ମଧ୍ୟପ୍ରାଚ୍ୟରେ ପୁଣି ଯୁଦ୍ଧ ଆଶଙ୍କା ଘନେଇଲା: ଯୁଦ୍ଧବିରତି ମଧ୍ୟରେ ଚୀନ୍ ଇରାନକୁ ଅସ୍ତ୍ରଶସ୍ତ୍ର ପଠାଇଲା

ତେ‌ହେରାନ/ବେଜିଂ:ଇରାନ ଏବଂ ଇସ୍ରାଏଲ ମଧ୍ୟରେ ୧୨ ଦିନିଆ ଯୁଦ୍ଧରେ ଉଭୟ ଦେଶ ବହୁତ କ୍ଷତି ସହିଛନ୍ତି। ଉଭୟ ଦେଶ ୨୪ ଜୁନ୍‌ରେ ଯୁଦ୍ଧବିରତି ଘୋଷଣା କରିଥିଲେ। କିନ୍ତୁ ଏହି ଯୁଦ୍ଧ କେବେ ପୁଣି ଥରେ ଆରମ୍ଭ ହେବ ସେ ବିଷୟରେ କୌଣସି ନିଶ୍ଚିତତା ନାହିଁ।

ଉଭୟ ଦେଶ ଏହାକୁ ଭଲ ଭାବରେ ବୁଝିଛନ୍ତି ଏବଂ ପରବର୍ତ୍ତୀ ଯୁଦ୍ଧ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଆମେରିକାରୁ ଇସ୍ରାଏଲକୁ ଅନେକ ମାଲବାହୀ ବିମାନ ପଠାଯାଇଛି। ସହଯୋଗୀମାନେ ଇରାନର ଶକ୍ତି ବୃଦ୍ଧି କରିବାରେ ସାହୟତା କରିବା ଆରମ୍ଭ କରିଛନ୍ତି।

ଆରବର ଜଣେ ଗୁଇନ୍ଦା ବିଭାଗ ଅଧିକାରୀ ମେହର ନ୍ୟୁଜକୁ କହିଛନ୍ତି ଯେ, ଜୁନ୍ ୨୪ ତାରିଖରେ ଇରାନ ଏବଂ ଇସ୍ରାଏଲ ମଧ୍ୟରେ ହୋଇଥିବା ଯୁଦ୍ଧବିରତି ଚୁକ୍ତିନାମା ପରେ, ଚୀନ୍ ଦ୍ୱାରା ଇରାନକୁ ପୃଷ୍ଠରୁ ଆକାଶ କ୍ଷେପଣାସ୍ତ୍ର ବ୍ୟାଟେରୀ ଯୋଗାଇ ଦିଆଯାଇଛି।

୧୨ ଦିନର ଯୁଦ୍ଧ ସମୟରେ ଇରାନ ଇସ୍ରାଏଲ ଉପରେ ହଜାର ହଜାର କ୍ଷେପଣାସ୍ତ୍ର ମାଡ଼ କରିଥିଲା। ଯାହା ଫଳରେ ଏହାର ଅସ୍ତ୍ରଶସ୍ତ୍ର ଭଣ୍ଡାର ଶେଷ ହୋଇଯାଇଥିଲା। ଚୀନ୍ ଦ୍ୱାରା ଯୋଗାଇ ଦିଆଯାଇଥିବା କ୍ଷେପଣାସ୍ତ୍ର ବ୍ୟାଟେରୀଗୁଡ଼ିକ ଇରାନକୁ ଶୀଘ୍ର ଅଭାବ ପୂରଣ କରିବାରେ ସାହାଯ୍ୟ କରିପାରିବ ବୋଲି କୁହାଯାଉଛି। ଇରାନ ଚୀନ୍ ଠାରୁ କେତେ ବ୍ୟାଟେରୀ ପାଇଛି ସେନେଇ କୌଣସି ସୂଚନା ଦିଆଯାଇ ନାହିଁ।

ଅଧିକ ପଢ଼ନ୍ତୁ: ବିହାରରେ ‘ଚକା ଜାମ୍‌’ର ନେତୃତ୍ବ ନେଲେ ରାହୁଲ-ତେଜସ୍ବୀ

ମେହର ନ୍ୟୁଜ୍ କହିଛି ଯେ, ଇରାନ ଏହି ବ୍ୟାଟେରୀ ପାଇଁ ତେଲ ଯୋଗାଇ ଦେଉଛି।  ଇରାନୀ ତେଲର ସବୁଠାରୁ ବଡ଼ ଆମଦାନୀକାରୀ ହେଉଛି ଚୀନ୍। ମେ’ ମାସରେ ଏକ ଆମେରିକାର ରିପୋର୍ଟ ପ୍ରକାଶ କରିଥିଲା ​​ଯେ, ଇରାନର ପ୍ରାୟ ୯୦ ପ୍ରତିଶତ ଅଶୋଧିତ ତେଲ ଏବଂ କଣ୍ଡେନସେଟ୍ ରପ୍ତାନି ବେଜିଂକୁ ଯାଇଥାଏ।

କିଛି ବର୍ଷ ଧରି,ଆମେରିକାର କଟକଣା ସତ୍ତ୍ୱେ ଚୀନ୍ ରେକର୍ଡ ପରିମାଣର ଇରାନୀ ତେଲ ଆମଦାନୀ କରିଆସୁଛି ଏବଂ ଅଶୋଧିତ ତୈଳର ଉତ୍ସକୁ ଲୁଚାଇବା ପାଇଁ ମାଲେସିଆ ଭଳି ଦେଶଗୁଡ଼ିକୁ ଟ୍ରାନ୍ସସିପମେଣ୍ଟ ହବ୍ ଭାବରେ ବ୍ୟବହାର କରିଆସୁଛି। 

ଅଧିକ ପଢ଼ନ୍ତୁ:ପୁଲୱାମା ଆକ୍ରମଣ: ଆମାଜନରୁୁ ବିସ୍ଫୋରକ ଅର୍ଡର କରି ଯବାନଙ୍କ ପାଇଁ ମୃତ୍ୟୁର ଜାଲ ବିଛାଇଥିଲେ ଆତଙ୍କୀ

iran | israel | Israel Iran War | China