ଟ୍ରମ୍ପ ମେକ୍ସିକୋ ସୀମାରେ ଅତିରିକ୍ତ ସୈନ୍ୟ ମୁତୟନ କରିବାକୁ ନିର୍ଦ୍ଦେଶ ଦେଲେ

ୱାଶିଂଟନ୍: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମେକ୍ସିକୋ ସୀମାରେ ମୁତୟନ ହେବା ପାଇଁ ୧୫୦୦ଅତିରିକ୍ତ ସୈନ୍ୟଙ୍କୁ ପଠାଇବାକୁ ନିଷ୍ପତ୍ତି ନେଇଛନ୍ତି।  ତାଙ୍କ ମୁଖପାତ୍ର ଏହି ସୂଚନା ଦେଇଛନ୍ତି। ସୀମାରେ ବେଆଇନ ଅନୁପ୍ରବେଶକୁ ରୋକିବା ପାଇଁ ଟ୍ରମ୍ପ ଏହି ନିଷ୍ପତ୍ତି ନେଇଛନ୍ତି। ସୀମା ସୁରକ୍ଷାକୁ ଟ୍ରମ୍ପ ପ୍ରାଥମିକତା ଦେଇଛନ୍ତି।

ଆମେରିକାର ରାଷ୍ଟ୍ରପତି ଭାବେ ଦାୟିତ୍ବ ନେବାର ପ୍ରଥମ ଦିନରେ ମେକ୍ସିକୋ ଏବଂ ଆମେରିକା ସୀମାରେ ସେ ଏକ ଜାତୀୟ ଜରୁରୀକାଳୀନ ପରିସ୍ଥିତି ଘୋଷଣା କରିଥିଲେ। ଅତିରିକ୍ତସୈନ୍ୟଙ୍କ ଆଗମନ ସହିତ ମେକ୍ସିକୋ ସୀମାରେ ନିୟୋଜିତ ସକ୍ରିୟ ଡ୍ୟୁଟି ସୈନ୍ୟ ସଂଖ୍ୟା ୪,୦୦୦ କୁ ବୃଦ୍ଧି ପାଇବ ବୋଲି କୁହାଯାଉଛି।

ପ୍ରେସ ସଚିବ କାରୋଲିନ୍ ଲେଭିଟ୍ ହ୍ବାଇଟ ହାଉସକୁ କହିଛନ୍ତି ଯେ, ଆମେରିକାର ଦକ୍ଷିଣ ସୀମା ପାଇଁ ୧,୫୦୦ ଅତିରିକ୍ତ ସୈନ୍ୟ ପଠାଯିବା ପାଇଁ ରାଷ୍ଟ୍ରପତି ଟ୍ରମ୍ପ ଏକ କାର୍ଯ୍ୟନିର୍ବାହୀ ନିର୍ଦ୍ଦେଶରେ ଦସ୍ତଖତ କରିଛନ୍ତି।

ଆମେରିକାର ଜଣେ ବରିଷ୍ଠ ଅଧିକାରୀ ପେଣ୍ଟାଗନ୍‌ରେ ଗଣମାଧ୍ୟମକୁ କହିଛନ୍ତି ଯେ, ଅତିରିକ୍ତ ସୈନ୍ୟଙ୍କ ମଧ୍ୟରେ ୧୦୦୦ ସେନା ଯବାନ ଏବଂ ୫୦୦ ମେରାଇନ୍ ଯବାନ ଅଛନ୍ତି। ଏହି ମେରାଇନ୍  ଯବାନମାନଙ୍କୁ କାଲିଫର୍ନିଆରେ ଜଙ୍ଗଲ ନିଆଁ  ଲିଭାଇବାକୁ ଡକାଯାଇଥିଲା। ଏବେ ସେମାନଙ୍କୁ  ସୀମାକୁ ପଠାଯାଇଛି।

ବରିଷ୍ଠ ସେନା ଅଧିକାରୀ କହିଛନ୍ତି ଯେ, ଏହି ବାହିନୀ ଶାରୀରିକ ପ୍ରତିବନ୍ଧକ ତଥା ଅନ୍ୟାନ୍ୟ ସୀମା ମିଶନ ସ୍ଥାପନ ଉପରେ କାର୍ଯ୍ୟ କରିବ। ସେମାନଙ୍କ ପାଇଁ ପ୍ରଥମ ଅପରେସନ୍ ଆଗାମୀ ୨୪  ରୁ ୪୮ଘଣ୍ଟା ମଧ୍ୟରେ ଆରମ୍ଭ ହେବ। ସେମାନେ ଆଗକୁ ବଢୁଛନ୍ତି। ଅଧିକାରୀ କହିଛନ୍ତି ଯେ,ସେଠାରେ କିଛି ଅତିରିକ୍ତ ଏରିଲ୍ ଇଣ୍ଟେଲିଜେନ୍ସ, ସିସିଟିଭି ଏବଂ ସପୋର୍ଟ  ବ୍ୟବସ୍ଥା ମଧ୍ୟ ରହିପାରେ ଯାହା ପରିସ୍ଥିତିକୁ ନେଇ ସଚେତନତା ସୃଷ୍ଟି କରିବାକୁ ସୀମାରେ ମୁତୟନ କରାଯିବ।

ଅଧିକ ପଢ଼ନ୍ତୁ: ବାଂଲାଦେଶକୁ ସମ୍ଭାଳି ପାରୁ ନାହାନ୍ତି ୟୁନୁସ: ହସିନାଙ୍କୁ ହଟାଇଥିବା ଲୋକେ ଅନୁତାପ କରୁଛନ୍ତି

କାର୍ଯ୍ୟକାରୀ ପ୍ରତିରକ୍ଷା ମନ୍ତ୍ରୀ ରବର୍ଟ ସେଲ୍ସ କହିଛନ୍ତି ଯେ, ଦେଶରୁ ପ୍ରବାସୀମାନଙ୍କୁ ବାହାର  କରିବା ପାଇଁ ଆମେରିକାର ସୈ ନ୍ୟବାହିନୀ ମଧ୍ୟ ବିମାନର ସହାୟତା ନେବେ। ସେ କହିଛନ୍ତି ଯେ ସାନ ଡିଏଗୋ, କାଲିଫର୍ନିଆ ଏବଂ ଏଲ ପାସୋ, ଟେକ୍ସାସ ଅଞ୍ଚଳରୁ ପାଞ୍ଚ ହଜାରରୁ ଅଧିକ ବେଆଇନ ବିଦେଶୀଙ୍କ ଦେଶାନ୍ତର ବିମାନରେ କରାଇବା ପାଇଁ ଗୃହ ସୁରକ୍ଷା ବିଭାଗକୁ ସହାୟତା କରିବାକୁ ସାମରିକ ବିମାନ ଯୋଗାଇ ଦିଆଯିବ। ସେନା ଅଧିକାରୀ କହିଛନ୍ତି ଯେ, ପ୍ରାୟ ୧୦୦ ଆମେରିକୀୟ ସୈନିକ ବେଆଇନ ପ୍ରବାସୀଙ୍କ ନିର୍ବାସନ କାର୍ଯ୍ୟରେ ନିୟୋଜିତ ହେବେ।

ଅଧିକ ପଢ଼ନ୍ତୁ: ସୈଫଙ୍କ ସହିତ ବିତାଇଥିବା ସେହି ୫ମିନିଟ ଥିଲା ଏପରି