Varanasi Stadium, Trishul Lights: ତ୍ରିଶୂଳରୁ ଆଲୋକ ପଡ଼ିବ, ପଡ଼ିଆରେ ମ୍ୟାଚ୍ ଖେଳାଯିବ… ଷ୍ଟାଡିୟମରେ କ୍ରୀଡ଼ା ଓ ଭକ୍ତିର ଝଲକ

ଲକ୍ଷ୍ନୌ: ତ୍ରିଶୂଳରୁ ପଡ଼ିବ ଆଲୋକ ଆଉ ପଡ଼ିଆରେ ଖେଳାଯିବ ମ୍ୟାଚ୍ । ଦିନିକିଆ ହେଉ କି ଟି-୨୦ । ସବୁ ପ୍ରକାର ମ୍ୟାଚରେ ତ୍ରିଶୂଳ ଫ୍ଲଡଲାଇଟ ତଳେ ମ୍ୟାଚର ମଜା ନେବେ ଦର୍ଶକ । ଦେଶର ଏମିତି ଏକ ପଡ଼ିଆ ଅଛି ଯେଉଁଠି ଦେଖିବାକୁ ମିଳିଛି ତ୍ରିଶୂଳ ଆକୃତିର ଫ୍ଲଡଲାଇଟ୍ । ପଡ଼ିଆର ଚାରି ପାଖରେ ଏହି ତ୍ରିଶୂଳ ଫ୍ଲଡଲାଇଟ୍ ଲଗାଇବାକୁ ପୂର୍ବରୁ ଯୋଜନା ହେଇଥିବା ବେଳେ ଏବେ ଏହି କାମ ଚାଲିଛି ।

ତେବେ ଏହି ଦୃଶ୍ୟ ହେଉଛି ବାରଣାସୀ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମର । ଯାହା ଏବେ ନିର୍ମାଣାଧୀନ ଅଛି । ଉତ୍ତରପ୍ରଦେଶ ବାରାଣସୀରେ ଏହି ଷ୍ଟାଡିୟମ ତିଆରି ଚାଲିଥିବା ବେଳେ ଏହାରି ଭିତରେ ଷ୍ଟାଡିୟମରେ ପ୍ରଥମ ତ୍ରିଶୂଳ-ଫ୍ଲଡ୍ ଲାଇଟ୍ ଲାଗିଛି । ଯେଉଁଠି କାଶୀର ଆଧ୍ୟାତ୍ମିକ ଐତିହ୍ୟକୁ ଆଧୁନିକ କ୍ରୀଡା ସ୍ଥାପତ୍ୟ ସହିତ ମିଶ୍ରଣ କରାଯାଇଛି । ଷ୍ଟାଡିୟମରେ ଲାଇଟ୍ ସହ ଅନ୍ୟ ନିର୍ମାଣ କାମ ବି ଚାଲିଛି । 

ଆହୁରି ପଢନ୍ତୁ- IND vs SA, Red-Soil Pitch: ‘ସୂର୍ଯ୍ୟ’ ସେନାଙ୍କୁ ଲାଭ ଦେବ କି ଲାଲ୍ ମାଟି ? ବାରବାଟୀ ଇତିହାସରେ ପ୍ରଥମ ଥର ରେଡ୍ ସଏଲ ପିଚ୍...

ଏମିତି ଦିଶିବ ଷ୍ଟାଡିୟମ

ଆହୁରି ପଢନ୍ତୁ- Under 16 Social Media Ban: ୧୬ ବର୍ଷରୁ କମ୍ ବୟସ୍କ ପିଲାଙ୍କୁ ସୋସିଆଲ ମିଡିଆ ମନା

ତେବେ ଷ୍ଟାଡିୟମରେ ମହାଦେବଙ୍କ ତ୍ରିଶୂଳ ଏବଂ ଡମ୍ବରୁ ଢାଞ୍ଚାର ଝଲକ ରହିବ । ବାରଣାସୀକୁ ଏକ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମ ଭେଟି ଦେବାକୁ ୨୦୨୩ରେ ଘୋଷଣା ହୋଇଥିଲା । ପ୍ରାଥମିକ ଭାବେ ଷ୍ଟାଡିୟମର କ୍ଷମତା ୩୦ ହଜାର ବୋଲି କୁହାଯାଉଥିବା ବେଳେ ପରେ ଏହାର କ୍ଷମତାକୁ ୪୦ ହଜାରକୁ ବୃଦ୍ଧି କରାଯାଇଛି । ତେବେ ଏହି ଷ୍ଟାଡିୟମ ୨୦୨୫ ଡିସେମ୍ବର ଶେଷ ବେଳକୁ ସରିବ ବୋଲି ଟାର୍ଗେଟ୍ ନେଇ କାମ କରାଯାଉଥିବା ବେଳେ ଏବେ ତ୍ରିଶୂଳ-ଫ୍ଲଡ୍ ଲାଇଟ୍ ଲାଗିଛି ଏବଂ ଅନ୍ୟ କାମ ବି ଚାଲିଛି ।