ସାଉଦି ଆରବର 'ନିଦ୍ରାଗ୍ରସ୍ତ ରାଜକୁମାର' ଅଲ-ୱାଲିଦଙ୍କର କାହାଣୀ: କୋଟିପତି ରାଜକୁମାର ୨୦ ବର୍ଷ ଧରି କାହିଁକି ଶୋଇଛନ୍ତି?

ରିୟାଦ: ସାଉଦି ଆରବର ରାଜପରିବାରର କାହାଣୀଗୁଡ଼ିକ ଏପରି ଯେ, ଏହା ପ୍ରାୟତଃ ଲୋକଙ୍କ ମଧ୍ୟରେ ଆଗ୍ରହ ସୃଷ୍ଟି କରିଥାଏ। ରାଜପରିବାରର ବିଳାସପୂର୍ଣ୍ଣ ଜୀବନଶୈଳୀ ଦେଖି ଲୋକମାନେ ଆକର୍ଷିତ ହୋଇଥାନ୍ତି। ବ୍ରିଟେନର ରାଜପରିବାର ହେଉ କି ସାଉଦି ଆରବର ରାଜପରିବାର, ସେମାନେ ଲୋକଙ୍କ ଆକର୍ଷଣର କେନ୍ଦ୍ର ହୋଇଥାନ୍ତି।  ସେମାନଙ୍କ ଜୀବନ ପ୍ରାୟତଃ ବିଳାସ ଏବଂ ସୁବିଧାରେ ପରିପୂର୍ଣ୍ଣ ମନେହୁଏ, ତଥାପି ସେମାନଙ୍କ ପ୍ରାସାଦର ସୁନା ଖଚିତ କାନ୍ଥ ପଛରେ, କିଛି ରାଜକୀୟ କାହାଣୀ, କେତେବେଳେ ଅକଳ୍ପନୀୟ ଦୁଃଖରେ ଲେଖାଯାଇଥାଏ।

ସେମାନଙ୍କ ମଧ୍ୟରୁ ସବୁଠାରୁ ହୃଦୟବିଦାରକ କାହାଣୀ ହେଉଛି ସାଉଦି ଆରବର ରାଜକୁମାର ଅଲ-ୱାଲିଦ ବିନ୍ ଖାଲିଦ ବିନ୍ ତଲାଲଙ୍କର। ଯିଏ  'ନିଦ୍ରାଗସ୍ତ ରାଜକୁମାର'(ସ୍ଲିପିଂ ପ୍ରିନ୍ସ) ଭାବରେ ଜଣାଶୁଣା।

ହାଇଲାଇଟ୍ସ :

ସାଉଦି ଆରବର ରାଜକୁମାର କାହିଁକି ୨୦ ବର୍ଷ ଧରି ଶୋଇଛନ୍ତି?
ସାଉଦିର 'ନିଦ୍ରାଗ୍ରସ୍ତ ରାଜକୁମାର' ଅଲ-ୱାଲିଦଙ୍କ କାହାଣୀ।
ଶରୀରର ଶେଷ ଗତିବିଧି ୨୦୧୯ ମସିହାରେ ରେକର୍ଡ କରାଯାଇଥିଲା।

ପ୍ରିନ୍ସ ଅଲ-ୱାଲିଦ ୧୮ ଏପ୍ରିଲ ୨୦୨୫ରେ ତାଙ୍କର ୩୬ତମ ଜନ୍ମଦିନ ପାଳନ କରିଛନ୍ତି। କିନ୍ତୁ ବହୁ ବର୍ଷ ଧରି ତାଙ୍କ ବିଷୟରେ କୌଣସି ସୂଚନା ନାହିଁ। କିନ୍ତୁ ସେ 'ନିଦ୍ରାଗ୍ରସ୍ତ ରାଜକୁମାର' ଭାବରେ ପ୍ରସିଦ୍ଧ। କାହିଁକି? ଏପରି କ’ଣ ହେଲା ଯେ, ସେ ଗତ ୨୦ ବର୍ଷ ଧରି କୋମାରେ ରହିଛନ୍ତି? ପ୍ରକୃତରେ, ଏକ ବିପଦପୂର୍ଣ୍ଣ ଦୁର୍ଘଟଣା ରାଜକୁମାର ଅଲ-ୱାଲିଦଙ୍କ ଜୀବନକୁ ଅନ୍ଧାରକୁ ଠେଲି ଦେଇଥିଲା। ସେ ୨୦୦୫ ମସିହାରେ ଏକ ଭୟଙ୍କର ସଡ଼କ ଦୁର୍ଘଟଣାର ଶିକାର ହୋଇଥିଲେ ଏବଂ ସେବେଠାରୁ, ସେ ଗତ ୨୦ ବର୍ଷ ଧରି କୋମାରେ ଅଛନ୍ତି। ଯେତେବେଳେ ତାଙ୍କର ଦୁର୍ଘଟଣା ଘଟିଥିଲା, ସେ ଏକ ସାମରିକ କଲେଜରେ ପଢୁଥିଲେ।

ରାଜକୁମାର ଅଲ-ୱାଲିଦ ସାଉଦି ଆରବର ପ୍ରତିଷ୍ଠାତା ରାଜା ଅବଦୁଲ ଅଜିଜଙ୍କ ପ୍ରପୌତ୍ର। ତାଙ୍କ ପିତା, ପ୍ରିନ୍ସ ଖାଲିଦ ବିନ୍ ତଲାଲ, ରାଜା ଅବଦୁଲଅଜିଜଙ୍କ ପୁଅ ପ୍ରିନ୍ସ ତଲାଲ ବିନ୍ ଅବଦୁଲ ଅଜିଜଙ୍କ ପୁଅ। ଏହି ପ୍ରକାରେ, ପ୍ରିନ୍ସ ଅଲ-ୱାଲିଦ ସାଉଦି ରାଜପରିବାର ସହିତ ଜଡିତ, ଯଦିଓ ସେ ବର୍ତ୍ତମାନର ରାଜାଙ୍କ ସିଧାସଳଖ ଉତ୍ତରାଧିକାରୀ ନୁହଁନ୍ତି। ଏବେ ତାଙ୍କ ଜୀବନ କୋମାର ଅନ୍ଧାରରେ ରହିଛି।

ସେ ରିୟାଦର କିଙ୍ଗ ଅବଦୁଲାଜିଜ୍ ମେଡିକାଲ୍ ସିଟିରେ ସୁସ୍ଥ ଅବସ୍ଥାରେ ଅଛନ୍ତି। ଯେଉଁଠାରେ ତାଙ୍କର ଚିକିତ୍ସା କରାଯାଉଛି। ଗତ ୨୦ ବର୍ଷ ଧରି ମେସିନ୍ ଦ୍ୱାରା ତାଙ୍କ ଜୀବନକୁ ଲାଇଫ୍ ସପୋର୍ଟରେ ରଖାଯାଇଛି। ରୋୟା ନ୍ୟୁଜ୍ ରିପୋର୍ଟ କରିଛି ଯେ, ପ୍ରିନ୍ସ ଅଲ-ୱାଲିଦ ଗତ ୨୦ ବର୍ଷ ଧରି ଭେଣ୍ଟିଲେଟରରେ ଅଛନ୍ତି ଏବଂ ତାଙ୍କୁ ଏକ ଫିଡିଂ ଟ୍ୟୁବ୍ ମାଧ୍ୟମରେ ଖାଦ୍ୟ ଦିଆଯାଉଛି। ରିପୋର୍ଟ ଅନୁଯାୟୀ, ପ୍ରିନ୍ସ ଜୀବନ ସହାୟକରେ ଅଛନ୍ତି ଏବଂ ଯାନ୍ତ୍ରିକ ଭେଣ୍ଟିଲେସନ ଏବଂ ଏକ ଖାଦ୍ୟ ଟ୍ୟୁବ୍ ଉପରେ ନିର୍ଭର କରନ୍ତି।

ଅଧିକ ପଢ଼ନ୍ତୁ: ବିବାହର ୪ବର୍ଷ ପରେ ମା’ ହେଲେ ଜ୍ବାଲା ଗୁଟ୍ଟା

ତାଙ୍କ ଶରୀରର ଗତିବିଧି ଶେଷ ଥର ପାଇଁ ୨୦୧୯ ମସିହାରେ ରେକର୍ଡ କରାଯାଇଥିଲା, ଯେତେବେଳେ ସେ ଛୋଟ ଛୋଟ ଇଙ୍ଗିତ ମାଧ୍ୟମରେ ଯୋଗାଯୋଗ କରିବାକୁ ଚେଷ୍ଟା କରିଥିଲେ। ସେହି ସମୟ ମଧ୍ୟରେ ସେ ତାଙ୍କ ଆଙ୍ଗୁଠି ଉଠାଇଥିଲେ ଏବଂ ଟିକିଏ ମୁଣ୍ଡ ହଲାଇଥିଲେ। କିନ୍ତୁ ଡାକ୍ତରମାନେ କହିଥିଲେ ଯେ, ଏହା ତାଙ୍କ ଚେତା ଫେରିବାର ଏକ ସଙ୍କେତ ନଥିଲା।

ତଥାପି ସେହି ସମୟ ମଧ୍ୟରେ ତାଙ୍କ ପରିବାର ପୁଣି ଥରେ ଆଶା କରିବା ଆରମ୍ଭ କଲେ ଯେ, ସେ କୋମାରୁ ଫେରି ଆସିବେ। ତାଙ୍କ ଚେତା ଫେରିବା ପାଇଁ ଅପେକ୍ଷା ଏବେ ବି ଜାରି ରହିଛି। ଡାକ୍ତରମାନେ ଜୀବନ ସମର୍ଥନ ବନ୍ଦ କରିବାକୁ ପରାମର୍ଶ ଦେଇଥିଲେ। ତେବେ ତାଙ୍କ ପିତା, ପ୍ରିନ୍ସ ଖାଲେଦ ବିନ୍ ତଲାଲ ଅଲ୍ ସୌଦ ଏଥିରେ ରାଜି ନ ହୋଇ ତାଙ୍କ ପ୍ରିୟ ପୁଅର ଜୀବନ ପାଇଁ ଲଢ଼ିବାକୁ ନିଷ୍ପତ୍ତି ନେଇଥିଲେ। ତାଙ୍କ ବାପା କହିଥିଲେ, ଯଦି ଭଗବାନ ଚାହୁଁଥିଲେ ଯେ, ସେ ଏକ ଦୁର୍ଘଟଣାରେ ମରିଯାଆନ୍ତୁ, ତେବେ ସେ ଏବେ ତାଙ୍କ କବରରେ ଥାଆନ୍ତେ। ସେ ଏଭଳି ଅବସ୍ଥାରେ ନଥାନ୍ତେ।

ଅଧିକ ପଢ଼ନ୍ତୁ: ଖରା ବଢ଼ିଲେ ଅଙ୍ଗନବାଡ଼ି ବନ୍ଦ କରାଯିବ, ଛୁଆଙ୍କ ଖାଦ୍ୟ ଘରକୁ ପଠାଯିବ: ମନ୍ତ୍ରୀ

 Saudi Arabia | sleeping-prince-al-waleed