ଆମେ ଜାଣିଥିଲୁ ଭାରତ କିଛି କରିବ: ଅପରେସନ ସିନ୍ଦୂର ନେଇ ଟ୍ରମ୍ପ୍‌ଙ୍କ ପ୍ରତିକ୍ରିୟା

ୱାଶିଂଟନ: ପାକିସ୍ତାନରେ ଆତଙ୍କବାଦୀ ଆଡ୍ଡା ଉପରେ ଭାରତର ଏୟାର ଷ୍ଟ୍ରାଇକ୍ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଏକ ବିବୃତି ଦେଇଛନ୍ତି। ଟ୍ରମ୍ପ୍ କହିଛନ୍ତି, ଅତୀତର ଅଭିଜ୍ଞତା ଆଧାରରେ ଆମେ ଜାଣିଥିଲୁ ଯେ, ଭାରତ ନିଶ୍ଚିତ ଭାବରେ କିଛି କରିବ। ଟ୍ରମ୍ପ୍ କହିଛନ୍ତି, ମୁଁ ଓଭାଲ ଦ୍ୱାର ଦେଇ ପ୍ରବେଶ କରିବା ସମୟରେ ଏହି ଏୟାର ଷ୍ଟ୍ରାଇକ୍ ବିଷୟରେ ଶୁଣିଲି।

ଅତୀତର କିଛି ଘଟଣା ଉପରେ ଆଧାର କରି ଆମେ ଅନୁମାନ କରୁଥିଲୁ ଯେ, କିଛି ଘଟିବାକୁ ଯାଉଛି।  ଭାରତ ଏବଂ ପାକିସ୍ତାନ ଦୀର୍ଘ ଦିନ ଧରି ବିବାଦରେ ଅଛନ୍ତି। ମୁଁ ଆଶା କରୁଛି ଏହା ଶୀଘ୍ର ଶେଷ ହେବ।

ପାକିସ୍ତାନୀ ସେନା ନିଶ୍ଚିତ କରିଛି ଯେ, ଭାରତୀୟ କ୍ଷେପଣାସ୍ତ୍ର ଆକ୍ରମଣ ବାହାବଲପୁରର ମୁଜାଫରାବାଦ, କୋଟଲି ଏବଂ ଅହମଦ ପୂର୍ବ ଅଞ୍ଚଳକୁ ଟାର୍ଗେଟ କରିଛି। ଇଣ୍ଟର-ସର୍ଭିସେସ୍ ପବ୍ଲିକ ରିଲେସନର ମହାନିର୍ଦ୍ଦେଶକ(ଡିଜି ଆଇଏସପିଆର) ଲେଫ୍ଟନାଣ୍ଟ ଜେନେରାଲ ଅହମ୍ମଦ ସରିଫ ଚୌଧୁରୀ କ୍ରୋଧର ସହିତ କହିଛନ୍ତି, କିଛି ସମୟ ପୂର୍ବରୁ ଭାରତ ବାହାୱଲପୁରର ଅହମ୍ମଦ ଇଷ୍ଟ ଅଞ୍ଚଳର କୋଟଲି ଏବଂ ମୁଜାଫରାବାଦର ତିନୋଟି ସ୍ଥାନରେ ଏୟାର ଷ୍ଟ୍ରାଇକ୍ କରିଛି।

ଅଧିକ ପଢ଼ନ୍ତୁ: ପ୍ରଧାନମନ୍ତ୍ରୀଙ୍କ ପରାମର୍ଶରେ ‘ଅପରେସନ ସିନ୍ଦୂର’ନାମକରଣ କରାଯାଇଥିଲା

ଭାରତୀୟ ପ୍ରତିରକ୍ଷା ମନ୍ତ୍ରଣାଳୟ 'ଅପରେସନ୍ ସିନ୍ଦୂର' ସମ୍ପର୍କରେ ନିଶ୍ଚିତ କରିଛି। ଅପରେସନରେ ପାକିସ୍ତାନ ଏବଂ ପାକ୍ ଅଧିକୃତ କଶ୍ମୀରରେ ଥିବା ୯ଟି ଆତଙ୍କବାଦୀ ଶିବିରକୁ ଟାର୍ଗେଟ କରିବା ବିଷୟରେ ଉଲ୍ଲେଖ କରାଯାଇଛି। ମନ୍ତ୍ରଣାଳୟ ପକ୍ଷରୁ କୁହାଯାଇଛି, ଭାରତ ଦ୍ୱାରା ନିଆଯାଇଥିବା ପଦକ୍ଷେପ ଅତି ବୁଝି ବିଚାରି ଗ୍ରହଣ କରାଯାଇଛି। ଏଥିରେ କୌଣସି ପାକିସ୍ତାନୀ ସାମରିକ ଘାଟିକୁ ଟାର୍ଗେଟ କରାଯାଇ ନାହିଁ। ପହଲଗାମ ଆତଙ୍କବାଦୀ ଆକ୍ରମଣର ଜବାବରେ ଏହି ଆକ୍ରମଣ କରାଯାଇଛି। ଯେଉଁଥିରେ ୨୫ ଜଣ ଭାରତୀୟ ନାଗରିକ ଏବଂ ଜଣେ ନେପାଳୀ ନାଗରିକ ପ୍ରାଣ ହରାଇଥିଲେ।

ଅଧିକ ପଢ଼ନ୍ତୁ: ହାଫିଜ୍-ଅଜହର ମୃତ ନା ଜୀବିତ!: ଭାରତର ଏୟାର ଷ୍ଟ୍ରାଇକ୍‌ରେ ଜୈଶ-ଲସ୍କରର ବହୁ ଶୀର୍ଷ କମାଣ୍ଡର ନିହତ

OperationSindoor | donald-trump