ଗୁଗୁଲ ଉପରେ ରୁଷିଆର ଜରିମାନା ଲାଗୁ: ପରିମାଣରେ ୬୬ ଶୂନ,ସମଗ୍ର ବିଶ୍ୱରେ ଏତେ ଟଙ୍କା ନାହିଁ!

ମସ୍କୋ: ରୁଷିଆ ଏବଂ ଗୁଗୁଲ ମଧ୍ୟରେ ବିବାଦ ବଢ଼ିବାରେ ଲାଗିଛି। ଯାହା ସାରା ବିଶ୍ୱରେ ଆଲୋଚନା ହେଉଛି। ପ୍ରକୃତରେ, ରୁଷିଆ ଗୁଗୁଲ ଉପରେ ୨ ଅନଡିସିଲିୟନ ରୁବେଲ ଅର୍ଥାତ ପ୍ରାୟ ୨.୫ ଡିସିଲିୟନ ଡଲାର ଜରିମାନା ଲଗାଇଛି। ଏହି ସଖ୍ୟାରେ ୬୬  ୬୬ ଶୂନ ରହିଛି। ଗୁଗୁଲ ଉପରେ ରୁଷିଆ ଦ୍ବାରା ଲାଗୁ ହୋଇଥିବା ଜରିମାନା ପୃଥିବୀର ମୋଟ ସମ୍ପତ୍ତିଠାରୁ ଅଧିକ।

ବିଶ୍ବବ୍ୟାଙ୍କର ତଥ୍ୟ ଅନୁଯାୟୀ ବିଶ୍ବର ମୋଟ ଜିଡିପି ୧୦୦ ଟ୍ରିଲିୟନ ଡଲାର ଅଟେ। ଏହି ଜରିମାନା ଦେବାକୁ ଗୁଗୁଲର କ୍ଷମତା ଭିତରେ ନାହିଁ କାରଣ ଏହାର ମାର୍କେଟ କ୍ୟାପ୍ ୨.୦୯୬  ଟ୍ରିଲିୟନ୍ ଡଲାର ଅଟେ।  

ଗତ ବର୍ଷ କମ୍ପାନି ୩୦୭ ବିଲିୟନ ଡ଼ଲାର ଲାଭ ହାସଲ କରିଛି। ରୁଷିଆର ଷ୍ଟେଟ ମିଡିଆ ଆଉଟଲେଟ୍ ଆରବିସି ନ୍ୟୁଜ୍ କହିଛି ଯେ ରୁଷିଆରେ ଗୁଗୁଲ ଉପରେ ଲାଗୁ କରିଥିବା ସମ୍ପତ୍ତି ପୃଥିବୀର କ୍ଷମତା ବାହାରେ।

ରୁଷିଆ ଏବଂ ଗୁଗୁଲ ମଧ୍ୟରେ ଏହି ବିବାଦ ଆରମ୍ଭ ହେବାର ମୁଖ୍ୟ କାରଣ ହେଉଛି ଗୁଗୁଲ ପ୍ରାୟ ଚାରି ବର୍ଷ ପୂର୍ବେ ପ୍ରୋ-କ୍ରେମଲିନ୍ ଏବଂ ସରକାରୀ ଗଣମାଧ୍ୟମ ଜାରଗ୍ରେଡ ଟିଭି ଏବଂ ଆରଆଇ ଫ୍ୟାନ୍‌ର ୟୁଟ୍ୟୁବ୍ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇବା ଆରମ୍ଭ କରିଥିଲା। ଆଇନ ଏବଂ ବ୍ୟବସାୟ ନିୟମ ଉଲ୍ଲଂଘନ କରିବା ପରେ ଗୁଗୁଲ ଉପରେ ଏହି ପଦକ୍ଷେପ ନିଆଯାଇଥିଲା। ଗୁଗୁଲ ତା’ପରେ ଦୖନିକ ଏକଲକ୍ଷ ରୁବେଲ ଜରିମାନା ଲାଗୁ କରିବାକୁ ଲାଗିଲା।

Look at Russia being dramatic again. They literally fined Google more money than is currently available on the entire planet….. pic.twitter.com/gRVLrLLZrO

— Brooke&Abby (@MuncieBroo98917) October 30, 2024

ଏହା ପରେ ମାମଲା ମସ୍କୋ କୋର୍ଟରେ ପହଞ୍ଚିଥିଲା। ଯେଉଁଠାରେ କୋର୍ଟ ଗୁଗୁଲକୁ ଭର୍ତ୍ସନା କରିଥିଲେ ଏବଂ ଏହି ଖାତାଗୁଡ଼ିକୁ ପୁନଃସ୍ଥାପନ କରିବାକୁ ନିର୍ଦ୍ଦେଶ ଦେଇଥିଲେ। ଏହା ସହିତ କୋର୍ଟ ଗୁଗୁଲର ଜରିମାନା ଆଦାୟ କରିବା ମଧ୍ୟ ଆରମ୍ଭ କରିଥିଲେ। କୋର୍ଟଙ୍କ ନିଷ୍ପତ୍ତିରେ କୁହାଯାଇଥିଲା ଯେ ଗୁଗୁଲକୁ ନଅ ମାସ ମଧ୍ୟରେ ଜରିମାନା ଦେବାକୁ ପଡିବ। ଯଦି ଏହା ନ ହୁଏ, ତେବେ  ପ୍ରତିଦିନ ଏକ ଲକ୍ଷ ରୁବେଲ ଜୋରିମାନା ଦେବାକୁ ପଡିବ।

Russia is trying to fine Google $20 decillion over YouTube bans

• The fine surpasses the entire wealth and asset value on Earth

• Google so far has ignored their demands pic.twitter.com/aG5w55Q3aQ

— Culture Crave 🎃 (@CultureCrave) October 29, 2024

ଯଦିଓ ଗୁଗୁଲ ସେହି ସମୟରେ ଏହି ଜରିମାନା ଦେଇ ପାରିଥାନ୍ତା, ତେବେ ୨୦୨୨ ମସିହାରେ ରୁଷିଆ-ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ପରିସ୍ଥିତି ଆହୁରି ଖରାପ ହୋଇଯାଇଥିଲା। ଏହା ପରେ ୟୁଟ୍ୟୁବ୍ କାର୍ଯ୍ୟାନୁଷ୍ଠାନ ଗ୍ରହଣ କଲା ଏବଂ ଅନ୍ୟ ଗଣମାଧ୍ୟମ ରୁଷିଆ ୨୪, ଏନଟିଭି, ଆରଟି,ସ୍ପୁଟନିକ୍ ଏବଂ ଅନ୍ୟାନ୍ୟ ଆକାଉଣ୍ଟକୁ ଅବରୋଧ କରିଥିଲା । ଯେଉଁଥିପାଇଁ ରୁଷିଆର ୧୭ଟି ଟିଭି ଚ୍ୟାନେଲ ପ୍ରଭାବିତ ହୋଇଥିଲା। ସମସ୍ତ ଚ୍ୟାନେଲ ମଧ୍ୟ ଗୁଗୁଲ ବିରୋଧରେ ଅଭିଯୋଗ କରିବା ଆରମ୍ଭ କରିଥିଲେ।

ଏହା ପରେ, ଗୁଗୁଲ୍ ଏଲଏଲ୍ସି ୨୦୨୨ରେ ଦେବାଳିଆ ପାଇଁ ଆବେଦନ କରିଥିଲା ​​କାରଣ ଏହାର ଋଣ ୧୯ ବିଲିୟନ ରୁବେଲରୁ ଅଧିକ ହୋଇଯାଇଥିଲା। ସେହି ସମୟରେ ଗୁଗୁଲରେ ରୁଷିଆରେ ମାତ୍ର ୩.୫ ବିଲିୟନ ରୁବଲ୍ ସମ୍ପତ୍ତି ଥିଲା। ଗୁଗୁଲର କାର୍ଯ୍ୟ ଗତ ମାସରେ ଆରମ୍ଭ ହୋଇଥିଲା। ରୁଷିଆରେ ରହୁଥିବା ଲୋକଙ୍କ ପାଇଁ ନୂଆ ଆକାଉଣ୍ଟ ସୃଷ୍ଟି ଉପରେ କମ୍ପାନି ଏକ ପ୍ରତିବନ୍ଧକ ଲଗାଇବା ଆରମ୍ଭ କରିଥିଲା। ପ୍ରାୟ ଏକ ମାସ ପୂର୍ବରୁ କମ୍ପାନି ଆଉ ଏକ ବଡ଼ ନିଷ୍ପତ୍ତି ନେଇଥିଲା। କମ୍ପାନି ରୁଷିଆରେ ଆଡସେନ୍ସ ଖାତା ନିଷ୍କ୍ରିୟ କରିବା ଆରମ୍ଭ କରିଥିଲା। 

ଅଧିକ ପଢ଼ନ୍ତୁ:

ଅଯୋଧ୍ୟାରେ ଦୀପାବଳି: ସରଯୂ ଘାଟ ୨୫ ଲକ୍ଷରୁ ଅଧିକ ଦୀପରେ ଆଲୋକିତ

ନ୍ୟୁୟର୍କରେ ଦୀପାବଳି ପାଇଁ ଐତିହାସିକ ଘୋଷଣା, ପ୍ରଥମ ଥର ପାଇଁ ସ୍କୁଲ ଛୁଟି