ଟ୍ରମ୍ପ୍ ୨୯ ଥର ଅସ୍ତ୍ରବିରତି ଦାବି କରିଛନ୍ତି, ସାହସ ଅଛି ତ ଏହା ମିଛ ବୋଲି କୁହନ୍ତୁ ମୋଦୀ: ରାହୁଲ

ନୂଆଦିଲ୍ଲୀ:ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଅପରେସନ ସିନ୍ଦୂର ବିତର୍କରେ ଅଂଶଗ୍ରହଣ କରି ସରକାରଙ୍କୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଯେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ବାରମ୍ବାର କହୁଛନ୍ତି ଯେ, ସେ ଯୁଦ୍ଧବିରତି କରିଛନ୍ତି। ସେ ଏହା ୨୯ ଥର କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିବା ଉଚିତ୍ ଯେ, ଟ୍ରମ୍ପ୍ ମିଛ କହୁଛନ୍ତି।

ରାହୁଲ ଗାନ୍ଧୀ କହିଛନ୍ତି, ସରକାର ପାଇଲଟଙ୍କ ହାତ ବାନ୍ଧି ଦେଇଥିଲେ। ବାୟୁସେନାକୁ ମୁକ୍ତ ହାତ ଦିଆଯାଇ ନଥିଲା। ଭାରତ କିଛି ଜେଟ୍ ହରାଇଥିଲା। ଏହା ସେନାର ଦୋଷ ନଥିଲା, ସରକାରଙ୍କ ଦୋଷ ଥିଲା। ପାକିସ୍ତାନର ବାୟୁ ପ୍ରତିରକ୍ଷା ଉପରେ ଆକ୍ରମଣ କାହିଁକି ବନ୍ଦ କରାଯାଇଥିଲା? ସିଡିଏସ୍ ସ୍ୱୀକାର କରିଛନ୍ତି ଯେ, ଆରମ୍ଭରେ ଏକ ଭୁଲ୍ ହୋଇଥିଲା। ବାୟୁସେନାକୁ ଦୋଷ ଦେବା ଭୁଲ୍। ରାହୁଲ ଗାନ୍ଧୀ କହିଛନ୍ତି ଯେ, ଟ୍ରମ୍ପ୍ ମିଛ କହୁଛନ୍ତି, ଆମର ଜେଟ୍ ପଡ଼ିନାହିଁ, ପ୍ରଧାନମନ୍ତ୍ରୀ ଏହାର ଜବାବ ଦେବା ଉଚିତ୍।

ଯଦି ଆପଣ ଏଠାରେ ମୋ କଥା ଶୁଣିଥାନ୍ତେ, ତେବେ ଆପଣ ସେହି ୫ଟି ବିମାନ ହରାଇ ନଥାନ୍ତେ.। ମେ’ ୧୧ ତାରିଖରେ ଏକ କାର୍ଯ୍ୟକ୍ରମରେ ଲେଫ୍ଟନାଣ୍ଟ ଜେନେରାଲ ରାହୁଲ ସିଂହ କହିଥିଲେ ଯେ, ଯେତେବେଳେ ଡିଜିଏମଓ-ସ୍ତରୀୟ ଆଲୋଚନା ଚାଲିଥିଲା, ପାକିସ୍ତାନ ପ୍ରକୃତରେ ଉଲ୍ଲେଖ କରିଥିଲା  ଆମେ ଜାଣୁ ଯେ, ଏହିଭଳି ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ। ଏହା ସ୍ପଷ୍ଟ ଯେ ସେମାନେ ଚୀନ୍‌ ପାଖରୁ ଲାଇଭ୍ ଯୁଦ୍ଧକ୍ଷେତ୍ର ଇନପୁଟ୍ ପାଉଥିଲେ।

ରାହୁଲ ଗାନ୍ଧୀ କହିଛନ୍ତି, ପହଲଗାମ ଆତଙ୍କବାଦୀ ଆକ୍ରମଣ ପଛରେ ଥିବା ବ୍ୟକ୍ତି ହେଉଛନ୍ତି ପାକିସ୍ତାନ ଜେନେରାଲ ଅସୀମ ମୁନିର। ନିକଟରେ ମୁନିର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ସହ ମଧ୍ୟାହ୍ନ ଭୋଜନ କରିଥିଲେ। ପ୍ରଧାନମନ୍ତ୍ରୀ ମୋଦୀ ଏ ବିଷୟରେ କିଛି କହି ନଥିଲେ। ସେ ଏହା ପଚାରି ନଥିଲେ ଯେ, ଟ୍ରମ୍ପ୍ ମୁନିରଙ୍କୁ ତାଙ୍କ କାର୍ଯ୍ୟାଳୟକୁ ନିମନ୍ତ୍ରଣ କରିବାର ସାହସ କିପରି କଲେ ବୋଲି ରାହୁଲ ପ୍ରଶ୍ନ କରିଛନ୍ତି।

ଅଧିକ ପଢ଼ନ୍ତୁ: ୨୨ ଏପ୍ରିଲର ବଦଲା ୨୨ ମିନିଟରେ ନିଆଯାଇଥିଲା, ପାକିସ୍ତାନର ପରମାଣୁ ଧମକ କାମ କରିନଥିଲା : ମୋଦୀ

OperationSindoor | pm-narendra-modi