ଭୁବନେଶ୍ୱର ଉପକଣ୍ଠରୁ ବଜ୍ରକାପ୍ତା ଉଦ୍ଧାର

ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ଜରିପାଟଣାରୁ ୩୫ କିଲୋଗ୍ରାମ ଓଜନର ଏକ ବିଶାଳକାୟ ବଜ୍ରକାପ୍ତା ଉଦ୍ଧାର ହୋଇଛି। ଖବର ଅନୁଯାୟୀ, ଲୋକମାନେ ସକାଳ ଚାଲିବା ସମୟରେ ପାଙ୍ଗୋଲିନକୁ ଦେଖିଥିଲେ। ସ୍ଥାନୀୟ ଲୋକେ  ବନ ବିଭାଗକୁ ଫୋନ କରିଥିଲେ। ମଞ୍ଚେଶ୍ୱର ବନ ବିଭାଗର କର୍ମଚାରୀମାନେ ଏହାକୁ ଉଦ୍ଧାର କରିଥିଲେ। ତାକୁ ବନ କାର୍ଯ୍ୟାଳୟରେ ପର୍ଯ୍ୟବେକ୍ଷଣରେ ରଖାଯାଇଛି।

ବାଲିପାଟଣା ଅଞ୍ଚଳର ଜରିପାଟଣା ନିକଟ କେନାଲ କୂଳରେ ବଜ୍ରକାପ୍ତାଟି ବୁଲୁଥିବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ସ୍ଥାନୀୟ ଅଞ୍ଚଳରେ ଖବର ପ୍ରଚାର ହେବା ପରେ ବଜ୍ରକାପ୍ତାକୁ ଦେଖିବାକୁ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିଲା।

ଅଧିକ ପଢ଼ନ୍ତୁ: ତାତି ବଢ଼ିଲା: ରାଜ୍ୟର ୧୦ ସହରରେ ୩୫ ଡିଗ୍ରି ସେଲସିୟସ୍‌ ଟପିଲା

ଏହାକୁ ଜଙ୍ଗଲରେ ଛଡ଼ାଯିବ କି ନନ୍ଦନକାନନକୁ ପଠାଯିବ ତାହା ପିସିସିଏଫ୍ ବନ୍ୟପ୍ରାଣୀଙ୍କ ନିର୍ଦ୍ଦେଶ ପରେ ନିଷ୍ପତ୍ତି ନିଆଯିବ ବୋଲି ସିଟି ଡିଏଫଓ ଅଜିତ କୁମାର ସତପଥୀ କହିଛନ୍ତି।

ଅଧିକ ପଢ଼ନ୍ତୁ: ଫେବ୍ରୁଆରି ୧୦ରୁ ଓଡ଼ିଶାରେ ମାସେବ୍ୟାପୀ କୃମିନାଶ ଅଭିଯାନ