ହାଇଦ୍ରାବାଦର ଗୁଲଜାର ହାଉସ ନିକଟରେ ଭୟଙ୍କର ଅଗ୍ନିକାଣ୍ଡ: ୧୭ ମୃତ୍ୟୁ

ହାଇଦ୍ରାବାଦ: ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ଏକ ବଡ଼ ଅଗ୍ନିକାଣ୍ଡ ଘଟିଥିବା ଖବର ଆସିଛି। ଚାରମିନାର ଅଞ୍ଚଳର ଗୁଲଜାର ହାଉସ୍ ନିକଟରେ ଥିବା ଏକ କୋଠାରେ ଏହି ଭୟଙ୍କର ଅଗ୍ନିକାଣ୍ଡ ଘଟିଛି। ଏହି ଘଟଣାରେ ୧୭ ଜଣ ଜୀବନ୍ତ ଦଗ୍ଧ ହୋଇଥିବା ବେଳେ ଅନେକ ଆହତ ହୋଇଛନ୍ତି। ସୂଚନା ପାଇ ପୁଲିସ ଏବଂ ଅଗ୍ନିଶମ ବାହିନୀ ଦଳ ଘଟଣାସ୍ଥଳରେ ପହଞ୍ଚି ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ଅଗ୍ନିକାଣ୍ଡ ରବିବାର ସକାଳ ୫ଟାରୁ ୬ଟା ମଧ୍ୟରେ ଘଟିଥିଲା। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ଅଗ୍ନିଶମ କର୍ମଚାରୀଙ୍କ ଅନୁଯାୟୀ, ଏହି କୋଠାରେ ଚାରିଟି ପରିବାରର ବହୁ ଲୋକ ଏବେ ବି ଫସି ରହିଛନ୍ତି। ଏପର୍ଯ୍ୟନ୍ତ ଯେଉଁମାନଙ୍କୁ ସ୍ଥାନାନ୍ତର କରାଯାଇଛି ସେମାନଙ୍କ ମଧ୍ୟରେ ତିନି ଜଣ ଶିଶୁ ସମେତ ୧୪ ଜଣ ଅଛନ୍ତି। ସମସ୍ତେ ଗୁରୁତର ଭାବରେ ପୋଡ଼ି ଯାଇଛନ୍ତି। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।  ସେମାନଙ୍କ ଅବସ୍ଥା ସଙ୍କଟାପନ୍ନ ବୋଲି କୁହାଯାଉଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି କୋଠାରେ ୩୦ରୁ ଅଧିକ ଲୋକ ରହୁଥିଲେ। ସେମାନଙ୍କ ମଧ୍ୟରୁ ଅଧିକାଂଶ ଭଡାଟିଆ ଥିଲେ।

ଅଧିକ ପଢ଼ନ୍ତୁ: ଡୋନାଲ୍ଡ ଟ୍ରମ୍ପ୍‌ଙ୍କ ଅସଲ ମୁଖା ଖୋଲିଲା: ହ୍ୱାଇଟ୍ ହାଉସରେ ଦୁଇ ଜିହାଦୀ ସଦସ୍ୟ

ପୁଲିସର କହିବା ଅନୁଯାୟୀ, କୋଠାରେ ଅଗ୍ନିକାଣ୍ଡର କାରଣ ତଦନ୍ତ କରାଯାଉଛି। ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ରାତିରେ ବହୁତ ଗରମ ଥିଲା ଏବଂ ଘରେ ଲାଗିଥିବା ସମସ୍ତ ଏସି ଚାଲୁଥିଲା। ଏହି କାରଣରୁ ଘରର ତାରଗୁଡ଼ିକ ଗରମ ହୋଇଗଲା। ଏହି ସମୟରେ, ତାରରେ ନିଆଁ ଲାଗିଗଲା ଏବଂ ସେଥିରୁ ନିର୍ଗତ ସ୍ପାର୍କିଂ କିଛି ସମୟ ମଧ୍ୟରେ ଭୟଙ୍କର ରୂପ ନେଇଗଲା। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ନିଆଁ ଏତେ ଶୀଘ୍ର ବ୍ୟାପିଗଲା ଯେ, ଲୋକମାନେ ବାହାରକୁ ଦୌଡ଼ିବାକୁ ମଧ୍ୟ ସୁଯୋଗ ପାଇଲେ ନାହିଁ।

ଅଧିକ ପଢ଼ନ୍ତୁ:ନୂଆପଡ଼ା ପୁଲିସ୍ ଦ୍ଵାରା ମୋବାଇଲ୍ ଫେରସ୍ତ ମେଳା, ୧୦୪ଟି ଚୋରି ମୋବାଇଲ୍ ଫେରସ୍ତ କଲେ

 Telengana