ସତ ହେଲା କି ଟ୍ରମ୍ପ୍‌ଙ୍କ ସତର୍କବାଣୀ !

ଭୁବନେଶ୍ବର: ଗୋପାଳପୁର, ବାଲେଶ୍ଵର ପରେ ଏବେ ବଳଙ୍ଗା ଘଟଣା ସୂଚାଉଛି ଓଡ଼ିଶାରେ ମହିଳାମାନେ କେତେ ସୁରକ୍ଷିତ। ଏନେଇ ରାଜନୈତିକ ମହଲଠାରୁ ଆରମ୍ଭ କରି ସାଧାରଣ ଲୋକଙ୍କ ମଧ୍ୟରେ ଚର୍ଚ୍ଚା ଜାରି ରହିଛି।

ବଳଙ୍ଗାରେ ଏକୁଟିଆ ଯିବା ବେଳେ ଜଣେ ନାବାଳିକାଙ୍କୁ ଦୁର୍ବୃତ୍ତ ପେଟ୍ରୋଲ ଢାଳି ଜାଳି ଦେଇଛନ୍ତି। ତାଙ୍କୁ ଭୁବନେଶ୍ବର ଏମ୍ସରେ ଚିକିତ୍ସା ଲାଗି ଭର୍ତ୍ତି କରାଯାଇଥିଲା। ପରେ ଅଧିକ ଚିକିତ୍ସା ପାଇଁ ଦିଲ୍ଲୀ ଏମ୍ସ ପଠାଇବା ପ୍ରକ୍ରିୟା ଆରମ୍ଭ ହୋଇଛି। ବଳଙ୍ଗା ଘଟଣା ପରେ ରାଜ୍ୟରେ ମହିଳାମାନେ କେତେ ସୁରକ୍ଷିତ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି।

ଜୁଲାଇ ୧୨ରେ ବାଲେଶ୍ବର ଏଫ୍‌ଏମ୍ ସ୍ବୟଂଶାସିତ କଲେଜରେ ଜଣେ ଛାତ୍ରୀ ନ୍ୟାୟ ନ୍ୟାୟ ପାଇଁ ଚିତ୍କାର କରି ଶେଷରେ ଅସହାୟ ହୋଇ ନିଜ ଜୀବନ ଦେବାକୁ ବାଧ୍ୟ ହୋଇଥିଲେ।

ବଳଙ୍ଗାରେ ଜଣେ ନାବାଳିକା ଜୁଲାଇ ୧୯ରେ ଏକୁଟିଆ ଯାଉଥିବା‌ବେଳେ ଦୁର୍ବୃତ୍ତମାନେ ତାଙ୍କୁ ଜାଳି ଦେବା ଉଦ୍ୟମ କରିଥିଲେ। ନାବାଳୀକାଙ୍କର ଶରୀରର ୭୦ ପ୍ରତିଶତ ଅଂଶ ପୋଡ଼ିଯାଇଥିବା ତାଙ୍କୁ ଚିକତ୍ସା କରୁଥିବା ଡାକ୍ତର ସୂଚନା ପ୍ରଦାନ କରିଛନ୍ତି।

ସେହିପରି କିଛି ଦିନ ପୂର୍ବରୁ ଜୁନ୍ ମାସ ୧୫ ତାରିଖରେ ଗଞ୍ଜାମ ଜିଲ୍ଲାର ଗୋପାଳପୁର ସମୁଦ୍ର କୂଳରେ ଘଟିଥିବା ଯୁବତୀଙ୍କୁ ଗଣ ଦୁଷ୍କର୍ମ ଘଟଣା ଦେଶ ସହିତ ବିଦେଶରେ ଓଡ଼ିଶା ପାଇଁ ଦୁର୍ନାମ ଆଣିଥିଲା।

ଏନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍  ଆମେରିକା ଜନସାଧାରଣଙ୍କ ଉଦ୍ଦେଶ୍ୟରେ ଭାରତ ଓଡ଼ିଶା ସମେତ ୬ ରାଜ୍ୟ  ଭ୍ରମଣ ସମୟରେ ବିଶେଷ ସତର୍କତା ଅବଲମ୍ବନ କରିବାକୁ ଏବଂ ମହିଳାମାନଙ୍କୁ ଏକୁଟିଆ ନଯିବାକୁ ଜୁନ୍ ୨୨ରେ ଚେତାଇ ଦେଇଥିଲେ।

ଏହାର ଠିକ୍ ୨୧ ଦିନ ପରେ ଏଫ୍‌ଏମ୍ କଲେଜ ଘଟଣା ଘଟିଥିବାବେଳେ ମାସେ ୫ ଦିନ ପରେ ବଳଙ୍ଗା ଘଟଣା ଘଟିଛି। ଏସବୁ ଘଟଣା ଗୋଟିକ ପରେ ଗୋଟିଏ ଘଟି ଚାଲିଥିବାବେଳେ ଟ୍ରମ୍ପ୍‌ଙ୍କ ସତର୍କବାଣୀ ସତ ହେଲାପରି ମନେ ହେଉଛି। 

ଅଧିକ ପଢ଼ନ୍ତୁ: ବୋଇଂ ବିମାନ ଇଞ୍ଜିନରେ ନିଆଁ, ଜରୁରୀକାଳୀନ ଅବତରଣ: ଭିଡିଓ ଭାଇରାଲ

ସୂଚନାଯୋଗ୍ୟ, ଆମେରିକୀୟ ସରକାର ଜୁନ୍ ୨୨ରେ ଜାରି କରିଥିବା ନିର୍ଦ୍ଦେଶାବଳୀରେ ଉଲ୍ଲେଖ ଥିଲା ‌ଯେ, ଆମେରିକା ନାଗରିକମାନେ ଓଡ଼ିଶା, ବିହାର, ଝାଡ଼ଖଣ୍ଡ, ଛତିଶଗଡ଼, ପଶ୍ଚିମବଙ୍ଗ ଓ  ମେଘାଳୟର   ଅଧିକାଂଶ ଅଞ୍ଚଳକୁ ଗସ୍ତ  ପୂର୍ବରୁ  ଆବଶ୍ୟକ ଅନୁମତି ନେବା ଆବଶ୍ୟକ। ଯଦି ଆମେରିକୀୟମାନେ କେବଳ ଏହି ସବୁ ରାଜ୍ୟର ରାଜଧାନୀକୁ ଯାତ୍ରା କରୁଛନ୍ତି ତେବେ ଅନୁମତି  ଆବଶ୍ୟକ ନାହିଁ ବୋଲି ନିର୍ଦ୍ଦେଶାବଳୀରେ କୁହାଯାଇଥିଲା।

ମହାରାଷ୍ଟ୍ରର ପୂର୍ବାଞ୍ଚଳ ଏବଂ ମଧ୍ୟପ୍ରଦେଶର ପୂର୍ବାଞ୍ଚଳକୁ ଯିବା ପାଇଁ ମଧ୍ୟ ଅନୁମୋଦନ ଆବଶ୍ୟକ ବୋଲି କୁହାଯାଇଥିଲା।  ଇମିଗ୍ରେସନ୍‌ ସମ୍ବନ୍ଧୀୟ ଅଟକ ଏବଂ ଜରିମାନା ଆଶଙ୍କା ଥିବାରୁ ଆମେରିକୀୟ ନାଗରିକମାନଙ୍କୁ ସ୍ଥଳପଥରେ ଭାରତ-ନେପାଳ ସୀମା ଅତିକ୍ରମ ନ କରିବାକୁ ପରାମର୍ଶ ଦିଆଯାଇଥିଲା।  ଉତ୍ତରପୂର୍ବ ରାଜ୍ୟଗୁଡ଼ିକୁ ଗସ୍ତ ସମୟରେ ମଧ୍ୟ ବିଶେଷ ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶାବଳୀରେ ଉଲ୍ଲେଖ କରାଯାଇଥିଲା।

ଅଧିକ ପଢ଼ନ୍ତୁ: ଦିଲ୍ଲୀ ଏମ୍ସକୁ ଏୟାରଲିଫ୍ଟ ହେବେ ବଳଙ୍ଗା ପୀଡ଼ିତା