ଗାଜାରୁ ୬ ବନ୍ଧକଙ୍କ ମୃତଦେହ ଉଦ୍ଧାର: ମୃତକଙ୍କ ମଧ୍ୟରେ ଜଣେ ଆମେରିକୀୟ

ଗାଜା: ଇସ୍ରାଏଲର ସୁରକ୍ଷା ବାହିନୀ ଗାଜାରୁ ୬ ଜଣ ବନ୍ଧକଙ୍କ ମୃତଦେହ ଉଦ୍ଧାର କରିଛନ୍ତି। ମୃତକଙ୍କ ମଧ୍ୟରେ ଆମେରିକାର ନାଗରିକ ହର୍ଶ ଗୋଲ୍ଡବର୍ଗ ପୋଲିନ୍ ମଧ୍ୟ ରହିଛନ୍ତି।

ଇସ୍ରାଏଲ ସେନା କହିଛି ଯେ, ଗାଜା ସହରର ରାଫା ସହରର ଏକ ଟନେଲରୁ ବନ୍ଧକମାନଙ୍କ ମୃତଦେହ ଉଦ୍ଧାର କରାଯାଇଛି। ମୃତକଙ୍କ ନାମ ଆଡେନ ୟେରୁଶାଲମି (୨୪), କର୍ମିଲ ଗାଟ (୩୯), ଆଲମୋଗ ସାରୁସି (୨୬), ଆଲେକ୍ସ ଲୁବନୋଭ (୩୨) ଏବଂ ଓରି ଡାନିନୋ (୨୫) ବୋଲି ଜଣାପଡିଛି।  

ଆମେରିକା ରାଷ୍ଟ୍ରପତି ଜୋ ବାଇଡେନ ନିଶ୍ଚିତ କରିଛନ୍ତି ଯେ ଆମେରିକାର ନାଗରିକ ହର୍ଶ ଗୋଲ୍ଡବର୍ଗ ପୋଲିନଙ୍କ ମୃତଦେହ ମଧ୍ୟ ଇସ୍ରାଏଲ ସେନା ଦ୍ୱାରା ମିଳିଥିବା ଶବ ମଧ୍ୟରେ ଅଛି। ବାଇଡେନ ଏକ ବିବୃତ୍ତିରେ କହିଛନ୍ତି ଯେ ରାଫାର ଟନେଲରେ ୬ ଜଣ ବନ୍ଧକଙ୍କ ମୃତଦେହ ମିଳିଛି।

ଆମେ ନିଶ୍ଚିତ କରିପାରୁ ଯେ ଶବ ମଧ୍ୟରୁ ଗୋଟିଏ ହେଉଛି ଆମେରିକାର ନାଗରିକ ହର୍ଶ ଗୋଲ୍ଡବର୍ଗ ପୋଲିନ୍। ଗତ ବର୍ଷ ଅକ୍ଟୋବର ୭ରେ ହୋଇଥିବା ଆକ୍ରମଣରେ ୨୩ ବର୍ଷର ଗୋଲ୍ଡବର୍ଗଙ୍କୁ ବନ୍ଧକ କରାଯାଇଥିଲା। ହମାସ ଆତଙ୍କବାଦୀମାନେ ସମୁଦାୟ ୨୫୧ ଜଣଙ୍କୁ ବନ୍ଧକ ରଖିଥିଲେ, ଯେଉଁଥିରୁ ନିକଟରେ ହୋଇଥିବା ଅସ୍ତ୍ରବିରତି ସମୟରେ ୧୦୦ରୁ ଅଧିକ ବନ୍ଧକଙ୍କୁ ମୁକ୍ତ କରାଯାଇଥିଲା। 

ନିକଟରେ ଗୋଲ୍ଡବର୍ଗଙ୍କ ପରିବାର ମଧ୍ୟ ଡେମୋକ୍ରାଟିକ୍ ନ୍ୟାସନାଲ କନକ୍ଲେଭରେ ଯୋଗ ଦେଇଥିଲେ ଏବଂ ତାଙ୍କ  ମା’ ମଞ୍ଚରୁ ଜନତାଙ୍କୁ ସମ୍ବୋଧିତ କରିଥିଲେ। ଅକ୍ଟୋବର ୭ରେ ଏକ ସଂଗୀତ ମହୋତ୍ସବରେ ହର୍ଶ ଅପହରଣ କରାଯାଇଥିଲା। ନିକଟରେ, ଏପ୍ରିଲ ୨୪ରେ, ହର୍ଶ ଏବଂ ଅନ୍ୟ ବନ୍ଧୁକଧାରୀଙ୍କ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଆତଙ୍କବାଦୀମାନେ ଏକ ଗାଡିରେ ବନ୍ଧକମାନଙ୍କୁ ହାତ ଗୋଡ଼ରେ ବାନ୍ଧି ନେଉଥିଲେ। ଏହି ବନ୍ଧକମାନଙ୍କ ମଧ୍ୟରେ ହର୍ଶ ଗୋଲ୍ଡବର୍ଗ ମଧ୍ୟ ଥିଲେ। 

ଇସ୍ରାଏଲ୍ ପ୍ରତିରକ୍ଷା ବାହିନୀ (ଆଇଡିଏଫ୍) ମୁଖପାତ୍ର ରିୟର ଆଡମିରାଲ ଡାନିଏଲ ହାଗରୀ ଟାଇମ୍ସ ଅଫ୍ ଇସ୍ରାଏଲକୁ କହିଛନ୍ତି ଯେ ଦକ୍ଷିଣ ଗାଜାର ରାଫାରୁ ଉଦ୍ଧାର ହୋଇଥିବା ୬ ଜଣ ବନ୍ଧକଙ୍କୁ ଆଇଡିଏଫ୍‌ ସୈନ୍ୟ ପହଞ୍ଚିବାର କିଛି ସମୟ ପୂର୍ବରୁ ହମାସ ଦ୍ୱାରା ଅତି ନିର୍ମମ ଭାବରେ ହତ୍ୟା କରାଯାଇଥିଲା ।

ଅଧିକ ପଢ଼ନ୍ତୁ: ପୁଷ୍ପା ୨ ରିଲିଜ୍ ପୂର୍ବରୁ ଅଧା ବଜେଟ୍ ଆୟ କଲା: ଓଟିଟି ଅଧିକାର...

ଡେଲାୱେରର ଏକ ଚର୍ଚ୍ଚ ଛାଡିବା ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ବାଇଡେନ କହିଛନ୍ତି ଯେ ଏହି ଯୁଦ୍ଧ ଶେଷ ହେବାର ସମୟ ଆସିଛି। ଆମେ ଏହି ଯୁଦ୍ଧକୁ ସମାପ୍ତ କରିବା ଉଚିତ୍।

ଉପରାଷ୍ଟ୍ରପତି କମଲା ହାରିସ ଏକ ବିବୃତିରେ କହିଛନ୍ତି ହମାସକୁ ହଟାଇବାକୁ ହେବ ଏବଂ ଗାଜାକୁ ନିୟନ୍ତ୍ରଣ କରିବାକୁ ଅନୁମତି ଦିଆଯାଇପାରିବ ନାହିଁ। ହାରିସ ୨୩ ବର୍ଷୀୟ ଆମେରିକୀୟ ନାଗରିକ ଗୋଲ୍ଡବର୍ଗଙ୍କ ପିତାମାତା ଜନ୍ ଏବଂ ରାହୁଲଙ୍କୁ ସମବେଦନା ଜଣାଇଛନ୍ତି ଏବଂ ଘୋଷଣା କରିଛନ୍ତି, ଆମେରିକୀୟ ନାଗରିକଙ୍କ ସୁରକ୍ଷା ଅପେକ୍ଷା ମୋର କୌଣସି ପ୍ରାଥମିକତା ନାହିଁ, ଯେଉଁଠାରେ ବି ସେମାନେ ବିଶ୍ୱରେ ଅଛନ୍ତି ସେମାନଙ୍କ ସୁରକ୍ଷା ମୋର କର୍ତ୍ତବ୍ୟ।

 ଆମେରିକୀୟମାନଙ୍କୁ ଏବଂ ଗାଜାରେ ବନ୍ଧକ ରଖିଥିବା ସମସ୍ତଙ୍କୁ ମୁକ୍ତ କରିବାକୁ ଆମର ପ୍ରତିବଦ୍ଧତା ପୂରଣ କରିବାକୁ ଆମେ ଦିନରାତି କାମ କରୁଛୁ।

ଅଧିକ ପଢ଼ନ୍ତୁ: ନରଖାଦକ ଗଧିଆ ସନ୍ଧାନ: ସର୍ଚ୍ଚ ଅପରେସନରେ ୫୭ ଟିମ୍‌ର ୨୦୦ ଯବାନ