ସ୍ବାମୀଙ୍କ ବିରୋଧରେ ନିର୍ବାଚନ ଲଢୁଛନ୍ତି କେନ୍ଦ୍ରମନ୍ତ୍ରୀଙ୍କ ଝିଅ: ଶାଶୁଘର କଥା କହି ମଞ୍ଚରେ କାନ୍ଦିଲେ...

ମୁମ୍ବାଇ: ମହାରାଷ୍ଟ୍ରରେ ବିଧାନସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାର ଜାରି ରହିଛି। ପ୍ରଚାରରେ ଅନେକ ରୋଚକ ମାମଲା ଦେଖିବାକୁ ମିଳୁଛି। ରାଜନୈତିକ ବାକ୍‌ଯୁଦ୍ଧ ଏବଂ ଅଭିଯୋଗ ତଥା ପ୍ରତିବାଦ ମଧ୍ୟରେ କେତେକ ଆସନରେ ସ୍ଥାନରେ ଦାଦା ପୁତୁରାଙ୍କ ମଧ୍ୟରେ ନିର୍ବାଚନୀ ଲଢ଼େଇ ଚାଲିଛି। ତେବେ ଏକ ଆସନରେ ସ୍ୱାମୀ-ସ୍ତ୍ରୀ ମୁହାଁମୁହିଁ ହୋଇଛନ୍ତି। ମହାରାଷ୍ଟ୍ରରେ ଅନେକ ବିଧାନସଭା ଆସନ ଅଛି ଯେଉଁଠି ସମ୍ପର୍କୀୟଙ୍କ ମଧ୍ୟରେ ଲଢ଼େଇ ହେଉଛି। ଏଭଳି ଆସନ ଖବରରେ ରହିଛି। 

ବାରାମତି ଆସନରୁ ଶରଦ ପାୱାରଙ୍କ ଜାତୀୟତାବାଦୀ କଂଗ୍ରେସ ପାର୍ଟି ପ୍ରାର୍ଥୀ ଯୁଗେନ୍ଦ୍ର ପାୱାର ମଇଦାନରେ ଅଛନ୍ତି। ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାର ଯୁଗେନ୍ଦ୍ରଙ୍କ ସମ୍ମୁଖରେ ଠିଆ ହୋଇଛନ୍ତି। ଦୁହେଁ ସମ୍ପର୍କରେ ଦାଦା ଏବଂ ପୁତୁରା। ଅଜିତ ପାୱାର ବାରାମତି ବିଧାନସଭା ଆସନରୁ ସାତଥର ନିର୍ବାଚନରେ ​​ଜିତିଛନ୍ତି ଏବଂ ଥରେ ବାରାମତିରୁ ସାଂସଦ ମଧ୍ୟ ହୋଇଛନ୍ତି।

ଅଧିକ ପଢ଼ନ୍ତୁ: ‘ଦ ସାବରମତି ରିପୋର୍ଟ’କୁ ନେଇ ପୋଷ୍ଟ ସେୟାର କଲେ ଗୃହମନ୍ତ୍ରୀ