୩୦ ବର୍ଷରେ ୨୦ ଥର କାହିଁକି ବିବାହ କଲେ ଯୁବତୀ? ଭିଡ଼ିଓ ଭାଇରାଲ

ପାଟନା: ବିବାହ ସମସ୍ତଙ୍କ ଜୀବନରେ ଏକ ବିଶେଷ ମୁହୂର୍ତ୍ତ। ଗୋଟିଏ ପଟେ ଝିଅମାନେ ନିଜ ପରିବାର ଛାଡି ନୂତନ ପରିବାରରେ ଯୋଗ ଦେଉଥିବାବେଳେ ଅନ୍ୟ ପଟେ ପୁଅମାନଙ୍କ ଜୀବନରେ ଏକ ବଡ ପରିବର୍ତ୍ତନ ଦେଖିବାକୁ ମିଳିଥାଏ।

କିନ୍ତୁ କେତେକ ଲୋକ ବିବାହର ମହତ୍ତ୍ୱ ବୁଝନ୍ତି ନାହିଁ ଏବଂ କେତେକ ଏକରୁ ଅଧିକ ବିବାହ କରିଥାନ୍ତି। ଏବେ ବିହାରର ଜଣେ ଯୁବତୀଙ୍କର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ସେ କହୁଛନ୍ତି ୩୦ ବର୍ଷରେ ୨୦ ଥର ବିବାହ କରିଛନ୍ତି।

ଭିଡ଼ିଓରେ ଯୁବତୀ ଜଣଙ୍କ କନ୍ୟା ବେଶରେ ଶଯ୍ୟାରେ ବସିଛନ୍ତି। ଏହି ସମୟରେ, ଜଣେ ବ୍ୟକ୍ତି ତାଙ୍କୁ ପ୍ରଶ୍ନ ପଚାରୁଛନ୍ତି, ଆପଣ ବର୍ତ୍ତମାନ ପର୍ଯ୍ୟନ୍ତ କେତେ ଥର ବିବାହ କରିଛନ୍ତି? ଯୁବତୀ ଉତ୍ତର ଦେଉଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ସେ ୨୦ ଥର ବିବାହ କରିଛନ୍ତି।

ଏହି ଆଶ୍ଚର୍ଯ୍ୟଜନକ ଭିଡ଼ିଓରେ ସେ କହୁଛନ୍ତି ଯେ ତାଙ୍କୁ ତିରିଶ ବର୍ଷ ବୟସ ହୋଇଛି ଏବଂ ସେ ୨୦ ଥର ବିବାହ କରିଛନ୍ତି। ସେ ବିବାହ କରିଥିବା ତାଙ୍କ ସ୍ୱାମୀଙ୍କ  ମଧ୍ୟରୁ ପାଞ୍ଚ କିମ୍ବା ଛଅ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟମାନେ ତାଙ୍କୁ ଛାଡି ଚାଲିଯାଇଛନ୍ତି।

ଏହି ଭାଇରାଲ ଭିଡ଼ିଓକୁ ଇତିମଧ୍ୟରେ ଲକ୍ଷଲକ୍ଷ ସୋସିଆଲ ମିଡ଼ିଆରେ ୟୁଜର ଦେଖି ସାରିଛନ୍ତି।  ଭାଇରାଲ ହେଉଥିବା ଭିଡ଼ିଓ ଉପରେ ୟୁଜରମାନେ ମିଶ୍ରିତ ପ୍ରତିକ୍ରିୟା ଦେଇଛନ୍ତି। କେହି କେହି ଏହି ଭିଡିଓକୁ ସ୍କ୍ରିପ୍ଟିଡ୍ ବୋଲି କହୁଥିବା ବେଳେ ଉପଭୋଗ କରୁଛନ୍ତି । ଜଣେ ସୋସିଆଲ ମିଡିଆ  ୟୁଜର ଲେଖିଛନ୍ତି ଯେ ଏହି ଯୁବତୀ ଜଣକ ପ୍ରକୃତରେ ୨୦ ଥର ବିବାହ କରିଛନ୍ତି କି?

ଅଧିକ ପଢ଼ନ୍ତୁ:ସୁନୀତା ୱିଲିୟମ୍ସଙ୍କ ବିନା ପୃଥିବୀକୁ ଫେରିଲା ବୋଇଙ୍ଗ ଷ୍ଟାରଲାଇନର୍

ଜଣେ ଲେଖିଛନ୍ତି ଯେ ଯଦି ସ୍ୱାମୀ ଦୁଇ କିମ୍ବା ଚାରି ଥର ବିବାହ ପରେ ଅଟକି ଯାଆନ୍ତି  ତେବେ ଅନ୍ତତଃ ପକ୍ଷେ ଏହାକୁ ଗ୍ରହଣ କରି ଭଉଣୀ ଆଉ ବିବାହ ନ କରି ରହି ଯାଅନ୍ତୁ। ଏପରି କରି ଆପଣ କଣ ସାବ୍ୟସ୍ତ କରିବାକୁ ଚାହୁଁଛନ୍ତି?

ଅଧିକ ପଢ଼ନ୍ତୁ:ସୋମନାଥ ଏକ୍ସପ୍ରେସ ଲାଇନଚ୍ୟୁତ: ବିକଳରେ ଚିତ୍କାର କଲେ ଯାତ୍ରୀ