‘ଓଡ଼ିଶାରେ ନକ୍ସଲ ସଂଗଠନର ନେତୃତ୍ବ ନେଉଛନ୍ତି ଆନ୍ଧ୍ର, ଛତିଶଗଡ଼ର କ୍ୟାଡର’

ଭୁବନେଶ୍ବର: କେନ୍ଦ୍ର ଓ ରାଜ୍ୟ ସରକାର ୨୦୨୬ ସୁଦ୍ଧା ନକ୍ସଲମାନଙ୍କର ମୂଳପୋଛ କରିବାକୁ ଲକ୍ଷ୍ୟ ରଖିଛନ୍ତି। ଏଥି ପାଇଁ ନକ୍ସଲ ପ୍ରଭାବିତ ଅଞ୍ଚଳରେ ଜୋରଦାର ସର୍ଚ୍ଚ ଅପରେସନ ଜାରି ରହିଛି। ନକ୍ସଲମାନେ ପୁଲିସ ନିକଟରେ ଭୟରେ ଆତ୍ମସମର୍ପଣ କରୁଛନ୍ତି। ଧୀରେଧୀରେ ନକ୍ସଲ ଗତିବିଧି ହ୍ରାସ ପାଇବାରେ ଲାଗିଛି। ସୁରକ୍ଷା ବ୍ୟବସ୍ଥା ମଜବୁତ ସାଙ୍ଗକୁ ବିକାଶ କାମ ଯୋଗୁଁ ନକ୍ସଲମାନେ ମୁଖ୍ୟସ୍ରୋତରେ ସାମିଲ ହେଉଛନ୍ତି। ତଥାପି ଏବେ ବି ମଝିରେ ମଝିରେ ନକ୍ସଲ ଗତିବିଧି ଜାରି ରହିଛି।

ଏହି ଖବର ପଢ଼ନ୍ତୁ: ୧୦ ନକ୍ସଲ ମୃତ, ମାଓ ସାମଗ୍ରୀ ଜବତ

ଓଡ଼ିଶାରେ ଏବେବି ୬୦ରୁ ୭୦ ଜଣ ନକ୍ସଲ ରହିଛନ୍ତି। ଏଥିରୁ ଓଡ଼ିଶା କ୍ୟାଡର ନକ୍ସଲ ସଂଖ୍ୟା ମାତ୍ର ୬ରୁ ୭ ଜଣ। ବାକି ସବୁ କ୍ୟାଡର ଛତିଶଗଡ଼, ଆନ୍ଧ୍ରପ୍ରଦେଶ, ମହାରାଷ୍ଟ୍ର ଓ ଝାଡ଼ଖଣ୍ଡର ଅଛନ୍ତି। ଓଡ଼ିଶାରେ ସଂଗଠନର ନେତୃତ୍ବ ନେଉଛନ୍ତି ଛତିଶଗଡ଼ ଓ ଆନ୍ଧ୍ର କ୍ୟାଡର ନକ୍ସଲ। ଦେଶରେ ୩୮ ନକ୍ସଲ ପ୍ରଭାବିତ ଜିଲ୍ଲା ରହିଛି। ଏଥିରୁ ମାଲକାନଗିରି, କୋରାପୁଟ, କନ୍ଧମାଳ ସମେତ ଓଡ଼ିଶାରେ ୭ଟି ଜିଲ୍ଲା ସାମିଲ ରହିଛି। ବିଏସ୍ଏଫ୍ ଆଇଜି ଚାରୁଧ୍ବଜ ଅଗ୍ରୱାଲ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। 

ଏହି ଖବର ପଢ଼ନ୍ତୁ: ମହିଳା ମାଓବାଦୀ ଗିରଫ 

ଓଡ଼ିଶା, ଛତିଶଗଡ଼ ଓ ଆନ୍ଧ୍ରପ୍ରଦେଶ ସୀମାରେ ନକ୍ସଲମାନେ ବସା ବାନ୍ଧିଛନ୍ତି। ଏହି ସୀମାନ୍ତ ଅଞ୍ଚଳରେ ବିସ୍ତିର୍ଣ୍ଣ ଜଙ୍ଗଲ ଥିବାରୁ ନକ୍ସଲମାନେ ଏହାକୁ ସ୍ବର୍ଗ ମନେ କରୁଛନ୍ତି। ସୁଯୋଗ ମିଳିଲେ ବଡ଼ଧରଣର କାଣ୍ଡ କରୁଛନ୍ତି। ସୀମାନ୍ତରେ ରାଜ୍ୟ ପୁଲିସର ସହଯୋଗରେ ବିଏସ୍‌ଏଫ୍‌ ଓ ଡିଭିଏଫ୍‌ ଯବାନମାନେ ସର୍ଚ୍ଚ ଅପରେସନ ଜାରି ରଖିଥିଲେ ମଧ୍ୟ ନକ୍ସଲ ଛାତି ଫୁଲାଇ ନିଜର କାମ‌ରେ ଅଗ୍ରସର ରହୁଛନ୍ତି। 

ଏହି ଖବର ପଢ଼ନ୍ତୁ: ୫ ଡିସେମ୍ବରରେ ମହାରାଷ୍ଟ୍ରରେ ନୂଆ ସରକାର !

ନିକଟରେ ମାଲକାନଗିରି ଜିଲ୍ଲାର ଏମଭି-୭୯ ଥାନା ଅନ୍ତର୍ଗତ ଜିନେଲଗୁଡା ସାବେରୀ ନଦୀ କୂଳରେ ପୁଲିସ ଏବଂ ନକ୍ସଲ ମଧ୍ୟରେର ଗୁଳି ବିନିମୟ ହୋଇଥିଲା। ଏହି ଗୁଳି ବିନିମୟରେ ଜଣେ ନକ୍ସଲ ମୃତ୍ୟୁ ହୋଇଥିବା ସୂଚନା ମିଳିଥିଲା। ପରେ କିନ୍ତୁ ମୃତ ବ୍ୟକ୍ତି ଜଣକ ଗ୍ରାମବାସୀ ବୋଲି ଜଣାପଡିଥିଲା।  ଯବାନଙ୍କ ଉପରେ ଗୁଳି ଚଳାଇ ନକ୍ସଲ ଖସି ଯାଇଥିଲେ। ରାତିର ଅନ୍ଧାରରେ ଜଂଗଲରେ ଖସି ପୁଣି ଛତିଶଗଡ଼ ମୁହାଁ ହୋଇଥିଲେ। ଓଡ଼ିଶାର ଯବାନଙ୍କ ହାତରୁ ବର୍ତ୍ତି ଯାଇଥିଲେ ମଧ୍ୟ ତାଂକୁ ମୃତ୍ୟୁ ଅପେକ୍ଷା କରିଥିଲା ଛତିଶଗଡରେ। ଓଡ଼ିଶା ସୀମା ପାର କରି ସୁକମା ଜିଲ୍ଲାର ଭେଜ୍ଜି ଥାନା ଅଂଚଳର ଜଂଗଲରେ ଆଶ୍ରୟ ନେବାକୁ ଚେଷ୍ଟା କରୁଥିବା ବେଳେ ସେପଟେ ଡିଆରଜି, ଏସଟିଏଫ ଯବାନ ନକ୍ସଲଙ୍କୁ ଅପେକ୍ଷା କରି ରହିଥିଲେ।ନକ୍ସଲ କ୍ୟାମ୍ପ କରି ରହିଥିବା ସ୍ଥାନରେ ଯବାନ ଚଢାଉ କରିଥିଲେ।

ଏହି ଖବର ପଢ଼ନ୍ତୁ: ନକ୍ସଲ ପ୍ରବଣ ଅଂଚଳରେ ଶିକ୍ଷା ବ୍ୟବସ୍ଥା