ଖାଲେଦା ଜିଆଙ୍କୁ ନେଇ ଭୟଭୀତ ୟୁନୁସ୍ ସରକାର

ଢାକା: ୟୁନୁସ୍ ୨୦୨୬ ଜୁନ୍ ସୁଦ୍ଧା ନିର୍ବାଚନ କରିବେ ବୋଲି ଘୋଷଣା କରିଥିଲେ ମଧ୍ୟ ବାଂଲାଦେଶରେ ୟୁନୁସ୍ ସରକାରଙ୍କ ବିରୁଦ୍ଧରେ ପ୍ରତିବାଦ ବୃଦ୍ଧି ପାଉଛି। ତେବେ ‌ଏବେ କେହି ୟୁନୁସ୍‌ଙ୍କ ଉଦ୍ଦେଶ୍ୟକୁ ବିଶ୍ୱାସ କରିବାକୁ ପ୍ରସ୍ତୁତ ନୁହଁନ୍ତି।

ୟୁନୁସ୍‌ଙ୍କ ପାଇଁ ସବୁଠାରୁ ବଡ଼ ବିପଦ ଦୁଇ ମହିଳାଙ୍କ ରାଜନୈତିକ ଦଳ ପକ୍ଷରୁ ସୃଷ୍ଟି ହୋଇଛି। ଜଣେ ହେଉଛନ୍ତି ଶେଖ ହାସିନାଙ୍କ ଆୱାମୀ ଲିଗ୍ ଏବଂ ଅନ୍ୟଟି ହେଉଛି ଖାଲିଦା ଜିଆଙ୍କ ବାଂଲାଦେଶ ନ୍ୟାସନାଲ ପାର୍ଟି (ବିଏନପି)।

ୟୁନୁସ୍ ପୂର୍ବରୁ ଆୱାମୀ ଲିଗକୁ ନିଷିଦ୍ଧ କରି  ଦେଇଥିଲେ। କିନ୍ତୁ ବିଏନପି ଏବେ ତାଙ୍କ ପାଇଁ ମୁଣ୍ଡବିନ୍ଧାର କାରଣ ହୋଇ ରହିଛି। ବିଏନପି ନେତାମାନେ ନିରନ୍ତର ୟୁନୁସ୍‌ଙ୍କୁ ପ୍ରଶ୍ନ କରୁଛନ୍ତି ଏବଂ ତାଙ୍କୁ ତାଙ୍କର ଦାୟିତ୍ୱ ପାଳନ କରିବାକୁ ଅନୁରୋଧ କରୁଛନ୍ତି। ଏହି ସମସ୍ତ ଚିନ୍ତାର ସମାଧାନ ପାଇଁ, ୟୁନୁସ୍ ଜୁନ୍ ୨ ତାରିଖରେ ସରକାରୀ ଅତିଥି ଭବନ ଜମୁନାରେ ଆଲୋଚନା ପାଇଁ ବିଏନପି ନେତାମାନଙ୍କୁ ଡକାଇଛନ୍ତି।

ଶନିବାର ଅପରାହ୍ନରେ ଢାକାରେ କୃଷକ ଦଳର ଏକ ଆଲୋଚନା ବୈଠକରେ ବିଏନପି ସ୍ଥାୟୀ କମିଟି ସଦସ୍ୟ ସଲାହୁଦ୍ଦିନ ଅହମ୍ମଦ ଏହା କହିଛନ୍ତି ଯେ, ଯେଉଁମାନେ ନିର୍ବାଚନ ଚାହାନ୍ତି ନାହିଁ ସେମାନେ ବିଏନପି ନେତାମାନଙ୍କୁ ଦେଶଦ୍ରୋହୀ ଏବଂ ଅନ୍ୟ ଦେଶର ଏଜେଣ୍ଟ ବୋଲି କହୁଛନ୍ତି।  ଏକ ଗୋଷ୍ଠୀ ଫାସିବାଦ ମାଧ୍ୟମରେ ଦେଶ ଭିତରେ ବିଭାଜନ ସୃଷ୍ଟି କରୁଛି।

ସଲାହୁଦ୍ଦିନ ଅହମ୍ମଦ କହିଛନ୍ତି ଯେ, ଜୁନ୍ ୨ ତାରିଖରେ ଆଲୋଚନା ପାଇଁ ମୁଖ୍ୟ ପରାମର୍ଶଦାତା ବିଏନପିକୁ ନିମନ୍ତ୍ରଣ କରିଛନ୍ତି। ସେ କହିଛନ୍ତି, ଆଲୋଚନା ପାଇଁ ଔପଚାରିକତାର ଅଭାବ ନାହିଁ। କିନ୍ତୁ ସେମାନଙ୍କର କିଛି କରିବାର ନାହିଁ।

ସଲାହୁଦ୍ଦିନ ଅହମ୍ମଦ କହିଛନ୍ତି, ଡିସେମ୍ବର ପୂର୍ବରୁ ନିର୍ବାଚନ ହେବା ଉଚିତ୍। ଏହା ଲୋକଙ୍କ ଦାବି। ଡିସେମ୍ବର ପରେ ନିର୍ବାଚନ କରିବାର କୌଣସି କାରଣ ନାହିଁ। ଡିସେମ୍ବର ପରେ ନିର୍ବାଚନ କରାଇବାର ଯଦି କୌଣସି କାରଣ ଅଛି, ତେବେ ସରକାର ଡିସେମ୍ବର ପରେ ନିର୍ବାଚନ କରିବାର ସେହି କାରଣ ପ୍ରକାଶ କରନ୍ତୁ ବୋଲି ସଲାହୁଦ୍ଦିନ ଦାବି କରିଛନ୍ତି।

ଅଧିକ ପଢ଼ନ୍ତୁ: ଖୁସି ଖବର!: ପୁଣି କମିଲା ଏଲପିଜି ସିଲିଣ୍ଡରର ଦର, ଜୁନ୍ ୧ ରୁ ଲାଗୁ

ଅନ୍ୟପକ୍ଷରେ, ବିଏନପି ସ୍ଥାୟୀ କମିଟି ସଦସ୍ୟ ଆମିର ଖସରୁ ମହମୁଦ ଚୌଧୁରୀ କହିଛନ୍ତି ଯେ, ଅଗଷ୍ଟ ୫ ପରେ ରାଜନୀତିରେ ପ୍ରବେଶ କରିଥିବା ଲୋକମାନେ ନିର୍ବାଚନ ଚାହାନ୍ତି ନାହିଁ। ନିର୍ବାଚନକୁ ସ୍ଥଗିତ ରଖି ୟୁନୁସ୍ କେତେଦିନ କ୍ଷମତାରେ ରହିପାରିବେ ସେ ନେଇ ରାଜନୈତିକ ମହଲରେ ବିରୋଧ ଆରମ୍ଭ ହୋଇଛି। ନିର୍ବାଚନକୁ ସ୍ଥଗିତ ରଖିବାର ପ୍ରୟାସ ଯୋଗୁ ସରକାରଙ୍କ ପ୍ରତି ଜନସାଧାରଣଙ୍କ ଅବିଶ୍ୱାସ ବୃଦ୍ଧି ପାଉଛି।

ଅଧିକ ପଢ଼ନ୍ତୁ: ଲ୍ୟାଣ୍ଡ ମାଇନ୍ସ ବିସ୍ଫୋରଣରେ ଚାଲିଗଲା ଯୁବକଙ୍କ ଜୀବନ

Bangladesh | khaleda-zia | muhammad-yunus | Sheikh Hasina