୧୦୦-୧୫୦ ଗ୍ରାମକୁ 'ମହାପୁରୁଷ ଆଦର୍ଶ' ଗ୍ରାମରେ ରୂପାନ୍ତର କରିବେ ରାଜ୍ୟ ସରକାର: ପଞ୍ଚାୟତିରାଜ ମନ୍ତ୍ରୀ

ଭୁବନେଶ୍ବର: ଓଡ଼ିଶା ସରକାର ସାରା ରାଜ୍ୟରେ ପ୍ରାୟ ୧୦୦ରୁ ୧୫୦ ଗ୍ରାମକୁ 'ମହାପୁରୁଷ ଆଦର୍ଶ' ଗ୍ରାମରେ ବିକଶିତ କରିବା ପାଇଁ ଏକ ମହତ୍ୱାକାଂକ୍ଷୀ ଯୋଜନା ଆରମ୍ଭ କରିଛନ୍ତି। ଏହି ଯୋଜନା ଅନ୍ତର୍ଗତ ସ୍ୱାଧୀନତା ସଂଗ୍ରାମ ସମୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ବିଶିଷ୍ଟ ବ୍ୟକ୍ତିବିଶେଷଙ୍କ ସହ ଜଡିତ ଗ୍ରାମଗୁଡ଼ିକୁ ବିକଶିତ କରାଯିବ ।

ଐତିହାସିକ ଭାବରେ ଗୁରୁତ୍ୱପୂର୍ଣ୍ଣ କିନ୍ତୁ ଅବହେଳିତ ଏହି  ଅଞ୍ଚଳଗୁଡ଼ିକୁ ପୁନରୁଦ୍ଧାର କରିବା ପାଇଁ ପଦକ୍ଷେପ ସ୍ବରୂପ ରାସ୍ତା, ପାନୀୟ ଜଳ, ଜଳସେଚନ, ଶିକ୍ଷା ଏବଂ ସ୍ୱାସ୍ଥ୍ୟସେବା ସୁବିଧାର ଉନ୍ନତି ଉପରେ ଧ୍ୟାନ ପ୍ରଦାନ କରାଯିବ।

ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ ସୋମବାର ଏହି ପଦକ୍ଷେପର ଘୋଷଣା କରି କହିଛନ୍ତି ଯେ, ବିଭିନ୍ନ ରାଜ୍ୟ ବିଭାଗ ସୁଗମ କାର୍ଯ୍ୟାନ୍ୱୟନ ସୁନିଶ୍ଚିତ କରିବା ପାଇଁ ଏନେଇ ସହଯୋଗ କରିବେ।

ଅଧିକ ପଢ଼ନ୍ତୁ: ଜନ୍ମଦିନ ପାଳନର ଗୋଟିଏ ଦିନ ପରେ ଆଖିବୁଜିଲେ ଲୋକପ୍ରିୟ ଚଳଚ୍ଚିତ୍ର ନିର୍ଦ୍ଦେଶକ

ମନ୍ତ୍ରୀ ନିଶ୍ଚିତ କରିଛନ୍ତି ଯେ, ଏସମ୍ପର୍କରେ ପ୍ରକ୍ରିୟା ଆରମ୍ଭ ହୋଇସାରିଛି ଏବଂ ସେହି ଗ୍ରାମଗୁଡ଼ିକର ଦ୍ରୁତ ବିକାଶ ସୁନିଶ୍ଚିତ କରିବା ପାଇଁ ନଅ ରୁ ଦଶଟି ବିଭାଗ ନିଜ ନିଜର ଯୋଗଦାନ ଦେବେ।

ସମ୍ପୃକ୍ତ ବିଭାଗଗୁଡିକ ମିଳିତ ଭାବରେ କାର୍ଯ୍ୟ କରିବେ। ରାଜ୍ୟ ସରକାର ସମସ୍ତ ଆବଶ୍ୟକତାକୁ ସହଜ କରିବେ। ଏ ସମ୍ପର୍କରେ ପ୍ରକ୍ରିୟା ଆରମ୍ଭ ହୋଇସାରିଛି ଏବଂ ଏହି ପଦକ୍ଷେପ ଶୀଘ୍ର କାର୍ଯ୍ୟକାରୀ ହେବ ବୋଲି ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ କହିଛନ୍ତି। 

ଅଧିକ ପଢ଼ନ୍ତୁ: ହନିମୁନ୍‌ ହତ୍ୟା ମାମଲା: ଝିଅ ପକ୍ଷ ନେଇ ମେଘାଳୟ ପୁଲିସ୍‌କୁ ଦୋଷ ଦେଲେ ଅଭିଯୁକ୍ତାଙ୍କ ବାପା

 Rabi Narayan Naik