'ଆମ ସହିତ ଲାଗିଲେ ଆମେ ଛାଡିବୁ ନାହିଁ': ଜେପି ନଡ୍ଡା

ନୂଆଦିଲ୍ଲୀ: କାରଗିଲ୍ ଦିବସ ଅବସରରେ ଭାରତୀୟ ଜନତା ପାର୍ଟି ମୁଖ୍ୟାଳୟରେ ଆୟୋଜିତ ଏକ କାର୍ଯ୍ୟକ୍ରମରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କହିଛନ୍ତି, ଆମେ କାରଗିଲ୍‌ରେ ସାମିଲ ସୈନିକମାନଙ୍କୁ ସଲାମ କରୁଛୁ ଏବଂ ସେମାନଙ୍କ ତ୍ୟାଗକୁ ମନେ ରଖିଛୁ। ଯେତେବେଳେ ପାକିସ୍ତାନୀ ସେନା ଭାରତର ଅନେକ ସେକ୍ଟର କବଜା କରିବାକୁ ଚେଷ୍ଟା କରୁଥିଲା, ସେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ନିର୍ଦ୍ଦେଶ ଦେଇଥିଲେ ଯେ, ଆମର ସେନା ଏହି ସ୍ଥାନଗୁଡ଼ିକୁ ଫେରାଇ ନେବେ ଏବଂ ସେଠାରେ ତ୍ରିରଙ୍ଗା ପତାକା ଉଡ଼ାଇବେ। 

ଜେପି ନଡ୍ଡା କକହିଛନ୍ତି ଯେ, ଏହା ଏକ ବହୁତ କଠିନ ଯୁଦ୍ଧ ଥିଲା। ପାକିସ୍ତାନୀ ସେନା ଉଚ୍ଚତାରେ ବସିଥିଲା ଏବଂ ଭାରତୀୟ ସେନା ତଳେ ଥିଲା। ପାକିସ୍ତାନୀ ସେନା ଏଥିରୁ ଫାଇଦା ପାଉଥିଲା। ଏହି ପରିବେଶରେ ଏହି ଅପରେସନ ଆରମ୍ଭ ହୋଇଥିଲା। ୮୧ ଦିନର ଯୁଦ୍ଧ ପରେ ଆମେ ବିଜୟ ପାଇଲୁ।

ଅଧିକ ପଢ଼ନ୍ତୁ: ମହଙ୍ଗା ହ୍ୱିସ୍କି ଶସ୍ତା ହେଲା: ୟୁକେ ବାଣିଜ୍ୟ ଚୁକ୍ତି ନେଇ ଅଖିଳେଶଙ୍କ କଟାକ୍ଷ,ଭିଡିଓ ଭାଇରାଲ

ଜେପି ନଡ୍ଡା କହିଛନ୍ତି ଯେ ଯେବେଠାରୁ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଛନ୍ତି, ସେବେଠାରୁ ଏହା ନିଷ୍ପତ୍ତି ନିଆଯାଇଛି ଯେ ଯଦି ସୀମା ଆରପଟୁ ଗୁଳି ଫୁଟିବ, ତେବେ ଏ ପାର୍ଶ୍ୱରୁ ଗୁଳି ଫୁଟିବ। ଗୁଳି ବନ୍ଦ ନହେବା ପର୍ଯ୍ୟନ୍ତ ଗୁଳି ଫୁଟିବ। ଏହା ଆମର ନ୍ୟୁ ନର୍ମାଲ ଭାରତ। ଆମେ ସମସ୍ତେ ଜାଣୁ ଯେ ଉରି ଘଟଣା ପରେ ପ୍ରଧାନମନ୍ତ୍ରୀ ଏକ ବିବୃତି ଦେଇଥିଲେ ଯେ, ପାକିସ୍ତାନ ଏକ ବଡ଼ ଭୁଲ କରିଛି। ଏହାର ମୂଲ୍ୟ ଦେବାକୁ ପଡିବ। ପୂର୍ବରୁ କୌଣସି ପ୍ରଧାନମନ୍ତ୍ରୀ ଏପରି ବିବୃତି ଦେଇ ନଥିଲେ।

ସେ କହିଛନ୍ତି, ୨୬/୧୧ ପରି, ଆମେ ଡୋଜିୟର ସହିତ ଯାଇ ନଥିଲୁ। ଚା’ ପିଇବା ପରେ ଡୋଜିୟର ହସ୍ତାନ୍ତର କରିବାର ସମୟ ସରିଗଲା। ଆମେ ସମସ୍ତେ ଜାଣୁ ଯେ, ଏହା ପରେ ଭାରତ ପ୍ରତିଶୋଧ ନେଇ ପାକିସ୍ତାନର ଲଞ୍ଚ ପ୍ୟାଡଗୁଡ଼ିକୁ ଧ୍ୱଂସ କରିଦେଲା। ପୁଲୱାମା ପରେ ମଧ୍ୟ ସେହିପରି ଘଟିଥିଲା। ପହଲଗାମ ପରେ ପ୍ରଧାନମନ୍ତ୍ରୀ କହିଥିଲେ ଯେ, ଏହି ଘଟଣା ପରେ, ପାକିସ୍ତାନକୁ ମୂଲ୍ୟ ଦେବାକୁ ପଡିବ ଏବଂ କଳ୍ପନା ବାହାରର କଡ଼ା ଜବାବ ମିଳିବ। ପ୍ରଧାନମନ୍ତ୍ରୀ କହିଥିଲେ, ଆମେ ସେମାନଙ୍କ ଘରେ ପ୍ରବେଶ କରି ସେମାନଙ୍କୁ ହତ୍ୟା କରିବୁ।

ପ୍ରଧାନମନ୍ତ୍ରୀ ମୋଦୀ ସ୍ପଷ୍ଟ କରିଥିଲେ,  ଆମ ସହିତ ଲାଗୁଥିବା  କାହାକୁ ମଧ୍ୟ ଆମେ ଛାଡିବୁ ନାହିଁ। ପ୍ରଧାନମନ୍ତ୍ରୀ କହିଥିଲେ, ପରମାଣୁ ବୋମାର ଧମକ ଦେବା ବନ୍ଦ କର। ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଅପରେସନ ସିନ୍ଦୂର ଏପର୍ଯ୍ୟନ୍ତ ଶେଷ ହୋଇନାହିଁ। ତେଣୁ, ନୀତି ନିର୍ଦ୍ଧାରକଙ୍କ ସଠିକ୍ ଚୟନ ସହିତ ଦେଶ କିପରି ପରିବର୍ତ୍ତନ ହୁଏ ତାହା ଲୋକଙ୍କୁ ମନେ ରଖିବା ଉଚିତ୍ ବୋଲି ନଡ୍ଡା କହିଛନ୍ତି। ସେ କହିଛନ୍ତି ଯେ, ୧୦ ବର୍ଷ ମଧ୍ୟରେ ସୀମାନ୍ତ ଅଞ୍ଚଳରେ ୮,୦୦୦କିଲୋମିଟର ରାସ୍ତା ନିର୍ମାଣ ସରିଛି। ୪୦୦ ରୁ ଅଧିକ ଡବଲ ଲେନ୍ ସେତୁ ନିର୍ମାଣ ସରିଛି।

ଅଧିକ ପଢ଼ନ୍ତୁ: ହୋମଗାର୍ଡ ପରୀକ୍ଷା ବେଳେ ଅଚେତ୍ ହେଲେ ମହିଳା, ଡାକ୍ତରଖାନା ନେବା ବାଟରେ ଦୁଷ୍କର୍ମ କଲେ ଦୁର୍ବୃତ୍ତ