ସିଡନୀ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ୫ମ୍ୟାଚ୍ ବିଶିଷ୍ଟ ବର୍ଡର-ଗାଭାସ୍କର ଟେଷ୍ଟ ସିରିଜ୍ ହେବାକୁ ଯାଉଛି, ଯେଉଁଥି ପାଇଁ ନଭେମ୍ବର ମଧ୍ୟଭାଗରେ ଭାରତୀୟ ଦଳ ଅଷ୍ଟ୍ରେଲିଆ ଅଭିମୁଖେ ଯାତ୍ରା କରି‌ବେ।  ତେବେ ଏହା ପୂର୍ବରୁ ଅଷ୍ଟ୍ରେଲୀୟ କ୍ରିକେଟ୍ ବୋର୍ଡ ଚାଲାକି କରି ଏକ ବଡ଼ ଘୋଷଣା କରିଛି। ବୋର୍ଡ ଏହାର ମୁଖ୍ୟ ପ୍ରଶିକ୍ଷକ ଆଣ୍ଡ୍ରିୟୁ ମ୍ୟାକଡୋନାଲ୍ଡଙ୍କ ଚୁକ୍ତିନାମାକୁ ଏକ ବର୍ଷ ବୃଦ୍ଧି କରିଛି।

Advertisment

କ୍ରିକେଟ୍ ଅଷ୍ଟ୍ରେଲିଆ ତାଙ୍କୁ  ୨୦୨୨ରୁ  ୨୦୨୬ ପର୍ଯ୍ୟନ୍ତ ମୁଖ୍ୟ ପ୍ରଶିକ୍ଷକ କରିଥିଲା। କିନ୍ତୁ ବର୍ତ୍ତମାନ ବର୍ଡର-ଗାଭାସ୍କର ଟ୍ରଫି ପୂର୍ବରୁ ବୋର୍ଡ ଏକ ବଡ଼ ନିଷ୍ପତ୍ତି ନେଇଛି। ଆଣ୍ଡ୍ରିୟୁ ମ୍ୟାକଡୋନାଲ୍ଡ ୨୦୨୭ ପର୍ଯ୍ୟନ୍ତ ଅଷ୍ଟ୍ରେଲିଆର ମୁଖ୍ୟ ପ୍ରଶିକ୍ଷକ ରହିବେ। ବୋର୍ଡ ତାଙ୍କ ଚୁକ୍ତିନାମାକୁ ଏକ ବର୍ଷ ପାଇଁ ବୃଦ୍ଧି କରିଛି। ସେ ଆଗାମୀ ଟି-୨୦ବିଶ୍ୱକପ  ୨୦୨୬ ଏବଂ ଏକଦୀବସୀୟ ବିଶ୍ୱକପ ୨୦୨୭ ପର୍ଯ୍ୟନ୍ତ ଅଷ୍ଟ୍ରେଲିଆର ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରିବେ।

ବର୍ତ୍ତମାନ ଅଷ୍ଟ୍ରେଲିଆର ନଜର  ବର୍ଡର-ଗାଭାସ୍କର ଟ୍ରଫିରେ ଅଛି। ଅଷ୍ଟ୍ରେଲିଆ ଏହି ସିରିଜ୍ ଆୟୋଜନ କରିବାକୁ ପ୍ରସ୍ତୁତ। ଏହାପୂର୍ବରୁ ଭାରତବର୍ଡର-ଗାଭାସ୍କର  ଟ୍ରଫି(ବିଜିଟି)  ଆୟୋଜନ କରିଥିଲା। ଏହି ସିରିଜ୍ ଜିତି ବିଶ୍ୱ ଟେଷ୍ଟ ଚାମ୍ପିଅନସିପ୍ ପାଇଁ ଉଭୟ ଦେଶ ନିଜର ଦାବିକୁ ଦୃଢ଼ କରିବାକୁ ଚାହୁଁଛନ୍ତି। ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲରେ ପହଞ୍ଚିବା ପାଇଁ ଏହି ସିରିଜ୍ ଜିତିବା ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର  ଟ୍ରଫି  ୨୨ ନଭେମ୍ବରରୁ ଆରମ୍ଭ ହେବାକୁ ଥିବାବେଳେ ଶେଷ ମ୍ୟାଚ୍ ୩ ଜାନୁୟାରୀରୁ ଖେଳାଯିବ। ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳ ମଧ୍ୟ ଦଳ ଘୋଷଣା କରାଯାଇଛି।

ଆଣ୍ଡ୍ରିୟୁ ମ୍ୟାକଡୋନାଲ୍ଡ ଅଷ୍ଟ୍ରେଲିଆ ପାଇଁ ମାତ୍ର ୪ ଟି ଟେଷ୍ଟ ମ୍ୟାଚ୍ ଖେଳିଛନ୍ତି। କିନ୍ତୁ ଘରୋଇ ଟୁର୍ନାମେଣ୍ଟରେ ସେ ଚମତ୍କାର ପ୍ରଦର୍ଶନ କରିଛନ୍ତି। ଆଣ୍ଡ୍ର୍ୟୁ ହାରାହାରି ୨୧.୪୦ ହାର‌ରେ  ୪ ଟି ଟେଷ୍ଟ ମ୍ୟାଚରେ ୧୦୭ ରନ୍ ସଂଗ୍ରହ କରିଥିଲେ। ତାଙ୍କ ନାମରେ  ଗୋଟିଏ ଅର୍ଦ୍ଧ ଶତକ ରେକର୍ଡ କରାଯାଇଛି।

ତେବେ ୯୫ ଟି ପ୍ରଥମ ଶ୍ରେଣୀ ମ୍ୟାଚରେ ସେ ହାରାହାରି ୩୯.୫୪ ହାରରେ ୪୮୨୫ ରନ୍ ସଂଗ୍ରହ କରିଥିଲେ। ତାଲିକା ‘ଏ’ ରେ ୧୦୦ ଟି ମ୍ୟାଚ୍ ଖେଳି ସେ ହାରାହାରି ୨୯.୯୬  ହାରରେ ୧୮୮୮ରନ୍ ସଂଗ୍ରହ କରିଛନ୍ତି ।  ୯୩ ଟି-୨୦ ମ୍ୟାଚ୍‌ରେ ସେ ହାରାହାରି ୩୧.୬୯ ହାରରେ ରନ୍  ସହ ୧୭୪୩ ରନ୍ ସଂଗ୍ରହ କରିଛନ୍ତି।

ଅଧିକ ପଢ଼ନ୍ତୁ:

ଭାରତ-ଚୀନ୍ ଏଲଏସି ଚୁକ୍ତି ନେଇ ଆମେରିକା ଦେଲା ବଡ଼ ମନ୍ତବ୍ୟ

ବର୍ଡର-ଗାଭାସ୍କର ସିରିଜ ଜିତିବ କିଏ? ମାଥ୍ୟୁ ହେଡେନଙ୍କ ବଡ଼ ଭବିଷ୍ୟବାଣୀ...