୭ ଦିନ ମଧ୍ୟରେ ଦିବ୍ୟାଙ୍ଗଙ୍କୁ ବିବାହ କରିଥିବା ବ୍ୟକ୍ତିଙ୍କୁ ଆର୍ଥିକ ପ୍ରୋତ୍ସାହନ ଦିଅ: ମନ୍ତ୍ରୀଙ୍କ କଡ଼ା ନିର୍ଦ୍ଦେଶ

ଭୁବନେଶ୍ୱର: ସାମାଜିକ ସୁରକ୍ଷା ଏବଂ ଦିବ୍ୟାଙ୍କ ବ୍ୟକ୍ତିଙ୍କ ସଶକ୍ତିକରଣ(ଏସଏସଇପିଡି) ମନ୍ତ୍ରୀ ନିତ୍ୟାନନ୍ଦ ଗଣ୍ଡ ବୁଧବାର ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ଯେ, ଯେଉଁମାନେ ଦିବ୍ୟାଙ୍କ ବ୍ୟକ୍ତିଙ୍କ ସହିତ ବିବାହ କରିଛନ୍ତି ସେମାନଙ୍କୁ ସାତ ଦିନ ମଧ୍ୟରେ ଆର୍ଥିକ ପ୍ରୋତ୍ସାହନ ପ୍ରଦାନ କରନ୍ତୁ।

ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ, ଏସଏସଇପିଡି ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଛନ୍ତି, ଏସଏସଇପିଡି ବିଭାଗର କାର୍ଯ୍ୟ ଏବଂ ଯୋଜନାଗୁଡ଼ିକର ସମୀକ୍ଷା କରିବା ସମୟରେ, ମୁଁ ଜାଣିବାକୁ ପାଇଲି ଯେ, ଅନେକ ଲୋକ ବହୁ ଦିନ ଧରି ଆବେଦନ କରିଛନ୍ତି କିନ୍ତୁ ରାଜ୍ୟ ସରକାରଙ୍କ ଦ୍ୱାରା ଦିବ୍ୟାଙ୍ଗ ବ୍ୟକ୍ତିମାନଙ୍କୁ ବିବାହ କରିବା ପାଇଁ ପ୍ରଦାନ କରାଯାଉଥିବା ଆର୍ଥିକ ପ୍ରୋତ୍ସାହନ ଏପର୍ଯ୍ୟନ୍ତ ପାଇନାହାନ୍ତି।

ମୁଁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛି ଯେ, ଯୋଗ୍ୟ ବ୍ୟକ୍ତିମାନଙ୍କୁ ଯଥାଶୀଘ୍ର ଆର୍ଥିକ ପ୍ରୋତ୍ସାହନ ଯୋଗାଇ ଦିଆଯିବା ନିଶ୍ଚିତ କରନ୍ତୁ। ଭବିଷ୍ୟତରେ ଲୋକମାନେ ଯେପରି ଏପରି ସମସ୍ୟାର ସମ୍ମୁଖୀନ ନ ହୁଅନ୍ତି ସେଥିପାଇଁ ପଦକ୍ଷେପ ନେବାକୁ ମଧ୍ୟ ମୁଁ ସେମାନଙ୍କୁ କହିଛି ବୋଲି ମନ୍ତ୍ରୀ ସୂଚନା ପ୍ରଦାନ କରିଛନ୍ତି।

ଅଧିକ ପଢ଼ନ୍ତୁ: ଭଦ୍ରକ ବିଜେଡିରେ ବିପର୍ଯ୍ୟୟ: ପୂର୍ବତନ ରାଜ୍ୟ ସମ୍ପାଦକ ଦଳ ଛାଡିଲେ

ସୂଚନାଯୋଗ୍ୟ, ସାମାଜିକ ସଦ୍ଭାବକୁ ପ୍ରୋତ୍ସାହିତ କରିବା ଲକ୍ଷ୍ୟରେ ଓଡ଼ିଶା ସରକାର ଜଣେ ସାଧାରଣ ବ୍ୟକ୍ତି ଏବଂ ଜଣେ ଦିବ୍ୟାଙ୍ଗଙ୍କ ମଧ୍ୟରେ ବିବାହ ପାଇଁ ୨.୫ ଲକ୍ଷ ଟଙ୍କାର ନଗଦ ପୁରସ୍କାର ପ୍ରଦାନ କରୁଛନ୍ତି। ତେବେ ଦମ୍ପତିଙ୍କୁ ସେମାନଙ୍କର ବିବାହ ପଞ୍ଜିକରଣ ପ୍ରମାଣପତ୍ର ସହିତ ଆର୍ଥିକ ପ୍ରୋତ୍ସାହନ ପାଇଁ ଆବେଦନ କରିବାକୁ ପଡିବ।

ଉପଯୁକ୍ତ ଯାଞ୍ଚ ପରେ ଦମ୍ପତିଙ୍କ ମିଳିତ ଆକାଉଣ୍ଟରେ ୨.୫ ଲକ୍ଷ ଟଙ୍କାର ପ୍ରୋତ୍ସାହନ ରାଶି ଜମା କରାଯିବ କିନ୍ତୁ ସେମାନେ ମିଳିତ ସ୍ୱାକ୍ଷର ଅନୁଯାୟୀ ତିନି ବର୍ଷ ପରେ ହିଁ ଟଙ୍କା ଉଠାଇ ପାରିବେ।

ଅଧିକ ପଢ଼ନ୍ତୁ: ଏସବୁ ରାଜ୍ୟରେ ପୁଣି ହେବ ମକ୍ ଡ୍ରିଲ୍

Nityananda Gond