ଭାରତ ହାତରୁ ବର୍ଡର-ଗାଭାସ୍କର ଟ୍ରଫି ଛଡ଼ାଇ ନେବାକୁ ଅଷ୍ଟ୍ରେଲିଆ ପ୍ରସ୍ତୁତ: କମିନ୍ସ ନିଜର ମନୋଭାବ ପ୍ରଦର୍ଶନ କଲେ

ନୂଆଦିଲ୍ଲୀ: ପ୍ରଥମ ଥର ପାଇଁ ବର୍ଡର-ଗାଭାସ୍କର ଟ୍ରଫି ଜିତିବାକୁ ଅଷ୍ଟ୍ରେଲିଆ ଅଧିନାୟକ ପାଟ କମିନ୍ସ ଯୋଜନା କରିଛନ୍ତି। ଅଷ୍ଟ୍ରେଲିଆ ଏବଂ ଭାରତ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ବର୍ଡର-ଗାଭାସ୍କର ଟ୍ରଫି  ଟେଷ୍ଟ ସିରିଜ୍ ନଭେମ୍ବର ୨୨ରୁ ପର୍ଥରେ ଆରମ୍ଭ ହେବାର କାର୍ଯ୍ୟକ୍ରମ ରହିଛି।

ଭାରତ ବର୍ଡର-ଗାଭାସ୍କର ଟ୍ରଫି ଉପରେ ନିଜର ପ୍ରାଧାନ୍ୟ ବିସ୍ତାର କରି ପ୍ରାୟ ଏକ ଦଶନ୍ଧି ଧରି ଅଷ୍ଟ୍ରେଲିଆରେ ଶେଷ ଦୁଇଟି ସିରିଜ୍ ଜିତିଥିଲା। ସିରିଜ୍ ଯେତିକି ପାଖେଇ ଆସୁଛି, କମିନ୍ସ  କମିନ୍ସ ଉତ୍ସାହର ସହ ପୂର୍ବ ପରାଜୟକୁ ବିଜୟରେ ପରିବର୍ତ୍ତନ କରିବାକୁ ଏକ ଦୃଢ଼ ଇଚ୍ଛା ପ୍ରକାଶ କରିଛନ୍ତି । 

ସେ କହିଛନ୍ତି ଆମକୁ ଟିକେ ବିରତି ମିଳିଛି, ତେଣୁ ମୁଁ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ଉତ୍ସାହିତ ରହିଛି। ଗତ କିଛି ସିରିଜରେ ଭାରତ ବିପକ୍ଷରେ ଆମର ଭାଗ୍ୟ ଭଲ ନ ଥିଲା। ଆମକୁ ସଫଳତା ମିଳିନାହିଁ। କିନ୍ତୁ ଅଷ୍ଟ୍ରେଲିଆରେ ଭଲ ଖେଳିବାରେ ଆମର ରେକର୍ଡ ସର୍ବଦା ଭଲ ରହିଛି ବୋଲି କମିନ୍ସ କହିଛନ୍ତି। 

ତେବେ ସେ ସ୍ବୀକାର କରିଛନ୍ତି ଯେ ଗାବାରେ ଅନ୍ତିମ ସିରିଜ ନାଟକୀୟ ଢଙ୍ଗରେ ଶେଷ ହୋଇଥିଲା।  ସେ କହିଛନ୍ତି ଯେ ସେହି ସମୟରେ ଖେଳିଥିବା ଅନେକ ଖେଳାଳି ଦଳରେ ଅଛନ୍ତି ଏବଂ ଆମେ ଆମର ପ୍ରଦର୍ଶନରେ ଉନ୍ନତି କରିବାର ଆଶା ରଖିଛୁ।  କମିନ୍ସ ମଧ୍ୟ ଶୁବମନ ଗିଲ ଏବଂ ଯଶସ୍ୱୀ ଜୟସ୍ବାଲଙ୍କ ସମେତ ଭାରତର ଯୁବ ପ୍ରତିଭାମାନଙ୍କ ପକ୍ଷରୁ ସମ୍ମୁଖୀନ ହେବାକୁଥିବା ଆହ୍ବାନ ଉପରେ ଆଲୋକପାତ କରିଛନ୍ତି।

ସେ କହିଛନ୍ତି, ମୁଁ ଶୁବମନଙ୍କ ବିପକ୍ଷରେ ଖେଳିଛି, କିନ୍ତୁ ଆଇପିଏଲରେ କିଛି ଝଲକ ବ୍ୟତୀତ ମୁଁ ଜୟସ୍ବାଲଙ୍କୁ ଅଧିକ ଦେଖି ନାହିଁ। ଉଭୟ ଯୁବ ଖେଳାଳି ସମସ୍ତ ଫର୍ମାଟରେ ଭଲ ପ୍ରଦର୍ଶନ କରିଛନ୍ତି। ମୁଁ ସେମାନଙ୍କୁ ଭଲ ଭାବରେ ଏବେ ଦେଖିବାର ଆଶା ରଖିଛି। ଏହି ସିରିଜ ବହୁ ପ୍ରତୀକ୍ଷିତ ମୁକାବିଲା ହେବ। ଆମେ ପୂର୍ବର ଅଭିଜ୍ଞତାକୁ ଭୁଲି ନୂତନ ଶୈଳୀରେ ଖେଳିବାକୁ ଯୋଜନା କରିଛୁ ବୋଲି ସେ  କହିଛନ୍ତି।

ଅଧିକ ପଢ଼ନ୍ତୁ:

ପରାଜୟ ପରେ ବିରାଟ ପତ୍ନୀ ଅନୁଷ୍କାଙ୍କ ସହ କୀର୍ତ୍ତନରେ ପହଞ୍ଚିଲେ, ଭିଡିଓ ଭାଇରାଲ

୮ ୱିକେଟରେ ହାରିଲା ଭାରତ: ଡବ୍ଲୁଟିସି ଫାଇନାଲ ପାଇଁ ସମସ୍ୟା ବଢ଼ିଲା