୫ ବର୍ଷରେ ଓଡ଼ିଶାରେ ୧.୫ ଲକ୍ଷରୁ ଅଧିକ ଇଲେକ୍ଟ୍ରିକ୍ ଯାନ ପଞ୍ଜିକୃତ ହୋଇଛି

ଭୁବନେଶ୍ୱର: ଓଡ଼ିଶା ବିଧାନସଭାରେ ଗୁରୁବାର ଦିନ  ଉପସ୍ଥାପିତ ତଥ୍ୟ ଅନୁଯାୟୀ, ରାଜ୍ୟରେ ଇଲେକ୍ଟ୍ରିକ୍ ଯାନ (ଇଭି) ପଞ୍ଜିକରଣରେ ଉଲ୍ଲେଖନୀୟ ବୃଦ୍ଧି ଘଟିଛି, ଗତ ପାଞ୍ଚ ବର୍ଷ ମଧ୍ୟରେ ମୋଟ ୧,୫୫,୦୬୮ ଯାନ ପଞ୍ଜିକୃତ ହୋଇଛି।

ବଡ଼ମ୍ବା ବିଧାୟକ ବିଜୟ କୁମାର ଦଳବେହେରାଙ୍କ ଏକ ପ୍ରଶ୍ନର ଲିଖିତ ଉତ୍ତରରେ ବାଣିଜ୍ୟ ଏବଂ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ପ୍ରକାଶ କରିଛନ୍ତି ଯେ, ୨୦୨୧ମସିହାରେ ରାଜ୍ୟ ସରକାରଙ୍କ ଦ୍ୱାରା ବୈଦ୍ୟୁତିକ ଯାନ ନିୟମ ଲାଗୁ ହେବା ପରଠାରୁ ପଞ୍ଜିକୃତ ଦୁଇ ଚକିଆ, ତିନି ଚକିଆ, କାର ଏବଂ ବସ୍ ସଂଖ୍ୟା ଉଲ୍ଲେଖନୀୟ ଭାବରେ ବୃଦ୍ଧି ପାଇଛି।

ବଡ଼ମ୍ବା ବିଧାୟକ ବିଜୟ କୁମାର ଦଳବେହେରା ପ୍ରଶ୍ନ କରିଥିଲେ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା କେ‌ତେ ଇଲେକ୍ଟ୍ରିକ୍ ଯାନ ପଞ୍ଜିକରଣ ହୋଇଛି ତାହାର ତଥ୍ୟ ପ୍ରଦାନ କରିବେ କି? ଏହା ସହିତ ଗତ ୫ ବର୍ଷର ବାର୍ଷିକ ଆଧାରରେ ଇଲେକ୍ଟ୍ରିକ୍ ଯାନ ପଞ୍ଜିକରଣ  ତଥ୍ୟ ପ୍ରଦାନ କରିବେ କି?

ବର୍ଷ ଆଧାରରେ ବିସ୍ତୃତ ପଞ୍ଜୀକରଣ ତଥ୍ୟ:

୨୦୨୧:

ଦୁଇଚକିଆ ଯାନ: ୪,୯୪୪
ତିନି ଚକିଆ ଯାନ: ୬୨୩
ଚାରିଚକିଆ ଯାନ: ୫୬
ବସ୍‌: ୩

୨୦୨୨:

ଦୁଇଚକିଆ ଯାନ: ୨୫,୭୨୬
ତିନି ଚକିଆ ଯାନ: ୨,୨୫୨
ଚାରିଚକିଆ ଯାନ: ୪୦୭
ବସ୍‌: ୬୨ଟି

୨୦୨୩:

ଦୁଇଚକିଆ ଯାନ: ୩୮,୩୪୭
ତିନି ଚକିଆ ଯାନ: ୪,୭୭୧
ଚାରିଚକିଆ ଯାନ: ୧,୩୪୪
ବସ୍‌: ୮୩

୨୦୨୪:

ଦୁଇଚକିଆ ଯାନ: ୫୬,୩୦୩
ତିନି ଚକିଆ ଯାନ: ୬,୨୧୮
ଚାରିଚକିଆ ଯାନ: ୩,୨୦୭
ବସ୍‌: ୨୪୯

୨୦୨୫ (ମାର୍ଚ୍ଚ ୬ ପର୍ଯ୍ୟନ୍ତ):

ଦୁଇଚକିଆ ଯାନ: ୮,୫୮୧
ତିନି ଚକିଆ ଯାନ: ୯୬୫
ଚାରିଚକିଆ ଯାନ: ୮୫୪
ବସ୍‌: ୭୩

ଅଧିକ ପଢ଼ନ୍ତୁ: ୨ ବର୍ଷରେ ଓଡ଼ିଶାରେ ସାପ କାମୁଡ଼ାରେ ୧,୮୫୯ ଜଣଙ୍କ ମୃତ୍ୟୁ: ମନ୍ତ୍ରୀ

ମନ୍ତ୍ରୀ ସୂଚନା ପ୍ରଦାନ କରିଛନ୍ତି ଯେ ରାଜ୍ୟ ସରକାର ୨୦୨୧ ରୁ ୨୦୨୫ (ମାର୍ଚ୍ଚ ୬, ୨୦୨୫ ପର୍ଯ୍ୟନ୍ତ) ୧,୨୨,୫୭୮ ହିତାଧିକାରୀଙ୍କୁ ମୋଟ ୨୩୨.୪୫ କୋଟି ଟଙ୍କାର ସବସିଡି ରାଶି ବଣ୍ଟନ କରିଛନ୍ତି।

ଅଧିକ ପଢ଼ନ୍ତୁ: ବିରାଟଙ୍କ ରେକର୍ଡ ଭାଙ୍ଗିଲେ ହାର୍ଦ୍ଦିକ, ପାଲଟିଲେ କିଙ୍ଗ୍ !