ତହବୁରଙ୍କ ସହିତ ଆଗ୍ରାର ରାସ୍ତାରେ ବୁଲୁଥିବା ରହସ୍ୟମୟୀ କିଏ !

ନୂଆଦିଲ୍ଲୀ: ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ତହବୁର ରାଣାକୁ ଗୁପ୍ତ କଥା ପ୍ରକାଶ କରିବାକୁ ବାଧ୍ୟ କରାଯାଉଛି। ତାଙ୍କୁ ଏନଆଇଏ ମୁଖ୍ୟାଳୟରେ କଡ଼ାକଡ଼ି ପଚରାଉଚରା କରାଯାଉଛି। ଏବେ ଆତଙ୍କବାଦୀ ତହବୁର ରାଣା ବିଷୟରେ ନୂତନ ଖୁଲାସା ହେଉଛି। ତଦନ୍ତକାରୀ ଏଜେନ୍ସିଗୁଡ଼ିକ ଭାରତରେ ତହବୁର ରାଣାଙ୍କ ସହିତ ଦେଖାଯାଇଥିବା ରହସ୍ୟମୟୀଙ୍କ ଉପରେ ଛାଇ ପରି ନଜର ରଖିଛନ୍ତି।

ୟୁପିର ଆଗ୍ରା ଏବଂ ହାପୁରରେ ରାଣାଙ୍କ ସହ ଦେଖାଯାଇଥିବା ସେହି ରହସ୍ୟମୟୀ କିଏ ଥିଲେ? ଏନଆଇଏ ଏହାର ଉତ୍ତର ଖୋଜିବା ଆରମ୍ଭ କରିଛି। ଏନଆଇଏ ତହବୁରଙ୍କଠାରୁ ସତ୍ୟ ଜାଣିବାକୁ ଚାହୁଁଛି। ଆତଙ୍କବାଦୀ ତହବୁର ରାଣାଙ୍କୁ ଉତ୍ତର ପ୍ରଦେଶର ହାପୁର, ଆଗ୍ରା ଏବଂ ଦିଲ୍ଲୀରେ ଥିବା ସ୍ଥାନ ବିଷୟରେ ପଚରାଉଚରା କରାଯାଉଛି।

ପ୍ରଶ୍ନ ହେଉଛି ସେହି ରହସ୍ୟମୟୀ କିଏ ଥିଲେ? ଯେତେବେଳେ ତହବୁର ରାଣା ଦିଲ୍ଲୀ, ହାପୁର ଏବଂ ଆଗ୍ରା ଯାଇଥିଲେ, ସେ ସନ୍ଦିଗ୍ଧ ମହିଳାଙ୍କୁ ତାଙ୍କର ବେଗମ୍ ବା ସ୍ତ୍ରୀ ବୋଲି ଉଲ୍ଲେଖ କରିଥିଲେ। ସେହି ମହିଳା ଜଣକ ପ୍ରକୃତରେ ତାଙ୍କ ସ୍ତ୍ରୀ ଥିଲେ ନା ଜଣେ ସନ୍ଦିଗ୍ଧ ମହିଳା ଆତଙ୍କବାଦୀ ଥିଲେ? ବୁର୍ଖା ପିନ୍ଧିଥିବା ସେହି ମହିଳା ଏବେ କେଉଁଠି? ତଦନ୍ତକାରୀ ସଂସ୍ଥା ପାଇଁ ଏହା ଜାଣିବା ବହୁତ ଗୁରୁତ୍ୱପୂର୍ଣ୍ଣ।

ତହବୁର ରାଣା ସେହି ରହସ୍ୟମୟୀଙ୍କ ସହିତ ଆସିଥିଲେ ଏବଂ ସମ୍ପୃକ୍ତ ଅଞ୍ଚଳରେ ରହିଥିଲେ। ମୁମ୍ବାଇ ଆକ୍ରମଣ ପୂର୍ବରୁ ସେ ଅନେକ ସ୍ଥାନର ରେକି କରିଥିଲେ। ଏହା ଅନୁମାନ କରାଯାଉଛି ଯେ, ତଦନ୍ତକାରୀ ସଂସ୍ଥା ଏନଆଇଏର ଦଳ ଆଗାମୀ ଦିନରେ ଅନେକ ସ୍ଥାନ ଚିହ୍ନଟ କରିବା ପାଇଁ ତହବୁର ରାଣାଙ୍କୁ ନେଇପାରେ। ଏନଆଇଏର ଦଲିଲ ଏବଂ ସୂତ୍ରଗୁଡ଼ିକ ନିଶ୍ଚିତ କରିଛନ୍ତି ଯେ, ତହବୁର ରାଣା ମୁମ୍ବାଇ ଆକ୍ରମଣ ପୂର୍ବରୁ ୧୩ ନଭେମ୍ବର ୨୦୦୮ ରୁ ୨୧ ନଭେମ୍ବର ୨୦୦୮ ମଧ୍ୟରେ ଭାରତ ଗସ୍ତ କରିଥିଲେ।

ହାଇଲାଇଟ୍ସ :

ଏନଆଇଏ ତହବୁର ରାଣାଙ୍କ ସହଥିବା ରହସ୍ୟମୟୀଙ୍କର ପରିଚୟ ଖୋଜିବାକୁ ଚେଷ୍ଟା କରୁଛି।
ତହବୁର ରାଣାଙ୍କର ସେନା ପୋଷାକ ପ୍ରତି ବିଶେଷ ପସନ୍ଦ ଅଛି।
ତହବୁର ରାଣା ୨୦୦୮ ମସିହାରେ ଭାରତ ଗସ୍ତ କରିଥିଲେ।

ଆତଙ୍କବାଦୀ ତହବୁର ରାଣାଙ୍କୁ ତଦନ୍ତ ସଂସ୍ଥା ପଚରାଉଚରା କରିବା ସମୟରେ ସେ ତାଙ୍କ ବ୍ୟକ୍ତିଗତ ଜୀବନ ଏବଂ ପରିବାର ସଦସ୍ୟଙ୍କ ବିଷୟରେ କିଛି ସୂଚନା ପ୍ରଦାନ କରିଛନ୍ତି। ସୂତ୍ର ଅନୁଯାୟୀ, ଆତଙ୍କବାଦୀ କାର୍ଯ୍ୟକଳାପ ସମ୍ବନ୍ଧୀୟ ପ୍ରଶ୍ନ ପଚାରିବା ପୂର୍ବରୁ, ତହବୁର ରାଣାଙ୍କଠାରୁ ବ୍ୟକ୍ତିଗତ ସୂଚନା ନିଆଯାଇଥିଲା। ଜଣାପଡିଥିଲା ଯେ, ତହବୁର ରାଣାଙ୍କ ଏକ ବିଶେଷ ଜିନିଷ ପ୍ରତି ପସନ୍ଦ ରହିଛି। ତାହା ହେଉଛି ସେନା ପୋଷାକ।  

ପଚରାଉଚରା ସମୟରେ କହିଛନ୍ତି ଯେ, ତାଙ୍କର ସେନା ପୋଷାକ ପ୍ରତି ବିଶେଷ ପସନ୍ଦ ରହିଛି। ସେ ଏନଆଇଏକୁ କହିଛନ୍ତି ଯେ, ତାଙ୍କର  ଭାଇ ଜଣେ ସାମ୍ବାଦିକ। ଆତଙ୍କବାଦୀ କାର୍ଯ୍ୟକଳାପ ସହ ଜଡିତ ବୈଠକରେ ଯୋଗଦେବା ସମୟରେ ସେ ପ୍ରାୟତଃ ସେନା ପୋଷାକ ପିନ୍ଧୁଥିଲେ। ଆତଙ୍କବାଦୀ ରାଣା ପାକିସ୍ତାନୀ ସେନାର ୟୁନିଫର୍ମକୁ ପସନ୍ଦ କରୁଥିଲେ।  ସେନା ଛାଡିବା ପରେ ମଧ୍ୟ ସେ ପ୍ରାୟତଃ ୟୁନିଫର୍ମ କିମ୍ବା ସାମରିକ ପୋଷାକ ପିନ୍ଧି ସାଜିଦ ମୀର ଏବଂ ମେଜର ଇକବାଲ ଭଳି ଲୋକଙ୍କୁ ଭେଟିବାକୁ ଯାଉଥିଲେ।

ଅଧିକ ପଢ଼ନ୍ତୁ: ପ୍ରତ୍ୟାର୍ପଣ ପାଇଁ ମୋଦୀ କାହିଁକି ଶ୍ରେୟ ନେଉଛନ୍ତି, ୟୁପିଏ ସରକାର ଏହା କରିଥିଲେ: କଂଗ୍ରେସ

ପ୍ରକୃତରେ, ତହବୁର ହୁସେନ ରାଣା ପାକିସ୍ତାନର ପଞ୍ଜାବ ପ୍ରଦେଶର ଚିଚବୁଟନି ଗାଁର ବାସିନ୍ଦା। ତାଙ୍କ ବାପା ଏକ ସ୍କୁଲର ପ୍ରଧାନଶିକ୍ଷକ ଥିଲେ। ତାଙ୍କ ଦୁଇ ଭାଇଙ୍କ ମଧ୍ୟରୁ ଜଣେ ସେନାରେ ଜଣେ ମାନସିକ ରୋଗ ବିଶେଷଜ୍ଞ ଏବଂ ଅନ୍ୟ ଜଣେ ସାମ୍ବାଦିକ। ଆତଙ୍କବାଦୀ ରାଣା କ୍ୟାଡେଟ୍ କଲେଜ ହସନ ଅବଦାଲରୁ ପାଠପଢ଼ିଥିଲା। ସେଠାରେ ସେ ଆତଙ୍କବାଦୀ ଡେଭିଡ୍ ହେଡଲିକୁ ଭେଟିଥିଲେ। ୧୯୯୭ ମସିହାରେ, ସେ ତାଙ୍କ ଡାକ୍ତର ପତ୍ନୀଙ୍କ ସହିତ କାନାଡାକୁ ଚାଲିଯାଇଥିଲେ। ସେଠାରେ ଇମିଗ୍ରେସନ ସେବା ଏବଂ ହଲାଲ ମାଂସ ବ୍ୟବସାୟ ଆରମ୍ଭ କରିଥିଲେ।

ପଚରାଉଚରା ସମୟରେ ଜଣାପଡିଥିଲା ​​ଯେ, ସେ ଲସ୍କର-ଏ-‌ତୋଏବା ଏବଂ ହରକତ-ଉଲ-ଜିହାଦ-ଇସଲାମିର ଶିବିରଗୁଡ଼ିକୁ ମଧ୍ୟ ପରିଦର୍ଶନ କରିଥିଲେ, ତାହା ମଧ୍ୟ ପାକିସ୍ତାନ ସେନା ଏବଂ ଆଇଏସଆଇର ଲୋକଙ୍କ ସହିତ। ଏହି ପରିଦର୍ଶନ ସମୟରେ ସେ ସେ ୟୁନିଫର୍ମ ପିନ୍ଧିଥିଲେ। ରାଣାଙ୍କର ଭାରତ ବିରୋଧୀ ମାନସିକତା ଏବଂ ଆତଙ୍କବାଦୀ ସଂଗଠନ ସହିତ ତାଙ୍କର ନିକଟତର ହେବା ତାଙ୍କୁ ଜଣେ ବିପଦଜନକ ଷଡ଼ଯନ୍ତ୍ରକାରୀ ଭାବରେ ଉପସ୍ଥାପନ କରିଥିଲା।

ଅଧିକ ପଢ଼ନ୍ତୁ: କାଳବୈଶାଖୀ: ଭୁଶୁଡ଼ିଲା ଡାକ୍ତରଖାନା ଛାତ, ଅଳ୍ପକେ ବର୍ତ୍ତିଲେ କାର୍ଯ୍ୟରତ ଡାକ୍ତର

tahawwur-rana | tahawwur-hussain-rana | Tahawwur Rana extradition | NIA