ଏପ୍ରିଲ ୨୪-୨୫ ସୁଦ୍ଧା ପଶ୍ଚିମ ଓଡ଼ିଶା ତ‌ାପମାତ୍ରା ୪୫ ଡିଗ୍ରି ଛୁଇଁବା ସମ୍ଭାବନା: ଆଇଏମଡି

ଭୁବନେଶ୍ୱର: ଭାରତୀୟ ପାଣିପାଗ ବିଭାଗ (ଆଇଏମଡି) ପୂର୍ବାନୁମାନ ଅନୁଯାୟୀ, ଓଡ଼ିଶାରେ ତାପମାତ୍ରା ବୃଦ୍ଧି ପାଇବାର ସମ୍ଭାବନା ରହିଛି, ବିଶେଷକରି ପଶ୍ଚିମ ଓଡ଼ିଶାର ଜିଲ୍ଲାଗୁଡ଼ିକରେ ଏପ୍ରିଲ ୨୪ ଏବଂ ୨୫ ତାରିଖରେ ଏହା ୪୫ ଡିଗ୍ରି ସେଲସିୟସ ଅତିକ୍ରମ କରିପାରେ।

କାଳବୈଶାଖୀ ପ୍ରଭାବରେ ଘଡ଼ଘଡ଼ି ଏବଂ ବର୍ଷା ଯୋଗୁ ଗରମରୁ ଅଳ୍ପ ସମୟ ପାଇଁ ମୁକ୍ତି ପାଇବା ପରେ ତାପମାତ୍ରା ପୁଣି ଥରେ ବୃଦ୍ଧି ପାଇବା ଆରମ୍ଭ କରିଛି। ପଶ୍ଚିମ ଓଡ଼ିଶାର ଅନେକ ସହରରେ ତାପମାତ୍ରା ରବିବାର ୪୦ ଡିଗ୍ରି ସେଲସିୟସ ଉପରେ ରେକର୍ଡ କରାଯାଇଛି।

ଆଇଏମଡି ପୂର୍ବାନୁମାନ ଅନୁଯାୟୀ, ଗ୍ରୀଷ୍ମ ପ୍ରବାହ ସ୍ଥିତି ଆହୁରି ତୀବ୍ର ହେବାର ଆଶା କରାଯାଉଛି, ଆଗାମୀ ଦିନରେ ତାପମାତ୍ରା ଆହୁରି ୪ ଡିଗ୍ରି ସେଲସିୟସ୍ ବୃଦ୍ଧି ପାଇବାର ସମ୍ଭାବନା ରହିଛି।

ରାଜ୍ୟରେ ପୁଣିଥରେ ତାପମାତ୍ରା ଉପରମୁହାଁ ହୋଇଛି। ପଶ୍ଚିମ ଓଡ଼ିଶାରେ ସୋମବାର ମୁଣ୍ଡଫଟା ଖରା ହେବ ବୋଲି ପାଣିପାଗ ବିଭାଗ ସୂଚନା ଦେଇଛି।

ପାଣିପାଗ ବିଭାଗ ପୂର୍ବାନୁମାନ ଅନୁସାରେ କିଛି ସ୍ଥାନରେ ତାପମାତ୍ରା ୪୪ ଡିଗ୍ରୀ ସେଲସିୟସ୍ ପାର୍ ହେବାର ସମ୍ଭାବନା ରହିଛି। ଗୁଳୁଗୁଳି ଜାରି ରହିବ। କାଳବୈଶାଖୀ ସମ୍ଭାବନା ଏବେ ନାହିଁ ।

ଏପ୍ରିଲ ୨୫ ତାରିଖ ମଧ୍ୟରେ ତାପମାତ୍ରା ଖସିବାର ଆଶା ନାହିଁ। ଏପ୍ରିଲ ୨୬ ତାରିଖବେଳକୁ କାଳବୈଶାଖୀ ହୋଇପାରେ। କିନ୍ତୁ ପ୍ରଚଣ୍ଡ ତାତିରୁ ନିସ୍ତାର ଆଶା କମ୍ ରହିଛି। ଏପ୍ରିଲ ୨୧ ତାରିଖ ସୋମବାର ୧୦ଟି ସ୍ଥାନରେ ପାରଦ ୪୦ ଡିଗ୍ରି ଡେଇଁବ ବୋଲି ପାଣିପାଗ ବିଭାଗ ସୂଚନା ପ୍ରଦାନ କରିଛି।

ଅଧିକ ପଢ଼ନ୍ତୁ: ୧୦୦୦ ଡିଗ୍ରି ସେଲସିୟସ୍‌ର ଅଗ୍ନି ପିଣ୍ଡୁଳା: ଚୀନ୍ ଅଣ-ପରମାଣୁ ହାଇଡ୍ରୋଜେନ୍ ବୋମା ପରୀକ୍ଷଣ କଲା

ବିଶେଷ କରି ଝାରସୁଗୁଡ଼ାରେ ପାରଦ ୪୩ ଡିଗ୍ରି ଡେଇଁବ ବୋଲି ପାଣିପାଗ ବିଭାଗ କହିଛି। ଟିଟିଲାଗଡ଼, ବଲାଙ୍ଗୀର, ସୋନପୁର, ବୌଦ୍ଧ, ସମ୍ବଲପୁର, ସୁନ୍ଦରଗଡ଼ ଆଦି ସ୍ଥାନରେ ୪୨ ଡିଗ୍ରି ଛୁଇଁବାକୁ ଥିବା ବେଳେ ବରଗଡ଼, ରାଉରକେଲା ଓ ଅନୁଗୋଳ ତାପମାତ୍ରା ୪୦ ଡିଗ୍ରି ହୋଇପାରେ। 

ଅଧିକ ପଢ଼ନ୍ତୁ: ୧୦ ପ୍ରତିଶତ ହ୍ରାସ କରନ୍ତୁ ତେଲ ବ୍ୟବହାର: ମୋଦୀ ଅପିଲ୍ କଲେ

IMD | imd bhubaneswar