ତୁର୍କୀ ବିକ୍ରି କରୁଛି ବିଶ୍ୱର ସବୁଠାରୁ ବିପଦପୂର୍ଣ୍ଣ ବୋମା: ପ୍ରତିରକ୍ଷା ଶିଳ୍ପ ମେଳାରେ ପ୍ରଦର୍ଶନ କଲା

ଆଙ୍କରା: ତୁର୍କୀ  ଡ୍ରୋନ୍‌ର ରପ୍ତାନିକାରୀ ଭାବେ ଖ୍ୟାତି ହାସଲ କରିଛି। ଏବେ ତୁର୍କୀ ବ୍ୟାପକ ଧ୍ୱଂସ ଘଟାଉଥିବା ବୋମାର ନିର୍ମାତା ମଧ୍ୟ ହୋଇଛି। ଇସ୍ତାନବୁଲରେ ଅନୁଷ୍ଠିତ ହେଉଥିବା ଅନ୍ତର୍ଜାତୀୟ ପ୍ରତିରକ୍ଷା ଶିଳ୍ପ ମେଳା ଆଇଡିଇଏଫ ୨୦୨୫ରେ, ତୁର୍କୀ ବିଶ୍ୱର ଦୁଇଟି ସବୁଠାରୁ ବିପଦପୂର୍ଣ୍ଣ ଅଣ-ପରମାଣୁ ବୋମା ପ୍ରଦର୍ଶନ କରିଛି।

ଏହି ଦୁଇଟି ବୋମାର ନାମ ହେଉଛି ଗାଜାପ ଏବଂ ନେବ୍-୨ ଘୋଷ୍ଟ୍। ଉଭୟ ବୋମା ୯୭୦ କିଲୋଗ୍ରାମ ଓଜନର ଏବଂ ଏଫ-୧୬ ଯୁଦ୍ଧ ବିମାନରୁ ନିକ୍ଷେପ କରାଯାଇପାରିବ। ପ୍ରତିରକ୍ଷା କମ୍ପାନି, ସେନା ଏବଂ ରଣନୈତିକ ବିଶ୍ଳେଷକଙ୍କ ଉପସ୍ଥିତିରେ ତୁର୍କୀ ଏହାର ଅସ୍ତ୍ରଶସ୍ତ୍ର ବିକ୍ରି କରିବା  ସହିତ ବିଶ୍ୱକୁ ଦେଖାଇଥିଲା ଯେ, ଏବେ ଏକ ବିପଦପୂର୍ଣ୍ଣ ଅସ୍ତ୍ରଶସ୍ତ୍ର ରପ୍ତାନିକାରୀ ମଧ୍ୟ ପାଲଟିଛି।

ଗାଜାପ ବୋମା ତୁର୍କୀ ପ୍ରତିରକ୍ଷା ମନ୍ତ୍ରଣାଳୟର ଗବେଷଣା ଏବଂ ବିକାଶ କେନ୍ଦ୍ର ଦ୍ୱାରା ବିକଶିତ ହୋଇଛି। ଏହାର ବିଶେଷତ୍ୱ ହେଉଛି ଏହା ପ୍ରତି ମିଟରରେ ୧୦.୧୬ ଫ୍ରାଗମେଣ୍ଟ ହୋଇ ବିସ୍ଫୋରଣ କରିଥାଏ। ଯେତେବେଳେ ପାରମ୍ପରିକ ବୋମାଗୁଡ଼ିକର ଏପରି ପ୍ରଭାବ କେବଳ ୩ ମିଟର ପରିଧି ମଧ୍ୟରେ ରହିଥାଏ। ଏହାର ବହୁ-ଖଣ୍ଡ ଡିଜାଇନ୍ ଯୋଗୁ ବିସ୍ଫୋରଣ ପରିଧି ଏବଂ ପ୍ରଭାବ ଉଭୟ ବହୁତ ଘାତକ ହୋଇ ପାରିଥାଏ। ଅଧିକାରୀଙ୍କ ଅନୁଯାୟୀ, ଗାଜାପ ଏବେ ପରୀକ୍ଷଣ ଏବଂ ପ୍ରମାଣପତ୍ର ପ୍ରକ୍ରିୟାକୁ ସମ୍ପୂର୍ଣ୍ଣ ଭାବରେ ଅତିକ୍ରମ କରିସାରିଛି ଏବଂ ବ୍ୟବହାର ପାଇଁ ପ୍ରସ୍ତୁତ।

ଅଧିକ ପଢ଼ନ୍ତୁ: ମହିଳା ସୁରକ୍ଷା ପ୍ରସଙ୍ଗ: ବିଜେଡି-କଂଗ୍ରେସକୁ ଆଇନା ଦେଖାଇଲା ବିଜେପି

ଦ୍ୱିତୀୟ ବୋମା ନେବ୍-୨ ଘୋଷ୍ଟ୍କୁ ବିଶ୍ୱର ସବୁଠାରୁ ପ୍ରଭାବଶାଳୀ ବଙ୍କର ବଷ୍ଟର ବୋଲି ବିବେଚନା କରାଯାଉଛି। ଏହି ବୋମା ଏତେ ଶକ୍ତିଶାଳୀ ଯେ, ଏହା ଆମେରିକୀୟ କ୍ଷେପଣାସ୍ତ୍ର ସି-୩୫ ଗ୍ରେଡ ତୁଳନାରେ ଅଧିକ କଂକ୍ରିଟ୍‌ର କାନ୍ଥ ଭେଦ କରିପାରିବ। ସି-୩୫ ୨.୪ ମିଟର  କଂକ୍ରିଟ କାନ୍ଥ ଭେଦ କରିବାରକୁ ସକ୍ଷମ। ନେବ୍-୨ ସି୫୦ ଗ୍ରେଡ୍ ସି-୩୫ ଗ୍ରେଡ୍ ଠାରୁ ତିନି ଗୁଣା ଅଧିକ ଶକ୍ତିଶାଳୀ। ଏହା ୭ ମିଟର ଘନ କଂକ୍ରିଟ୍ କାନ୍ଥ ଭେଦ କରିବାକୁ ସକ୍ଷମ।

 ଏଫ-୧୬ ରୁ ପରୀକ୍ଷଣ ସମୟରେ, ଏହାକୁ ଏକ ଦ୍ୱୀପରେ ପକାଯାଇଥିଲା ଯେଉଁଠାରେ ଏହା ୯୦ ମିଟର ଗଭୀରତା ପର୍ଯ୍ୟନ୍ତ ଭୂଗର୍ଭରେ ପ୍ରବେଶ କରିଥିଲା। ଏହା ଯୋଗୁ  ଭୂସ୍ଖଳନ ହେବା ସହିତ ଗ୍ୟାସ୍ ଲିକ୍ ଏବଂ ପଥର ଭାଙ୍ଗି ଯାଇଥିଲା। ଏହାର ସମୟ-ବିଳମ୍ବ ପ୍ରଯୁକ୍ତିବିଦ୍ୟା ଯୋଗୁ ଏହାର ବିସ୍ଫୋରଣ ୨୫ ମିଲିସେକେଣ୍ଡ ପରିବର୍ତ୍ତେ ୨୪୦ ମିଲିସେକେଣ୍ଡରେ ହୋଇଥିଲା। ଫଳରେ ଏହା ଅଧିକ କ୍ଷୟକ୍ଷତି କରିଥିଲା।

ଅଧିକ ପଢ଼ନ୍ତୁ: ମନମୋହନଙ୍କ ପାଇଁ ଓଡ଼ିଶାରେ ବିଜେପି ସରକାରକୁ ଆସିଛି: ଯୋଗାଣ ମନ୍ତ୍ରୀ

 turkey