ପଲଟୁରାମ ପାଲଟିଛନ୍ତି ଟ୍ରମ୍ପ୍: ଏବେ ଭାରତ-ପାକ୍ ଯୁଦ୍ଧବିରତି ନେଇ ଏଭଳି ମନ୍ତବ୍ୟ ଦେଲେ

ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ପୁଣି ଥରେ ଖବରରେ ଅଛନ୍ତି।  ପ୍ରତିଥର ପରି, ଏଥର କାରଣ ହେଉଛି ତାଙ୍କର ଆଉ ଏକ ୟୁ-ଟର୍ଣ୍ଣ। ଯାହାତାଙ୍କୁ ପଲଟୁରାମ ବୋଲି ସାବ୍ୟସ୍ତ କରିଛି। ଏକ ନ୍ୟୁଜ୍ ୱେବସାଇଟକୁ ଦେଇଥିବା ସାକ୍ଷାତକାରରେ ସେ ଦାବି କରିଛନ୍ତି ଯେ, ଭାରତ ଏବଂ ପାକିସ୍ତାନ ମଧ୍ୟରେ ପରମାଣୁ ଯୁଦ୍ଧ ଭଳି ପରିସ୍ଥିତିକୁ ରୋକିବାରେ ତାଙ୍କର କୂଟନୀତି ଏକ ବଡ଼ ଭୂମିକା ଗ୍ରହଣ କରିଛି।

କେବଳ ଏତିକି ନୁହେଁ, ଟ୍ରମ୍ପ୍ ଏହାକୁ ତାଙ୍କର ସବୁଠାରୁ ବଡ଼ ସଫଳତା ମଧ୍ୟରେ ଗଣନା କରିଛନ୍ତି। କିନ୍ତୁ ଆଶ୍ଚର୍ଯ୍ୟର କଥା ହେଉଛି ଯେ, ମାତ୍ର ଦୁଇ ଦିନ ପୂର୍ବରୁ କତାରରେ ସେ କହିଥିଲେ  ମୁଁ କହୁନାହିଁ ଯେ, ମୁଁ ମଧ୍ୟସ୍ଥତା କରିଛି, କିନ୍ତୁ ମୁଁ ନିଶ୍ଚିତ ଭାବରେ ସାହାଯ୍ୟ କରିଛି। ଏବେ ତାଙ୍କର ପରିବର୍ତ୍ତିତ ସ୍ୱର ତାଙ୍କ ଭୂମିକା ଉପରେ ପ୍ରଶ୍ନବାଚୀକୁ ଆହୁରି ଘନୀଭୂତ କରିଛି।

ଫକ୍ସ ନ୍ୟୁଜକୁ ଦେଇଥିବା ଏକ ସାକ୍ଷାତକାରରେ ଟ୍ରମ୍ପ୍ କହିଛନ୍ତି, ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଏତେ ତୀବ୍ର ହୋଇଯାଇଥିଲା ଯେ, ପରବର୍ତ୍ତୀ ପଦକ୍ଷେପ ଏନ୍ ଶବ୍ଦ, ଅର୍ଥାତ୍ ପରମାଣୁ ଯୁଦ୍ଧ ହୋଇପାରିଥାନ୍ତା। ସେ ସାକ୍ଷାତକାରରେ ଦାବି କରିଥିଲେ ଯେ, ଦୁଇ ଦେଶ ମଧ୍ୟରେ ବିବାଦ ବହୁତ ଗଭୀର ଆଡ଼କୁ ଗତି କରୁଥିଲା।

ପରବର୍ତ୍ତୀ ପଦକ୍ଷେପ ପରମାଣୁ ଯୁଦ୍ଧ ହୋଇଥାନ୍ତା। ଆଉ ସଭିଏଁ ଜାଣନ୍ତି ଏହା କେତେ ଭୟଙ୍କର। ସେ ଏହା ମଧ୍ୟ କହିଥିଲେ ଯେ, ଯଦି ସେ ହସ୍ତକ୍ଷେପ କରି ନଥାନ୍ତେ, ତେବେ ପରିସ୍ଥିତି ଆହୁରି ଖରାପ ହୋଇପାରିଥାନ୍ତା।

ଅଧିକ ପଢ଼ନ୍ତୁ: ମୋଦୀ ସରକାରଙ୍କ ସପକ୍ଷରେ କହିବେ ଓୱାସି: ବିଶ୍ୱ ସମ୍ମୁଖରେ ପାକିସ୍ତାନର ପର୍ଦ୍ଦାଫାସ କରିବେ

ଭାରତ ସରକାର ଟ୍ରମ୍ପ୍‌ଙ୍କ ଏହି ବକ୍ତବ୍ୟକୁ ପୂର୍ବରୁ ଖଣ୍ଡନ କରିସାରିଛନ୍ତି। ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ କହିଥିଲେ ଯେ, ଜମ୍ମୁ-କଶ୍ମୀର ସହ ଜଡିତ ସମସ୍ୟାଗୁଡ଼ିକର ସମାଧାନ କେବଳ ଭାରତ ଏବଂ ପାକିସ୍ତାନ ମଧ୍ୟରେ ସିଧାସଳଖ ଏବଂ ଦ୍ୱିପାକ୍ଷିକ ଆଲୋଚନା ମାଧ୍ୟମରେ ହେବ। ଭାରତୀୟ ସେନା ଏହା ମଧ୍ୟ ସ୍ପଷ୍ଟ କରିଛି ଯେ, ଦୁଇ ଦେଶର ଡିଜିଏମଓ (ସୈନ୍ୟ ଅଭିଯାନର ମହାନିର୍ଦ୍ଦେଶକ)ଙ୍କ ମଧ୍ୟରେ ଆଲୋଚନା ପରେ ଯୁଦ୍ଧବିରତି ଉପରେ ସହମତି ପ୍ରକାଶ ପାଇଥିଲା। କୌଣସି ବାହ୍ୟ ମଧ୍ୟସ୍ଥତା ମାଧ୍ୟମରେ ଏହା ହୋଇ ନଥିଲା। 

ଆତଙ୍କବାଦୀମାନେ ପହଲଗାମରେ ପର୍ଯ୍ୟଟକଙ୍କୁ ଆକ୍ରମଣ କରିଥିଲେ। ଏହା ପରେ, ଭାରତ 'ଅପରେସନ୍ ସିନ୍ଦୂର' ଆରମ୍ଭ କରିଥିଲା ​​ଏବଂ ଜୈଶ-ଏ-ମହମ୍ମଦ, ଲସ୍କର-ଏ-‌ତୋଇବା ଏବଂ ହିଜବୁଲ ମୁଜାହିଦ୍ଦିନ ଭଳି ଆତଙ୍କବାଦୀ ସଂଗଠନଗୁଡ଼ିକୁ ଟାର୍ଗେଟ କରିଥିଲା।

ଏହି ଅପରେସନରେ ପାକିସ୍ତାନ ଏବଂ ପିଓକେରେ ଥିବା ୧୦୦ ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ପ୍ରତିଶୋଧ ସ୍ୱରୂପ, ପାକିସ୍ତାନ ଭାରତ ଉପରେ ଡ୍ରୋନ୍ ଆକ୍ରମଣ ଏବଂ ସୀମାପାର ଗୁଳିବର୍ଷଣ ଆରମ୍ଭ କରିଥିଲା। ଭାରତ ପାକିସ୍ତାନର ରାଡାର ଷ୍ଟେସନ, ଏୟାରଫିଲ୍ଡ ଏବଂ ଯୋଗାଯୋଗ କେନ୍ଦ୍ର ଉପରେ ସଠିକ ଆକ୍ରମଣ ସହିତ ଜବାବ ଦେଇଥିଲା। ସେହି ସମୟରେ ଆମେରିକା ଯୁଦ୍ଧବିରତି ଘୋଷଣା କରିଥିଲା, କିନ୍ତୁ ଭାରତ ସର୍ବଦା ଏହି ଚୁକ୍ତିନାମା ଦ୍ୱିପାକ୍ଷିକ ବୋଲି କହିଆସିଛି।

ଅଧିକ ପଢ଼ନ୍ତୁ: ଭାରସାମ୍ୟ ହରାଇ ଓଲଟିଲା ସାର ବୋଝେଇ ଟ୍ରକ୍ , ଅଳ୍ପକେ ବର୍ତ୍ତିଲେ ଚାଳକ

donald-trump | U-Turn | operation-sindoor