Bihar Results : ବିହାରରେ ଭୋଟ ଗଣତି ଆରମ୍ଭ

ପାଟନା : ଦୁଇ ପର୍ଯ୍ୟାୟ ବିହାର ବିଧାନସଭା ନିର୍ବାଚନର ଫଳାଫଳ (Bihar Results) ଆଜି ଶୁକ୍ରବାର (ନଭେମ୍ବର ୧୪) ଘୋଷଣା କରାଯିବ। ଭୋଟ ଗଣତି ସକାଳ ୮ଟାରୁ ଆରମ୍ଭ ହୋଇଛି ।  ପ୍ରଥମେ ପୋଷ୍ଟାଲ ବାଲଟ ଗଣିତ କରାଯାଉଛି । ବିହାର ବିଧାନସଭାରେ ୨୪୩ଟି ଆସନ ଅଛି ଏବଂ ବହୁମତ ସଂଖ୍ୟା ୧୨୨। 

ବର୍ତ୍ତମାନ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନେତୃତ୍ୱରେ ଏନଡିଏ ବିହାରରେ କ୍ଷମତା ବଜାୟ ରଖିବ ବୋଲି ଆଶା କରାଯାଉଛି। ଭୋଟ ପରେ ପ୍ରକାଶିତ ଏକଜିଟ ପୋଲରେ ଏନଡିଏକୁ ବହୁମତ ମିଳିବ ବୋଲି କୁହାଯାଇଛି । ନୀତିଶ କୁମାରଙ୍କ ଶାସନ ଏବଂ ତାଙ୍କ ପଦକ୍ଷେପ ଏହି ବିହାର ନିର୍ବାଚନରେ ପ୍ରମୁଖ ପ୍ରସଙ୍ଗ ଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତିଛବି ଏବଂ ପ୍ରଚାର ମଧ୍ୟ ଏନଡିଏର ରଣନୀତିରେ ପ୍ରମୁଖ ଭୂମିକା ଗ୍ରହଣ କରିଥିଲା। ଅନ୍ୟପକ୍ଷରେ ଆରଜେଡି ନେତା ତଥା ମହାଗଠବନ୍ଧନର ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ବୀ ବି ବହୁମତ ମିଳିବା ନେଇ ଦାବି କରୁଛନ୍ତି । 

ଆହୁରି ପଢନ୍ତୁ : Jamia to Jail: ଜାମିଆରୁ ଜେଲ୍ ପର୍ଯ୍ୟନ୍ତ ଆତଙ୍କବାଦ ଦ୍ବାରା କଳଙ୍କିତ ଅଲ-ଫଲାହର ଚାନ୍ସେଲରଙ୍କ ଅତୀତର ଇତିହାସ

କ’ଣ ବାଜି ପଲଟାଇବେ ତେଜସ୍ବୀ?

ନୀତିଶଙ୍କ ପୂର୍ବତନ ରାଜନୈତିକ ସହଯୋଗୀ ତଥା ଲାଲୁ ଯାଦବଙ୍କ ପୁଅ ତେଜସ୍ୱୀ ଯାଦବଙ୍କୁ ମହାଗଠବନ୍ଧନର ମୁଖ୍ୟମନ୍ତ୍ରୀ ଚେହେରା ଘୋଷଣା କରାଯାଇଛି। ତେଜସ୍ୱୀ ନିଜକୁ ଏକ ଗେମ ଚେଞ୍ଜର ଭାବରେ ଚିତ୍ରଣ କରିବାକୁ ଚେଷ୍ଟା କରିଛନ୍ତି, ଏପରିକି ପ୍ରତ୍ୟେକ ପରିବାର ପାଇଁ ଚାକିରିର ପ୍ରତିଶ୍ରୁତି ଦେଇଛନ୍ତି। କିନ୍ତୁ ଏହି ପ୍ରତିଶ୍ରୁତି ତାଙ୍କ ପାଇଁ ଯଥେଷ୍ଟ ହେବ କି ?

ବିକଳ୍ପ ହେବେ କି ପ୍ରଶାନ୍ତ ?

ରଣନୀତିଜ୍ଞରୁ ରାଜନେତା ହୋଇଥିବା ପ୍ରଶାନ୍ତ କିଶୋର ନିଜକୁ ଏକ ବିକଳ୍ପ ଭାବରେ ଉପସ୍ଥାପିତ କରିଛନ୍ତି। ସର୍ବଦା ପରି ବିହାର ନିର୍ବାଚନରେ, ପ୍ରତିଶ୍ରୁତି, ଟିକେଟ ବଣ୍ଟନ ଏବଂ ସାଧାରଣ ଭୋଟରଙ୍କ ଆକର୍ଷଣରେ ଜାତି ସମସ୍ତ ଦଳ ପାଇଁ ଏକ ପ୍ରମୁଖ କାରଣ ହୋଇଛି।

LIVE | Assembly Election Results: ନୂଆପଡ଼ା ଓ ବିହାର ନିର୍ବାଚନ ଫଳାଫଳ: ଜାଣନ୍ତୁ ଏଇଠି ତାଜା ଖବର