ନନ୍ଦନକାନନ ପ୍ରାଣୀ ଉଦ୍ୟାନରେ ବାଘ ଶାବକର ମୃତ୍ୟୁ

ଭୁବନେଶ୍ୱର: ବୁଧବାର ଦିନ ଓଡ଼ିଶାର ରାଜଧାନୀ ଭୁବନେଶ୍ୱରର ନନ୍ଦନକାନନର ପ୍ରାଣୀ ଉଦ୍ୟାନରେ ଏକ ବାଘ ଛୁଆର ମୃତ୍ୟୁ ଘଟିଛି। ଶାବକଟି ଅସୁସ୍ଥ ଥିବାରୁ ୧୨ ଜାନୁଆରି ୨୦୨୫ରୁ ସେ ଚିକିତ୍ସିତ ହେଉଥିଲା। କିନ୍ତୁ ପରେ ମୃତ୍ୟୂ ଘଟିଥିଲା।

ଖବର ଅନୁଯାୟୀ, ୨ ନଭେମ୍ବର ୨୦୨୪ରେ ନନ୍ଦନକାନନରେ ବାଘୁଣୀ ରୁପା ଚାରିଟି ଛୁଆ ଜନ୍ମ ଦେଇଥିଲା। ବାଘ ଶାବକର ମୃତ୍ୟୁ ପରେ ଅନ୍ୟ ଶାବକମାନଙ୍କ ଉପରେ ସିସିଟିଭି କ୍ୟାମେରା ଦ୍ବାରା କଡ଼ା ନଜର ରଖାଯାଇଛି। 

ମୃତ୍ୟୁର କାରଣ ଏପର୍ଯ୍ୟନ୍ତ ଜଣା ପଡିନାହିଁ। ଏହାର କାରଣ ଜାଣିବା ପାଇଁ ମୃତ ଶାବକର ପୋଷ୍ଟମର୍ଟମ କରାଯିବ। 

ସୂଚନାଯୋଗ୍ୟ, ସମ୍ପ୍ରତି ନନ୍ଦନକାନନର ପ୍ରାଣୀ ଉଦ୍ୟାନରେ ବୟସ୍କ ଏବଂ ଶାବକଙ୍କୁ ମିଶାଇ ମୋଟ ୨୭ଟି ବାଘ ଅଛନ୍ତି। ସେଥିମଧ୍ରୁ ୧୪ଟି ଅଣ୍ଡିରା ବାଘ, ୧୦ଟି ମାଈ ବାଘ ଏବଂ ୩ଟି ବାଘ ଶାବକ ଅଛନ୍ତି।

ଅଧି୍କ ପଢ଼ନ୍ତୁ: ସନ୍ନ୍ୟାସୀ ହେଲେ ବିବାହ କରିପାରିବିନି, ମୋତେ ସାଧ୍ବୀ କୁହନ୍ତୁ ନାହିଁ: ହର୍ଷା

୧୨ ଜାନୁୟାରୀ ୨୦୨୫ରେ, ବାଘ ଶାବକ  ଧଳା ବାଘୁଣୀ ଅସୁସ୍ଥ ଥିବା ଦେଖାଯାଇଥିଲା। ଶାବକଟି ବସି ରହୁଥିଲା ଏବଂ ଖାଇବାକୁ ଆସୁ ନଥିଲା।  ଶାବକକୁ ମା’ ଠାରୁ ଅଲଗା କରାଯାଇ ପରୀକ୍ଷଣ କରାଯାଇଥିଲା। ଶାବକର ଶରୀରର ତାପମାତ୍ରା ବୃଦ୍ଧି ପାଇଥିବା ଦେଖିବାକୁ ମିଳିଥିଲା ​​ଏବଂ ତୁରନ୍ତ ଚିକିତ୍ସା ପାଇଁ ପ୍ରାଣୀ ଉଦ୍ୟାନର ପ୍ରାଣୀ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା।  ଶାବକର ରକ୍ତ ଏବଂ ମଳ ନମୁନା ବିଶ୍ଳେଷଣ ସହିତ ବିସ୍ତୃତ ନିଦାନ ପରୀକ୍ଷା କରାଯାଇଥିଲା। 

ସେଣ୍ଟର୍ ଫର ୱାଇଲ୍ଡ ଲାଇଫ୍ ହେଲଥ୍ (ସିଡବ୍ଲ୍ୟୁଏଚ୍)ର ବିଶେଷଜ୍ଞଙ୍କ ପରାମର୍ଶ ଅନୁଯାୟୀ, ଶାବକକୁ ଆଇଭି ଫ୍ଲୁଇଡ୍, ପ୍ଲାଜ୍‌ମା ଏକ୍ସପାଣ୍ଡରର୍ସ, ଆଣ୍ଟିବାୟୋଟିକ୍, ଆଣ୍ଟାସିଡ୍ ଏବଂ ଆଣ୍ଟିକୋନଭୁଲସାଣ୍ଟ ସମେତ ଆବଶ୍ୟକ ଯତ୍ନ ନିଆଯାଇଥିଲା। 

ଏହି ପ୍ରୟାସ ଏବଂ ଉଭୟ ପ୍ରାଣୀ ଉଦ୍ୟାନର ପ୍ରାଣୀ ଚିକିତ୍ସା ଦଳ ଏବଂ ସିଡବ୍ଲ୍ୟୁଏଚ୍ ବିଶେଷଜ୍ଞଙ୍କ ଚିକିତ୍ସା ସତ୍ତ୍ବେ ଶାବକ ଖାଦ୍ୟ ଖାଇ ନଥିଲା। ସ୍ବାସ୍ଥ୍ୟାବସ୍ଥା ବିଗିଡ଼ିବାକୁ ଲାଗିଥିଲା। ପରେ ୧୫ ଜାନୁୟାରୀ ୨୦୨୫ ସକାଳେ ଶାବକର ମୃତ୍ୟୁ ଘଟିଥିଲା।

ଅଧି୍କ ପଢ଼ନ୍ତୁ: ବନ୍ଧୁକ ମୁନରେ ଲୁଟିନେଲେ ୧୫ ଲକ୍ଷ