ଆଡିଲେଡ୍ ଟେଷ୍ଟରେ ଟିମ୍ ଇଣ୍ଡିଆର ଲଜ୍ଜାଜନକ ପରାଜୟ

ଆଡିଲେଡ୍: ବର୍ଡର-ଗାଭାସ୍କର ଟ୍ରଫିର ଦ୍ୱିତୀୟ ଟେଷ୍ଟରେ ଟିମ୍ ଇଣ୍ଡିଆ ଲଜ୍ଜାଜନକ ଭାବେ ଅଷ୍ଟ୍ରେଲିଆଠାରୁ  ୧୦ ୱିକେଟ୍‌ରେ ପରାଜିତ ହୋଇଛି। ତୃତୀୟ ଦିନରେ ଆଡିଲେଡ୍ ‌ଟେଷ୍ଟ ଶେଷ ହୋଇଛି। ଟିମ୍ ଇଣ୍ଡିଆ ଏହି ପରାଜୟ ସହିତ ବିଶ୍ବ ଟେଷ୍ଟ ରାଙ୍କିରେ ତ୍ୟତୀୟ ସ୍ଥାନକୁ ଖସି ଆସିଛି।

ପର୍ଥରେ ଚମତ୍କାର ପ୍ରଦର୍ଶନ କରିଥିବା ଟିମ୍ ଇଣ୍ଡିଆ ଆଡିଲେଡ୍‌ରେ ଶୋଚନୀୟ ଭାବେ ପରାଜିତ ହୋଇଛି। ଏହି ଟେଷ୍ଟ ମ୍ୟାଚ୍ ପିଙ୍କ୍ ବଲ୍‌ରେ ଖେଳାଯାଇଥିଲା। ପିଙ୍କ୍ ବଲ୍‌ରେ ଭାରତୀୟ ବ୍ୟାଟ୍ସମ୍ୟାନମାନେ ଅସହାୟ ମନେ ହୋଇଥିଲେ। ଏହି ବିଜୟ ସହିତ ଅଷ୍ଟ୍ରେଲିଆ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜକୁ ୧-୧ ସ୍ଥିତିକୁ ନେଇଛି। 

ଏହି ସିରିଜର ପ୍ରଥମ ଟେଷ୍ଟ ମ୍ୟାଚ୍ ପର୍ଥରେ ଖେଳାଯାଇଥିଲା। ଏହାକୁ ଭାରତ ୨୯୫ ରନ୍‌ରେ ଜିତିଥିଲା ​​। ପର୍ଥରେ ବୋଲରଙ୍କ ସହ ବ୍ୟାଟ୍ସମ୍ୟାନମାନେ ମଧ୍ୟ ବିଜୟରେ ଉଲ୍ଲେଖନୀୟ ସହଯୋଗ କରିଥିଲେ। ଯଶସ୍ବୀ ଜୟସ୍ବାଲ ଏବଂ ବିରାଟ କୋହଲି ଶତକ ହାସଲ କରିଥିବାବେଳେ ଜସପ୍ରୀତ ବୁମ୍ରା ୮ ୱିକେଟ୍ ନେଇଥିଲେ। ଏଭଳି ପରିସ୍ଥିତିରେ ପର୍ଥର ହିରୋ ଆଡିଲେଡରେ ଜିରୋ ବୋଲି ପ୍ରମାଣିତ ହୋଇଛନ୍ତି।

ପ୍ରଥମେ ବ୍ୟାଟିଂ କରି ଭାରତୀୟ ଦଳ ପ୍ରଥମ ଇନିଂସରେ ୧୮୦ରନ୍ ସଂଗ୍ରହ କରିଥିଲେ। ଏହାର ଉତ୍ତରରେ, ଟ୍ରାଭିସ୍ ହେଡଙ୍କ ଏକ ଶକ୍ତିଶାଳୀ ଶତକ ସହିତ ଅଷ୍ଟ୍ରେଲିଆ ୩୩୭ ରନ୍ ସ୍କୋର କରିବାରେ ସଫଳ ହୋଇଥିଲା। ଟିମ୍ ଇଣ୍ଡିଆର ବ୍ୟାଟିଂ ୧୭୫ ରନ୍ ସଂଗ୍ରହ କରି ଅଲଆଉଟ୍ ହୋଇଯାଇଥିଲା।

ଅଧିକ ପଢ଼ନ୍ତୁ: ଏହା ଆମର ଲଢ଼େଇ ନୁହେଁ: ସିରିଆ ଗୃହଯୁଦ୍ଧ ନେଇ ଟ୍ରମ୍ପଙ୍କ ମନ୍ତବ୍ୟ

ଦ୍ୱିତୀୟ ଇନିଂସରେ ରୋହିତଙ୍କ ଦଳ ବହୁତ କଷ୍ଟ ସହ ଅଗ୍ରଣୀ ହାସଲ କରିବାରେ ସକ୍ଷମ ହୋଇଥିଲେ ଏବଂ ୧୭୫ ରନ୍ ସ୍କୋର କରିଥିଲେ। ଏହା ସହିତ ଅଷ୍ଟ୍ରେଲିଆ ପାଇଁ ଟିମ୍ ଇଣ୍ଡିଆ ୧୯ ରନ୍‌ର ସହଜ ଲକ୍ଷ୍ୟ ଧାର୍ଯ୍ୟ କରିଥିଲା। ଅଷ୍ଟ୍ରେଲିଆ ଏହି ଲକ୍ଷ୍ୟ ସହଜରେ ହାସଲ କରିଥିଲା।

ଅଷ୍ଟ୍ରେଲିଆର ଓପନର୍ ନାଥନ୍ ୧୨ ବଲରେ ୧୦ ରନ୍ ସ୍କୋର କରି ଅପରାଜିତ ଫେରିଥିଲେ ଏବଂ ଉସମାନ ଖାୱାଜା ୯ ରନ୍ ସ୍କୋର କରିବା ଅପରାଜିତ ରହିଥିଲେ। ଅଷ୍ଟ୍ରେଲିଆ ୩.୨ ଓଭରରେ ୧୦ ୱିକେଟ୍ ନେଇ ମ୍ୟାଚ୍ ଜିତିଥିଲା।

ଅଧିକ ପଢ଼ନ୍ତୁ: ବିରୋଧୀଙ୍କୁ କ୍ଷମତା ହସ୍ତାନ୍ତର କରିବାକୁ ପ୍ରସ୍ତୁତ: ସିରିଆ ପ୍ରଧାନମନ୍ତ୍ରୀ