ନ୍ୟୁଜିଲ୍ୟାଣ୍ଡ ୯ ୱିକେଟରେ ୧୪୩ ରନ୍‌ରେ ଅଗ୍ରଣୀ, ଭାରତ ପାଇଁ ବଡ଼ ସୁଯୋଗ

ମୁମ୍ବାଇ: ମୁମ୍ବାଇ ଟେଷ୍ଟର ଦ୍ୱିତୀୟ ଦିନର ଖେଳ ଶେଷ ହୋଇଛି। ଦ୍ୱିତୀୟ ଦିନ ଶେଷ ସୁଦ୍ଧା ନ୍ୟୁଜିଲ୍ୟାଣ୍ଡର ସ୍କୋର ୯ ୱିକେଟ୍‌ରେ ୧୭୧ ରନ୍ ରହିଛି। ଏହିପରି କିୱି ଦଳର ଅଗ୍ରଣୀ ୧୪୩ରନ୍କୁ ବୃଦ୍ଧି ପାଇଛି। ଅଜାଜ ପଟେଲ ଏବଂ ୱିଲିୟମ୍ ଓରୁକେ ନ୍ୟୁଜିଲ୍ୟାଣ୍ଡ ପାଇଁ ନଟ୍ ଆଉଟ୍ ରହିଛନ୍ତି।

ଏଥି ସହ ରବିନ୍ଦ୍ର ଜାଡେଜା ବର୍ତ୍ତମାନ ପର୍ଯ୍ୟନ୍ତ ଭାରତ ପାଇଁ ସବୁଠାରୁ ସଫଳ ବୋଲର ଭାବରେ ଭଲ ପ୍ରଦର୍ଶନ କରିଛନ୍ତି। ରବିନ୍ଦ୍ର ଜାଡେଜାଙ୍କୁ ୪ଟି ୱିକେଟର ସଫଳତା ମିଳିଛି। ଏହା ବ୍ୟତୀତ ରବିଚନ୍ଦ୍ରନ ଅଶ୍ୱିନ୍ ୩ ବ୍ୟାଟ୍ସମ୍ୟାନଙ୍କୁ ତାଙ୍କର ଶିକାର କରିଥିଲେ। ଆକାଶଦୀପ ଏବଂ ୱାଶିଂଟନ୍ ସୁନ୍ଦର ଗୋଟିଏ ଗୋଟିଏ ଲେଖାଏଁ ୱିକେଟ୍ ନେଇଛନ୍ତି। ଆଜି ଦ୍ୱିତୀୟ ଦିନରେ ଉଭୟ ଦଳର ୧୫ ଜଣ ବ୍ୟାଟ୍ସମ୍ୟାନ୍ ପାଭିଲିୟନକୁ ଫେରିଥିଲେ।

ତୃତୀୟ ଦିନରେ କିୱି ଦଳକୁ ଅଲଆଉଟ୍ କରିବା ପରେ ଟିମ୍ ଇଣ୍ଡିଆ ଜିତିବାକୁ ଚାହୁଁଛି। ଟିମ୍ ଇଣ୍ଡିଆ ପାଇଁ କ୍ଲିନ୍ ସ୍ବିପ୍‌ରୁ ରକ୍ଷା ପାଇବା ପାଇଁ ଏକ ବଡ଼ ସୁଯୋଗ ରହିଛି।

ଏହାପୂର୍ବରୁ ଭାରତ ଦ୍ୱିତୀୟ ଦିନରେ ୪ ୱିକେଟ୍‌ ହରାଇ ୮୪ ରନ୍‌ରୁ  ଖେଳିବା ଆରମ୍ଭ କରିଥିଲା। ଶୁଭମାନ ଗିଲ ଏବଂ ଋଷଭ ପନ୍ତ ଭାରତ ପାଇଁ ୯୬ ରନର ଭାଗିଦାରୀ କରିଥିଲେ। କିନ୍ତୁ ଏହା ପରେ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନମାନେ ନିୟମିତ ବ୍ୟବଧାନରେ ପାଭିଲିୟନକୁ ଫେରିଥିଲେ। ଫଳସ୍ୱରୂପ ଭାରତୀୟ ଦଳ ୨୬୩ ରନ୍‌ରେ  ଅଲଆଉଟ୍ ହୋଇଥିଲା।

୫୯ ବଲରେ ୬୦ରନ୍ ସ୍କୋର କରିବା ପରେ ଋଷଭ ପନ୍ତ ଆଉଟ୍ ହୋଇଥିଲେ। ସେ ତାଙ୍କ ଇନିଂସରେ ୮ ଚୌକା ଓ ୨ ଛକା ମାରିଥିଲେ। ଶୁଭମାନ ଗିଲ ୧୪୬ ବଲରେ ୯୦ ରନ୍ ସଂଗ୍ରହ କରିଥିଲେ। ସେ ନିଜ ଇନିଂସରେ ୭ ଚୌକା ଓ ଗୋଟିଏ ଛକା ମାରିଥିଲେ। ଏହା ପରେ କ୍ରମାଗତ ଭାବରେ ଭାରତୀୟ ବ୍ୟାଟ୍ସମ୍ୟାନଙ୍କ ପାଭିଲିୟନକୁ ଫେରିବା  ପ୍ରକ୍ରିୟା ଆରମ୍ଭ ହୋଇଥିଲା।

ଅଧିକ ପଢ଼ନ୍ତୁ:

ପଡ଼ିଆରେ'ୱାନ ଟୁ କା ଫୋର୍... ଫୋର୍ ଟୁ କା ୱାନ' ଡ୍ୟାନ୍ସ କଲେ କୋହଲି: ସୋସିଆଲ ମିଡିଆରେ ଭାଇରାଲ

ସରଫରାଜ ଖାନ କୌଣସି ରନ୍ ସ୍କୋର ନ କରି ଫେରିଥିଲେ। ରବିନ୍ଦ୍ର ଜାଡେଜା ୧୪ ରନ୍ ସଂଗ୍ରହ କରିଥିଲେ। ଯେଉଁଠାରେ ରବିଚନ୍ଦ୍ରନ ଅଶ୍ୱିନ୍ ୬ ରନ୍ କରିଥିଲେ। ଆକାଶଦୀପ ଶୂନରେ ଆଉଟ୍ ହୋଇଥିଲେ। ତେବେ ୱାଶିଂଟନ୍ ସୁନ୍ଦର ୩୮ ରନର ଏକ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ।

ନ୍ୟୁଜିଲ୍ୟାଣ୍ଡ ପାଇଁ ଅଜାଜ ପଟେଲ ସବୁଠାରୁ ସଫଳ ବୋଲର ଥିଲେ। ଅଜାଜ ପଟେଲ ୫ ଜଣ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ। ଏହା ବ୍ୟତୀତ ମ୍ୟାଟ ହେନେରୀ, ଗ୍ଲେନ ଫିଲିପ୍ସ ଏବଂ ଇଶ ସୋଡି ଗୋଟିଏ ଲେଖାଏଁ ୱିକେଟ୍ ନେଇଥିଲେ।

ଅଧିକ ପଢ଼ନ୍ତୁ:

ୱାଙ୍ଖଡେରେ ପ୍ରଥମ ଦିନରେ ୧୪ ୱିକେଟ୍, ସ୍ପିନରମାନଙ୍କ ପ୍ରାଧାନ୍ୟ ବିସ୍ତାର, ରୋହିତ-ବିରାଟ ପୁଣି ଫ୍ଲପ୍