ବୁମ୍‌ରା ପୁଣି ଟେଷ୍ଟ୍‌ରେ ଶ୍ରେଷ୍ଠ, ବ୍ୟାଟିଂରେ ଜୟସ୍ବାଲ ଦ୍ବିତୀୟ ସ୍ଥାନରେ

କୋଲକାତା: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫି ସିରିଜରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ୍‌ରେ ଭାରତୀୟ ଦଳ ଅଷ୍ଟ୍ରେଲିଆକୁ ୨୯୫ ରନ୍‌ରେ ପରାସ୍ତ କରିଛି। ଏହି ବିଜୟର ହିରୋ ଥିଲେ ଜସପ୍ରୀତ ବୁମ୍‌ରା। ପର୍ଥରେ ଖେଳାଯାଇଥିବା ଟେଷ୍ଟରେ ଜସପ୍ରୀତ ବୁମ୍‌ରା ଅପ୍ଟସ ଷ୍ଟାଡିୟମରେ ଅଷ୍ଟ୍ରେଲିଆ ବିପକ୍ଷରେ ୮ ୱିକେଟ୍ ନେଇଥିଲେ। ବୁମ୍‌ରାଙ୍କ ଏହି ପ୍ରଦର୍ଶନ ପରେ ଆଇସିସି ତାଙ୍କୁ ଏକ ପୁରସ୍କାର ମଧ୍ୟ ଦେଇଛି ।

ଏହା ସହିତ ବୁମ୍‌ରା ପୁଣି ଥରେ ଟେଷ୍ଟରେ ଶ୍ରେଷ୍ଠ ହୋଇପାରିଛନ୍ତି । ଯଶସ୍ୱୀ ଜୟସ୍ବାଲ ମଧ୍ୟ ବ୍ୟାଟିଂରେ ବଡ଼ ଲମ୍ଫ ପ୍ରଦାନ କରିଛନ୍ତି।  ସେ ବ୍ୟାଟିଂରେ ଟେଷ୍ଯରେ ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି।

ଟେଷ୍ଟରେ ବୋଲର ମାନ୍ୟତାରେ ଜସପ୍ରୀତ ବୁମ୍‌ରା ପ୍ରଥମ ସ୍ଥାନରେ ପହଞ୍ଚିଛନ୍ତି। ସେ ଟେଷ୍ଟରେ ଏକ ନମ୍ବର  ବୋଲର ହୋଇଛନ୍ତି। ସେ ଦକ୍ଷିଣ ଆଫ୍ରିକାର ଦ୍ରୁତ ବୋଲର କାଗିସୋ ରାବାଡା ଏବଂ ଅଷ୍ଟ୍ରେଲୀୟ ଦ୍ରୁତ ବୋଲର ଜୋଶ ହାଜଲେଉଡଙ୍କଠାରୁ ଦୁଇଟି ସ୍ଥାନ ଉପରକୁ ଯାଇ ଟେଷ୍ଟ କ୍ରିକେଟର ଶୀର୍ଷ ମାନ୍ୟତା ବୋଲର ଭାବରେ ନିଜର ସ୍ଥାନ ହାସଲ କରିଛନ୍ତି।

ଅଧିକ ପଢ଼ନ୍ତୁ: ଗାଜାରେ ଲେଜର ଯୁଦ୍ଧ!: ସୁରକ୍ଷା ପାଇଁ ଇସ୍ରାଏଲ 'ଆଇରନ୍ ବିମ୍' ସିଷ୍ଟମ କିଣିବ

ଯଦି ନିକଟ ଅତୀତରେ ଭାରତ ପାଇଁ ଚମତ୍କାର ବ୍ୟାଟିଂ କରିଥିବା ଜୟସ୍ବାଲ ଏହିପରି ବ୍ୟାଟିଂ ଜାରି ରଖନ୍ତି, ତେବେ ଜୋ ରୁଟଙ୍କ ଏକ ନମ୍ବର  ସ୍ଥିତି ବିପଦରେ ପଡ଼ିପାରେ ବୋଲି ଚର୍ଚ୍ଚା ହେଉଛି। ଜୟସ୍ୱାଲ ୧୬୧ ର ଏକ ଚମତ୍କାର ଇନିଂସ ଖେଳି ଭାରତକୁ ବିଜୟୀ କରାଇଥିଲେ। ଫଳସ୍ୱରୂପ ଟେଷ୍ଟ ବ୍ୟାଟ୍ସମ୍ୟାନ୍ ରାଙ୍କିଙ୍ଗରେ ସେ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଥିବାବେଳେ ସେ ରୁଟ୍‌ଙ୍କ ପଛକୁ ରହି ୮୨୫ ରେଟିଂ ଅଙ୍କ ହାସଲ କରିଥିବାବେଳେ  ଏକ ନମ୍ବର ସ୍ଥାନରୁ ୭୮ ରେଟିଂ ପଏଣ୍ଟ ପଛୁଆ ଅଛନ୍ତି।

ପର୍ଥରେ ୮୯ ରନ୍‌ର ଇନିଂସ ପରେ ଅଷ୍ଟ୍ରେଲିଆର ବାମହାତୀ ବ୍ୟାଟ୍ସମ୍ୟାନ୍ ଟ୍ରାଭିସ୍ ହେଡ୍ ତିନିଟି ସ୍ଥାନକୁ ଉନ୍ନୀତ ହୋଇ ଦଶମ ସ୍ଥାନରେ ପହଞ୍ଚିଛନ୍ତି।  ସେହିପରି ବିରାଟ କୋହଲି ଏକ ଶତକ ହାସଲ କରି ଟେଷ୍ଟ ରାଙ୍କିଙ୍ଗରେ ଉନ୍ନତି କରିଛନ୍ତି। ସେ ୧୩ ତମ ସ୍ଥାନରେ ପହଞ୍ଚିବା ପାଇଁ ୯ ଟି ସ୍ଥାନ ଉନ୍ନୀତ  ହୋଇଛନ୍ତି।

ଅଧିକ ପଢ଼ନ୍ତୁ: ସିନ୍ଦେଙ୍କ ବଡ଼ ଘୋଷଣା: ମୋଦୀ-ଶାହଙ୍କ ନିଷ୍ପତ୍ତି ଗ୍ରହଣ କରିବି