧ କରିଛନ୍ତି।

ଅଧିକ ପଢ଼ନ୍ତୁ: ଶପଥ ପୂର୍ବରୁ ପୁଣି ସର୍ତ୍ତ ରଖିଲେ ସିନ୍ଦେ:ଫଡନାଭିସ୍‌ଙ୍କ ଚିନ୍ତା ବଢ଼ିଲା

ଏହି ନିଷ୍ପତ୍ତିକୁ ବିରୋଧ କରି ଉଭୟ କ୍ରିକେଟର ତାଲିବାନକୁ ପୁନର୍ବିଚାର କରିବାକୁ କହିଛନ୍ତି। ଦୁହେଁ କହିଛନ୍ତି ଯେ, ଯଦି ଝିଅ ଏବଂ ମହିଳାମାନେ ଶିକ୍ଷା ପାଇବେ ଏଥିରେ କ’ଣ ଭୁଲ୍ ଅଛି? ଏହା ଏକ ଭଲ କଥା ଯେ, ଶିକ୍ଷା ପାଇବା ଦ୍ୱାରା ସେମାନେ ମଧ୍ୟ ଦେଶର ବିକାଶରେ ସହଯୋଗ କରିପାରିବେ।

ଏକ ରିପୋର୍ଟ ଅନୁଯାୟୀ, ଆଫଗାନିସ୍ତାନରେ ଡାକ୍ତରଙ୍କ ଅଭାବ ଦେଖାଦେଇଛି। ତାଲିବାନ ସରକାରଙ୍କ ନୂତନ ନିଷ୍ପତ୍ତି ପରେ ପରିସ୍ଥିତି ଆହୁରି ଭୟଙ୍କର ହୋଇପାରେ। 

ଅଧିକ ପଢ଼ନ୍ତୁ: ପୁଷ୍ପା-୨ର ପ୍ରିମିୟରରେ ଦଳାଚକଟା: ଜଣେ ମହିଳାଙ୍କ ମୃତ୍ୟୁ, ଭିଡିଓ ଭାଇରାଲ